رواية سعودية {فارس احلامي}روووووووعه

الجزء العاشر



مشاعل كانت تتذكر حالها قبل,, شلون طلال كذب عليها ,, والكلام الحلو ,, والغيره ,,,
والشوق مستحيل يكون فيه انسان يقدر يمثل لهدرجه ,,, كانت تبي تطلع من المستشفى ,, تبي
تنفرد بنفسها تبي تفكر بكل شي ,,, تبي تبدا حياه جديده,,, تبي تبكي حالها ,,, تبكي همومها ,,
تبكي عذابها ازعجها صوت ممرضتين دخلوا عندها وقالوا لها تنزل من السرير ,,, حاولت
ممرضه تساعدها في النزول ,,,نزلت من السرير وجلستها الممرضه على كرسي متحرك
مشاعل: وين راح توديني
الممرضه: فيه انتي روه قورفه تاني
مشاعل: ليش ايش فيها الغرفه هذي
الممرضه : انتي روه قورفه كاصه
مشاعل: غرفه خاصه ؟؟؟؟
اخذتها الممرضه لمكان حست انه بعيد لانها مشت كثير ,, دخلت الاصنصير ومشوا مسافه
ماتقل عن الي قبلها دخلتها غرفه ,,, ماكانت تدري عن حجمها بس حست انها كبيره لانها
مشت مسافه لما وصلت للسرير مسكتها الممرضه وجلستها ع السرير وقالت لها اذا احتاجت
شي ترن ع الجرس الي جنب سريرها كانت الممرضه مهتمه في راحتها بعكس الي بالقسم
الاول كانوا يتأففون ,, وقالت له ماتتحرك الا اذا كان معاها احد
------------------------------------------------------------------------------------------
فهده: الله مره يجنن شوف صالح((كانت تاشر على بنطلون))
صالح كان مو معاها منجن ع البنات الي يشوفهم بالسوق ,,, معذور اول مره يشوف حريم
بالعاده مايشوف الا تماسيح ,,, وخاصه انه اول مره يدخل سوق
فهده طفشت منه ودخلت محل ملابس داخليه ودخل معاها
فهده: وين رايح؟؟؟
صالح: بدخل معتس
فهده: لاحبيبي عيب استحي اشتري هالاشياء معاك ممكن تطلع
صالح : بعد بعد تبين تناظرين هالاشياء عند رجال ,, امشي بس لاكسر رجولتس
فهده: صالح طيب ايش اسوي من وين اشتري
صالح: جعلتس الجزر اشتري من حريم
فهده: اووووووووووووووه خلنا نرجع للبيت ,,, خلاص هونت مابي شي
صالح: احسن
فهده: اقول صالح ايش رايك اعزمك ع العشاء؟؟؟
صالح حمرت عيونه من التعصيب: وشو يالكلبه بعد بعد مطاعم ,,, وش تبين الناس يقولوا
عني ,,, لو شافوني اخوياي يقلون مودي اخته لمطاعم
فهده مستغربه: ايش فيها المطاعم ترى مطعم مو شقه دعاره
صالح: اخسي واقطعي انت خربتي ,,, اسمع طاري المطعم على لسانتي اقطعتس تقطيع
انا صالح اودي حرمه لمطعم ,,, تحسبينا في بلاد الكفار
فهده: ايش دخل الكفار ,, ترى الاكل مو حرام
صالح: بس مابي اسمع صوتس ,,, دواتس عدي اذا رجعنا ,, مطعم هاه,, تبين تفضحيني عند
الناس,, وتخلين اسمي على كل لسان
فهده: اووووووووووه متى بس تخلص هاليومين الي باقيه,, واروح بيت رجلي
------------------------------------------------------------------------------------------
ابو مشعل : ياام مشعل البسي عباتك خلينا نروح
ام مشعل وهي تبكي: مقدر والله يابو مشعل ,,, مقدر اشوفها ,,, ابو مشعل تكفى خلنا نسفرها
ابو مشعل: خليها الحين تهدا نفسيتها وانشالله بلف بها العالم ولو ان الدكتور قال لاتحاولون
مافيه امل ولا حتى 1 بالميه
ام مشعل تبكي
ابو مشعل تعب من اليوم وهو يهديها ,,, طلع من عندها وراح لبيته الثاني ,,, دخل لقى ام سلطان
جاهزه وملبسه اولادها
ابو مشعل: يالله يام سلطان مشينا الزياره ترى تنتهي 9
ام سلطان: يله خلاص والعيال جاهزين
ركبوا السياره متجهين لمشاعل
------------------------------------------------------------------------------------------
ساره كانت كتومه ماقالت لاي بنت لانها خايفه على سمعت مشاعل,,, تذكرت حسين ايش
سوا ومن هو الحقير الي راح يقتله ,, رجعت تدق وتدق بس محد رد,,,تذكرت زواج فهده بعد
اسبوعين وماكانت تعرف شلون بتعتذر منها وتقول لها انها ماتقدر تجي لاهي ولامشاعل,,,
سمعت موبايلها يدق لقت حسين يدق ردت عليه بسرعه
حسين كان منهار وخايف: ساره الحقيني
ساره: ايش فيك
حسين: قتلته ....... انا خايف .......... لوحه سيارتي............ كان فيه دم
ساره مافهمه شي بس حست ان حسين سوا مصيبه ومين قتل: حسين اهدا شوي وقول لي ايش
الي صار معاك؟؟؟
حسين حاول يهدا: ساره بعد الي سواه في ميشو رحت له ناوي اقتله .... ساره قتلته
ساره برعب: ممكن تتكلم بهدوء علشان افهم كذا ماراح اقدر اساعدك
حكى لها حسين عن الي سواه طلال وغسان وسلمان في مشاعل
ساره: وايش سويت في طلال؟؟؟؟؟؟؟؟؟
حسين بخوف: صدمته
ساره منصدمه: مجنون انت؟؟؟؟؟؟ ومات؟؟؟
حسين: مدري انا انحشت بس شفته طايح ع الارض وفيه دم
ساره خايف: طيب مين شافك؟؟
حسين: البوابين
ساره: شافوا لوحتك
حسين: مدري
ساره: يالغبي كان شلت لوحتك
حسين: مافكرت طلعت معصب ومافكرت بشي
ساره: طيب طيب اهدا الحين وخلني ادق ع المستشفيات اشوف وينه
حسين: تكفين ساره انا خايف اروح للبيت يكونون الشرطه هناك,, ساعديني
ساره: طيب شوي وادق عليك
ساره دقت على كل المستشفيات الي بالرياض ماكان موجود ,, رجعت دقت على حسين
ساره: دقيت على كل المستشفيات الي بالعالم واسمه مو موجود انت متاكد انك صدمته
حسين مات خوف: ايه متاكد ساره ياخوفي انه الحين في ثلاجه الموتى
ساره: لا ياغبي ماراح يحطونه بهالسرعه .. اممممممم طيب تعال انت ماتعرف احد من اخوياه
حسين: لا ,,,هاه الا تذكرت,, اعرف خويه ابراهيم
ساره: طيب دق عليه اذا فيه شي بيقول لك
حسين: بس هو مو خويه مره اكيد ماعرف
ساره: طيب اسمع انا بجيب لك الخبر شوي بس
----------------------------------------------------------------------------------------
دخل عليها وسلم,, صوته غريب عليها بس كان صوته هادي وجميل
مشاعل : عليكم السلام
نايف: معك نايف ,,, نائب مدير قسم التنويم
مشاعل: هلا فيك اخوي
نايف: اسف على الازعاج بس حبيت اتطمن اذا انتي مرتاحه في الغرفه هذي او اذا تحبي نغيرها
مشاعل: لا اخوي شكرا الغرفه حلوه((ضحكت على نفسها شلون عرفت انها حلوه))
نايف: طيب اذا احتجتي اي شي تلقيني على تحويله 145
مشاعل: تسلم اخوي بس كنت بسالك
نايف: سمي
مشاعل: ليش نقلتوني هنا
نايف: والله جتنا توصيه اننا ننقلك لغرفه خاصه ,,, واذا انتي مو مرتاحه هنا ممكن انقلك لاي غرفه ثانيه
وهذي خدمه مني ,, ودي اخدمك صراحه
مشاعل بحكم خبرتها بالشباب عرفت انه يتميلح: مشكور وماتقصر
نايف : العفو ترى ماسويت شي ,, بس حبيت اذكرك تحويلتي 145
مشاعل: انشالله مع السلامه((كانت تبي تنهي هالنقاش الغبي))
طلع نايف على دخلت بنت عرفت انها بنت من صوت كعبها
البنت: مساء الخير
مشاعل تلتفت لمصدر الصوت: مساء النور
البنت: مشاعل الحمدلله ع سلامتك
مشاعل: الله يسلمك بس مين انتي ماعرفتك؟؟
البنت : انا الهنوف
عرفت انها خويه اخوها سعود,, يالله كم كانت تتمنى تشوفها بس الظروف ماسمحت,,
وسبحان الله الحين جت الهنوف لحد عندها والمشكله ماتقدر تشوفها ,,, حست صوتها ناعم
,,, غريبه ماكان الصوت يشكل اهميه بالنسبه لمشاعل,, بس الحين صارت تعرف شعور
الشخص من نبره صوته صار احساسها اقوى ,, كانت تحس بساره لما تحاول انها ماتبكي
قدام مشاعل وكانت تحس بها لما تضحك وتحس بها لما تزعل
الهنوف : حاولت اجيك امس بس ماقدرت والله كنت مره خايفه عليك
مشاعل: الله يسلمك بس لاتخافي علي خافي على حبيب القلب ,, خاصه بان الفرج قرب
حست بخجل الهنوف وحاولت تغير الموضوع
مشاعل: هاه كيف التسجيل بالجامعه سجلتي والا لسى
الهنوف: لا لسى التقديم لنسبتي يوم الاثنين
مشاعل: الله يوفقك,, وايش ناويه تدخلي؟؟؟؟
الهنوف: انشالله ادارة اعمال
مشاعل: اداره اعمال؟؟؟ مين الي اجبرك اكيد سعود يبيك تدخلي قسمه صح
الهنوف تضحك: ههههههههه لا ,, بس انا ابي اعرف كل شي بحياته يعني راح ادخل اداره اعمال
علشان يكون بينا اشياء متشابهه
مشاعل : بس بينكم حب واتوقع هالشي يكفي
الهنوف: يكفي الحين,, بس بعد مانتزوج اكيد بيبرد الحب ,,, وابي حاجه تخلينا متشاركين
فيها علشان تكون ميولنا وحده ونكون قريبين من بعض
مشاعل استغربت من تفكير هالبنت ,,, حست انها ذكيه وداهيه ,, اكيد فرت راس اخوها لما حبها
مشاعل: بصراحه انا متحمسه ليوم زواجك
دخلت ام سلطان واولادها وابو مشعل,,, في هالوقت طلعت الهنوف علشان تخليهم براحتهم
سلطان: حبيبتي ميشو اشتقنا لك
فهد: ميشو ارجعي معنا البيت نبيك
مشاعل: حبايبي انشالله نرجع سوا لما الدكتور يقول اطلعي
ام سلطان: الحمدلله على سلامتك يامشاعل
مشاعل: الله يسلمك شلونك خالتي
ام سلطان: الحمدلله , بشريني عنك حبيبتي
مشاعل: الحمدلله ع كل حال
مشاعل حست انها بتاكلها بعيونها
ابو مشعل: شلونك حبيبتي
مشاعل: الحمدلله بابا انا بخير اذا انت جنبي الله لايحرمني منك
ابو مشعل يقاوم دمعه نزلت غصب عنه: يارب ماموت لحد مادخلك بيت زوجك
مشاعل: زوج؟؟؟مليت مني
ابو مشعل: لاتقولين هالكلام انتي نورنا
فيصل: ميشو تقول ماما انتي ماتشوفيني ,, يالله انا ايش اسوي اتحداك تعرفي
ابو مشعل: فيصلوه برا
فيصل بكا وطلع برا الغرفه وطلعت معاه امه
مشاعل : بابا حرام عليك هو طفل مايعرف شي ,,, بعدين يكفي ان الله انقذني على ايده,,
لو ماصارخ وراح يبكي عند خالتي كنت الحين بالقبر
ابو مشعل: انشالله يومي قبل يومك
وتموا عنده الى وقت نهايه الزياره 9 لحد ماجت الممرضه تطردهم
---------------------------------------------------------------------------------------
فكرت ساره انها لو دقت ع يزيد يمكن يكون يعرف شي
ساره: هلا يزيد
يزيد: هلا ساره
ساره: كيفك
كان شكله بالسياره لان صوت الاغاني مكسر السياره تكسير
يزيد: تمامو انتي كيفك
ساره: الحمدلله ,,,شكلك برا
يزيد: ايه برا ,, اطلعي خليني اشوفك
ساره بنفسها " رايق انت ,, وحتى لو بطلع مستحيل اشوفك لانك من اليوم انت وصاحبك اعدائي"
ساره تتصنع الضحك: لا ياقلبي وقت ثاني انشالله
يزيد: براحتك ,, الا ماقلتي لي كيف مشاعل
ساره: الحمدلله بكره راح تطلع من المستشفى
كانت تكذب لانها ماتبيه يوصل شي لطلال مثل ماهم ماخذينها عشان تسحيب الكلام هي
بتخلي الوضع يقلب عليهم وبتوهمهم ان مشاعل تمام علشان الضربه الي راح تجيهم لانها ماتبي اي اتصال بين طلال
ومشاعل,, يمكن لما يعرف بحالها يرحمها ويدق ,,, بس كانت تبين لهم انها تمام ومافيها شي
قفلت منه لما عرفت انه مايعرف اي شي عن طلال
دقت على حسين
حسين: طيب ايش اسوي ارجع للبيت
ساره: ارجع انت الحين ماتوقع ان الشرطه عندكم ولااتوقع انهم شافوا اللوحه ,, لو شافوها
كان الحين ابوك دق عليك
حسين اقتنع بكلام ساره وماقفل منها الا لما وصل للبيت وتطمن ان مافيه احد
كان حسين وساره يبوا يعرفوا ايش صار لطلال
------------------------------------------------------------------------------------------
كانت مشاعل تستعد للنوم ماكانت تعرف كم الساعه بس حست ان الوقت متاخر لان طلعت اهلها
من عندها صار لها وقت طويل
انسدحت وسمت بالله كانت تبي تقول الادعيه الي قبل النوم بس للاسف ماتعرف منها شي ,,
عمرها مافكرت تقراها لما كانت بصحتها ,, والحين هذا الي تجنيه من اهمالها وعصيانها
اكتفت بقراءه المعوذات وتغطت ,, حاولت تنام بس ماقدرت ,,, كرهت وضعها الجديد ,, كرهت
انها لما تفتح ماتشوف شي ,,, حست بالنعمه الي كانت فيها بس عمرها ماستشعرتها ولا حمدت الله عليها
حاولت تنام بس الافكار كانت اقوى ,,, كرهت طلال بكل جوارحها ,,, بكل نقطه دم فيها تكرهه
,,, بكل كيانها تكرهه ,,,, ياليته اختفى من حياتها بدون ماتخسر نظرها,,, صارت تتحسر على نفسها
وودها تعيد الزمن لورى وماتتهور وتسوي الي سوته,, بس خلاص هذا واقعها
قطع عليها حبل افكارها الممرضه الي دخلت
مشاعل في نفسها" اف على هالحاله ماارح انام اذا بيضلوا يدخلوا ويطلعوا"
قربت منها اكثر ووقفت ,, طولت وهي واقفه ,, استغربت مشاعل ,, ليش ماتاخذ الضغط والا الحراره
وتطلع ,,,, كانت ساكته,, حست بريحه عطر رجالي خفيف وكانت ريحته منعشه
مشاعل: مين هنا
: ........................
مشاعل بخوف: مين انت؟؟؟؟؟؟؟؟؟؟؟؟؟
خافت يكون نايف ,, معقوله يتجرأ ويدخل عليها وبدون اذن وبوقت متاخر
كانت تحاول تركز على الصوت ,,, مع اي حركه يمكن تستدل للشخص الي دخل
مدت يدها تبي تضرب جرس الممرضات ,, بس كانت يده اسرع منها ,,, ومسك يدها
حست مشاعل ان قلبها بيوقف ,,, مين هالحقير الي يفكر يمسك يدها
سحبت يدها بقوه ,,,,, وضربت جرس الممرضات
حست به يبتعد لحد ماوصل للباب وطلع وسكره وراه
دخلت الممرضه بعده بثواني
الممرضه: ايوه
مشاعل: مين الي كان موجود هنا؟؟؟؟؟؟؟
الممرضه: مافيه اهد
مشاعل تصارخ: مو عشان انا ماشوف تحسبيني غبيه,, مين الي كان هنا؟؟؟
الممرضه : ايش في ,, انا كلام انتي مافيه شوف اهد
مشاعل طردتها ,, مو معقوله ماشافت لانها تدخل وهو يطلع مو معقوله ماشافته,, اكيد نايف
الحقير اكيد بما انه يشتغل بالمستشفى اكيد الممرضات يغطون عليه ,, والا يمكن عطاها فلوس عشان تسكت
------------------------------------------------------------------------------------------
غسان: هههههههههههههههههه تصدق احس اني الحين مبسوط
فواز: كفو والله انا اشهد انك قول وفعل
غسان: يالله هذي اخر مغامره لي مع البنات,, كانت مشاعل الخاتمه
فواز مستغرب: ليش ,,, قررت تعقل؟؟
غسان: لا قررت اودع العزوبيه,,, بتزوج
فواز: الف الف الف مبروك,,, ومن هي تعيسه الحظ
غسان يطالع فواز باحتقار: تعيسه هاه,, وهي تطول يخطبها واحد مثلي
فواز: تقرب لك
غسان: ايه بنت عمي
فواز: اي عم فيهم
غسان: فهد
فواز: ماشالله بس خبري بك تقول مابي اتزوج وحده تقرب لي
غسان: ايه بس انا مابي اتزوج اي وحده,, او من اي عائله ,,, بصراحه ابي وحده من مستواي
وفكرت ان بنات عمي مايقلون عن مستوانا واتوقع انها مناسبه لي ولمركزي
فواز : الله يوفقك ,, هاه وانشالله بتعقل؟؟؟
غسان بخبث: بيخف نشاطي في الشوارع ,, بس اكيد المكالمات مستحيل اخليها
فواز : بس لو عمك عرف ماراح يخليك انت عارف من هو عمك
غسان باحتقار: وخير ياطير ,, اظن مركز ابوي مو اقل من عمي وانا حر,,, يكفي انيبتزوج بنته
فواز: ومتى العرس
غسان: والله انا طالع اوروبا بكره يعني لفه جنيف على باريس على لندن وبنشطف ماربيا
تعرف لزوم الترزز,, وانشالله اذا رجعت حددنا الزواج
000000000000000000000000000000 000000000000000000000000
استسلمت مشاعل للنوم بعد عناء وارق وسهر ,,, على امل ان بكره يحمل في طياته بعض
الفرح والسرور لقلبها
صحت بدري على صوت الممرضه الي تقول لها ان الدكتور راح يدخل
بعد الكشف
الدكتور: انشالله بكتب لك خروج بكره الصباح
مشاعل بخيبة امل : ليش يادكتور مو اليوم؟؟؟
الدكتور: خلاص طفشتي مننا؟؟؟؟
مشاعل : لايادكتور بس مليت من الجلسه هنا
الدكتور :انشالله بكره ,, بس نبي اليوم نتطمن عليك
مشاعل استسلمت للامر
مشاعل :دكتور
الدكتور :ايوه
مشاعل بخوف :لو سويت عمليه لعيني,, ((وبتردد )) فيه نسبه لنجاحها
الدكتور سكت مايعرف ايش يرد عليها خاصه انه للحين ماعرف انه تدري عن حالتها
الدكتور :انشالله خير,,, لاتستعجلي الامور ,, انتي ارتاحي لك كم يوم وبعدين نتكلم بهالموضوع
000000000000000000000000000000 00000000000000000000000
حسين كان عايش حاله رعب ,,, كان ينتظر باي وقت الشرطه تجي بيتهم
كانت الساعه 2 الضهر لما دق موبايله,, كان الرقم غريب
حسين : الو
: السلام عليكم
حسين حس الصوت مو غريب عليه: عليكم السلام
: حسين ماعرفتني؟؟؟
حسين: لا مين معاي؟؟؟
: معك طلال,,, اكيد تتذكرني خاصه انك امس كنت عند بيتي
حسين طقته ام الركب خخخخخخخ: .............................. ..........
طلال بجديه: حسين مابي اكثر الكلام عليك,, بس في موضوع لازم الحين نتكلم فيه,, واظنك
عارف ايش هو
حسين بخوف: لاماعرف وياليت تختصر لان مابينا كلام
طلال بعصبيه: مو انت الي تقول لي اختصر ,, انا اتكلم وقت الي ابي واسكت بالوقت اللي ابي
طلال حاول يهدا
طلال: حسين ابيك تعرف اني والله ماكرهك ,,,, ولااتمنى لك الا كل خير ,, بس بسالك تتوقع
فيه شخص بالدنيا يستاهل تدمر مستقبلك عشانه؟؟؟؟ حسين عمر الامور ماتنحل بهالطريقه
حسين: انا مدري عن ايش تتكلم
طلال: حسين انت اكثر واحد عارف اني باشاره مني اقدر اضرك واضيع مستقبلك وادخلك
السجن ,,لانك تعرضت لي وحاولت تقتلني , بس لا هذا الي تربيت عليه ,,, ولا ضميري
يسمح لي اسويها
حسين: ايه بس ضميرك يسمح لك تدمر حياه وحده تحبك
طلال بحزن: حسين انا مادقيت عليك ع شان هالموضوع,,, خلنا لو سمحت ما نطلع من موضوعنا
حسين : اي سجن الي تتكلم عنه لاتتبلى وبعدين مابيننا مواضيع نتكلم فيها
طلال: اوكي حسين انا بحول الموضوع للشرطه وهم يتفاهموا معاك بطريقتهم ,, واذا صرت
رجال تعرف تتكلم مع الرجال دق علي
حسين خاف : المطلوب ياطلال ايش تبي؟؟؟
طلال: انا عارف انك ماراح تصدقني لانك تكرهني وانا بنظرك حقير وكذاب ,,, بس ياحسين
الله يشهد ع كلامي اني اعتبرك مثل اخوي الصغير وماودي اضرك ,, اما بالنسبه
لموضوعي انتهى انا وقفت القضيه ,,, بس ياحسين لاتدمر مستقبلك ,, انت توك صغير ,,
لاتتهور لاتفه الاسباب لو انا سامحتك غيري ياحسين والله مايخليك
حسين: انت مسوي قصه وقضيه ع شي تافه ,, اصلا انا لما صدمتك ماكنت شايفك ومو
قصدي اني اصدمك
طلال عصب: ليش قطوه عندك ماشفتني؟؟؟
عموما ياحسين انا مقدر وضعك ,,, ادري ان متضايق ع شان مشاعل ,,, بس هذا مو مبرر
للي سويته صدقني لو انا مت لما صدمتني ,, كان انت الحين في السجن تنتظر الحكم عليك
بالقتل ومحد بيرحمك
حسين: طيب انت مامت ,,, ليش زعلان المفروض تحمد ربك لاني ماقتلتك
طلال: ادري اني مامت ,, وانا مادقيت عليك ع شان انتظر منك تتحمد لي ع السلامه ,, انا
دقيت لاني توقعت انك الحين منهار وخايف اني اشتكيت عليك ,,توقعت اسمع صوت واحد
ميت خوف كنت ابي اقول لك ارتاح لان الصدمه جت بيدي وان الموضوع كسر بيدي ورضوض
حسين بشك: بس انا وقتها شفت دم
طلال: لاتخاف رجلي نزفت شوي,, المهم مافيه شي خطير,, الي ابيه ياحسين اني اوصل لك
نصيحه اعتبرها من اخوك الكبير ,, حسين لاتتهور لو انا رحمتك غيري ماراح يرحمك ,, حسين انت توك
صغير وماعرفت الدنيا زين لاتورط نفسك في امور انت مو قدها ,,, بس مو معنى هذا اني اسمح
لك تتعرض لي مره ثانيه لاني لو شفتك مره ثانيه صدقيني حسين ماراح تلحق تتهنى بحياتك
لاني بدمرك ,, وعموما انا لما كنت بالمستشفى البوابين شافوا لوحه سيارتك بالاماره لوحتك
+++ +++ المهم انهم عطوها الشرطه وقالوا لهم انك صدمتني متعمد وكان الموضوع بيكبر
,, ولما صحيت انكرت انك صدمتني وقفلت القضيه بصعوبه تدري انا ليش سويت كذا
حسين حس براحه نوعا ما وبدا يرجع لاسلوب الاستهزاء: لاتقول ان كان عندك اخو يشبهني
ومات ,, وانا اذكرك فيه
طلال باحتقار:لوعندي اخو يشبهك انا الي راح اقتله ,, لاني مابي اخو متهور مثلك
حسين: انا عارف ليش سويت كذا
طلال: ليش؟؟؟؟
حسين: اكيد تبي مصلحه ورى هالطيبه الي نزلت عليك,,, لاتفكر تطلب شي لاني افضل انسجن
ولاانفذ رغبه من رغباتك
طلال: الله لايحدني عليك بيوم ,, عموما انا ساعدتك لسببين اول شي لاني ادري انك متهور ومابي
يضيع مستقبلك كان عندي امل ان الله يهديك وتثقل شوي على يدي بس اظاهر مافيك فايده
حسين باستهزاء: والسبب الثاني
طلال: لاني عارف مكانتك عند مشاعل ,, مابيها تتضايق عشانك او تحزن,, انت في امان
والفضل لله ثم لمشاعل,, بس صدقني لو فكرت تعيد هالحركه مره ثانيه ماراح احد يشفع لك عندي
حسين: تبي تقنعني انك تحب ميشو ,, واذا لهدرجه تحبها ليش سويت فيها الي سويته
طلال بعصبيه: مالك شغل
وقفل الخط
000000000000000000000000000000 0000000000000000000000000

عبدالله: مدري شلون ساكت ع حقك,,, انا لو منك اجرجره بالشرطه
طلال:لا ياعبدالله ترى الولد صغير ,, وراه مستقبل ,, ان توليتم فارحموا,, ومن لايرحم لايُرحم
عبدالله:وهو مو حرام عليه يمشي ويصدم عيال الناس؟؟؟
طلال:يابن الحلال الحمدلله ع كل حال جت بسيطه
عبدالله:ايش الي بسيطه ,, بغيت تموت وتقول بسيطه,, وبعدين كل هذا عشان بنت ماتسوى
طلال عصب: عبدالله لو سمحت انت غالي ,, بس رجاء الا مشاعل لاتغلط عليها
عبدالله:طلال فيه سؤال محيرني ويقرقع بصدري ودي اساله
طلال:ادري,, راح تقول اذا انت تحبها كل هالحب ليش تركتها وليش سويت فيها هالحركه
عبدالله: عليك لمبه,,, وفرت علي السؤال
طلال يبتسم: بصراحه مدري من وين ابدا,, ولااعرف كيف اوصف لك شعوري,,, بس انت ماعرفت
ميشو ,,, صدقني فيها جاذبيه مو طبيعيه ,, تصدق من اول يوم شفتها فيه لما كنت واقف عند
المطعم حسيت ان البنت هذي بيكون لها دور كبير بحياتي
عبدالله محتار: موفاهم,,, اتذكر كنت تكرهها
طلال يفكر يحاول يرجع لبدايته مع مشااعل: ببدأ لك من البدايه
عبدالله:بسم الله
طلال:في البدايه كنت اسمع عن البنت هذي كلام كثير ,, بعضه كان مدح والبعض سب ,,,
بس حسيت البنت هذي مشهوره لاني سمعت غسان يتكلم عنها وبعض الشباب الي يجو عندي
بالمجلس حاولت احلل شخصيه هالبنت,, مع اني مو محلل نفسي ولادكتور بس استغربت
بعض تصرفاتها اعجبني شموخها وعزه نفسها وغرورها في اوقات,, غسان الي مافيه بنت
غلطت بحقه ,, كل بنت يعرفها كانت تموت رعب اذا كلمته بس هي كانت تكلمه في قمه
البرود,, حسيت ان هذي البنت اكيد بنت عائله كبيره واكيد ماهي خايفه من غسان لانها
تعرف وراها ضهر زي مايقولوا,, بس بعد ماعرفت هي بنت مين عرفت انها من عائله
عاديه ,, صح ابوها ماديا وضعه حلو بس ,, بس كاسم لابها ومركز كان شخص عادي,,
وغسان يقدر يدمرها في لحظه,,,اعجبتني قوتها ,, كانت تكذب ع الشباب وهم عارفين بس
حابين كذبها وكان كل واحد يوهم نفسه انه هو المميز عندها,,, استغربت ايش هالسحر الي
تملكه هالبنت وتجرأت اني اسال واحد من الشباب كان يعرفها ايش سر تعلقه بها تدري ايش قال
عبدالله: ايش؟؟؟
طلال: لا نها ملكه جمال ويقول كل الشباب الي يكلموها عشان جمالها ,,, بصراحه ماكذب
عليك تحمست اني اشوفها وتحمست اكثر اتعمق بشخصيتها الغريبه ,, الي اسمعه من
الشباب ان اكثر البنات الي يكلموا شباب تكون محدده هدفها
فيه بنات يكلموا ع شان مصلحه وفيه بنات تسليه والي تبي حب والي تبي زواج ,,
بس ماحسيت لا انها تبي تتزوج لانها تتهرب من هالموضوع ولا تبي هدايا او اي مصلحه
ماديه او معنويه ,, والحب انا متاكد انه بعيد عن تفكيرها,,, فكرت ممكن تكون تتسلى بس لو
كانت تتسلى ليش تعلم الشباب عن اسمها الحقيقي ,, والغريبه ان خويتها ساره مستحيل تكلم
واحد وتقول له عن اسمها الحقيقي,,, كنت متشوق ادخل عالمها الصغير
عبدالله: لاتقول لي انك تعرفت عليها عشانها حلوه,, ماتوقع هذا تفكيرك ياطلال؟؟؟
طلال: ماكذب عليك كان سبب من الاسباب
عبدالله: بس انت للحين ماتعرفت عليها ولاحتى شفتها شلون شفتها ,, وشلون دخلت حياتك؟؟؟
طلال: في يوم جاني غسان لمجلسي كان معصب,, سألته ايش الي مضايقه, بدأ يحكي لي عن
مشاعل وكيف انها اهانته وقالت له مابي اكلمك وانقلع من وجهي وهالكلام ,, كان وقتها حاقد
عليها سمعته يكلم واحد ويخططون انهم ينتقموا منها,, كانت خطتهم انهم يعرفون مشاعل
على واحد ويحاول يخليها تطلع معاه وبعدين يدمرون مستقبلها
عبدالله: الحقير غسان ,, ,مايخاف ربه
طلال: انا وقتها طلبت من غسان اني انا الي انفذ الخطه
عبدالله منصدم: طلال مستحيل ,, مستحيل انت تسوي كذا ,,, تمزح معاي صح؟؟؟
طلال: لا ياعبدالله انا وافقت على كل شي قاله لي غسان ,, لان غسان بي او بدوني راح ينفذ
خطته,, كنتي ابي اوهمه اني راح ادمر مستقبلها وراح اخليها تحب رجله وتقول سامحني
ياغسان,, كنت ابي ابعد غسان عنها ,,عشان احميها ,, كنت خايف عليها ,, لاني مارضى احد
يسوي باختي الي بيسويه غسان فيها
عبدالله: طيب ليش مانصحته,, والا هددته
طلال: فكرت , بس خفت انصحه يجاريني وكانه اقتنع , , بعدين يسويها من وراي وخفت
اهدده يعاند ويكبر الموضوع براسه ,, عشان كذا قررت اني اوهمه اني بنتقم منها عشان اضمن انه ماراح يسوي شي الا وانا عارف,,, كنت ابي اقرب من مشاعل
علشان احميها من غسان
عبدالله: وايش كان رد غسان
طلال: قال لي انت ياطلال وسيم واسلوبك حلو واكيد راح تسهل هالمهمه
عبدالله: تدري تحمست اعرف شلون كانت بدايتك معاها
طلال حس بحزن عمره ماحس فيه قبل لانه جالس يتكر ذكريات حزينه وعزيزه ع قلبه
حاول انه يتشجع ويكمل: حاولت افكر شوي واحلل شخصيتها ,,, حسيت انها ملت من اسلوب
الدلع والمدح لانها اكيد تسمعه كل يوم,, قررت اني اهينها واسبها واكون جاف معاها
اول لقاء بينا كنت مركز على سب شكلها والي هي متعوده ان الشباب يمدحوه
حسيت بحقدها علي وكرهها ,,, خاصه بعد موضوع الكيكه اكيد تتذكره
عبدالله ماسك ضحكته: ايه ,, تصدق شكلك اوسم بالكيكه
طلال: تصدق كانت احلى اهانه انهنتها بحياتي
عبدالله يبي يقهره: افهم من كلامك اني لو بضرب وجهك باي كيكه بتنبسط
طلال عصب: حاول تسويها ,, والله لخلي امك تحتار ماتعرف وجهك ماتدري انت عبدالله
والا ابو عبدالله والله لاخلي مرض الشيخوخه المبكر يجيك وانت توك في شبابك
عبدالله: ههههههههههههههههه ياسلام حلال عليها وحرام علينا
طلال: تقارن يد ميشو الي كلها نعومه ,, بيدك المرزبه
عبدالله : ههههههههههههههههه خلاص هونت الحين طلعت مرزبه الله يستر بعد شوي ايش يطلع ,,المهم اسلم
طلال: تصدق بعد موضوع الكيكه خفت منها
عبدالله: صح انها متوحشه ع هالحركه بس تراها كيكه مو مويه نار هههههههههه
طلال: لا انا ماكنت خايف من الكيكه ,, كنت خايف من مشاعري تجاه هالبنت ,, كنت حاس
بشي يكبر داخلي ,, حاس ان البنت هذي صارت تصيطر ع كل تفكيري ,,, كان المفروض انا
الي اخليها تحبني واظن العكس صار,, وقتها كلمت غسان وقلت له اني انتقمت له من
مشاعل واهنتها قدام الناس وقدام صاحباتها وبديت اقنعه انه يتركها ,,, وفعلا الولد وافق
وشكرني,, وقتها انا كنت فرحان لانها خلاص اختفت من حياتي ,,, كنت خايف احبها,,, وفي
يوم دق علي غسان وقال انه شافها في شارع وانها كانت تطالعه باحتقار وقال لي لازم نكمل
خطتنا ,,, اظطريت انه اجاريه عشان امنعه يسوي شي لهالبنت الي صيطرت ع افكاري ,,
كنت ابي اكون معاه بكل خطوه يسويها ,, كنت متردد شلون اعطيها رقمي او شلون ابدا
معاها وانت عارف اني مو من الشباب الي يرقموا ولاتنسى انها تكرهني بعد الي سويت لها
,,, في يوم كانت صاحبتها طالعه وعطتني شي يثبت ان مشاعل تحبني تدري ايش هو؟؟؟
عبدالله : لاتقول الرسمه؟؟؟
طلال: ايه ,, هالشي خلاني اتاكد ان مشاعل تحبني ,,, لحظتها ماحاولت انكر مشاعري تجاها
بالعكس اعترفت لنفسي ولها اني اموت فيها,, وصرنا نتقرب من بعض كل يوم اكثر من الي
قبل
عبدالله: انا متاكد انك تحبها لاني شفت كل شي بعيني ,, بس بعد هالحب ماتوقعت انك حتتركها
طلال : لو انت مكاني كنت بتسوي نفس الي سويته,, كان غسان يقنعني اني اطلعها للمزرعه
وينتقم منها هناك ,, كان غسان عارف انها تحبني لانه شاف شلون تغيرت بعد ماتعرفت علي
وكان يصر علي اننا ننتقم منها ,,, كان وقت الاختبارات وخفت تحس بشي وتقلق وماتنجح,
حاولت اني اصرف غسان لما خلصت اختباراتها ,,, وقتها حاولت اني اقنع غسان انه ينسى
موضوع الانتقام,, بس رفض ,, وقال لي انه غير الخطه
عبدالله: مدري ليش انت تسمع كلامه كان ممكن تحذر مشاعل انها تنتبه منه وخلاص
طلال: انا كنت اوصلها للجامعه وارجعها كل يوم ,,كانت لما تطلع لاي مكان تكون سيارتي
ورى سيارتها تدري ليش
عبدالله: اكيد كنت خايف غسان يسوي لها شي
طلال: ايه ,, وبصراحه انا انسان,,, ماراح اقدر اراقب مشاعل طول عمري ,, وممكن يحاول
يقول لابوها انها تعرف شباب او يحاول يهز ثقه اخوانها فيها وانا مقدر اراقب كل الي
بالبيت ولااقدر امنع غسان انت عارف انه عنيد وماودي اكبر الموضوع براسه,ولو قدرت احميها يوم
ماراح اقدر احميها منه العمر كله,, قررت اني اسمع خطته الثانيه ,, وتخيل ايش كانت خطته
عبدالله باهتمام: ايش؟؟؟؟؟؟؟؟
طلال: قرر اني اتركها لانه عرف شلون مشاعل تحبني ,, واكيد هالشي بيصدمها ومستحيل
ترجع مثل اول لان الصدمه بتهزها
فكرت يوم و يومين واسبوع,, لقيت ان هذا انسب حل
عبدالله: شلون انسب حل مو فاهم؟؟؟؟مو انت تحبها شلون قدرت تفرط فيها
طلال: عبدالله والله من كثر خوفي عليها,, ع الاقل اذا سويت الي قاله غسان اظمن انه ماراح
يتعرضها مره ثانيه,,, صح اني بتعذب واكيد هي بتتعذب بس هالحل الي اشوفه انسب حل
وبعدين لو غسان حس بس مجرد احساس اننا نحب بعض وان علاقتنا ماراح تنتهي راح يحقد
اكثر وماراح يخليها,,ولاتنسى انها هي السبب بهالمشكله,, لو انها ماتعرفت ع واحد واطي مثل غسان ماكان صار
الي صار
عبدالله: طلال لاتلومها ع شي سوته قبل تحبك
طلال بقهر: انا مالومها بس انا مقهور لاني ماتوقعت ان حجم حبي لها كبير لهدرجه ,,
ولاتوقعت اني غالي عندها حتى اغلى من حياتها,,,, والله ياعبدالله اني ماقدر ارتاح ولا انام
ولا حتى دوام راوح بعد الي صار,, احس اني مقدر اكمل حياتي بدونها
عبدالله: ياخي مو غسان رضى بالنصر الي حققه؟؟؟
طلال: الله لايوفقه هو السبب بكل الي صار
عبدالله: ياخي خلاص ارجع لها واشرح لها كل شي
طلال: صعب ,, لو جتني الجرئه اني اكلمها ,, متاكد انها ماراح تسامحني ابد,, هي انجرحت مني
واي كلام راح تسمعه مني راح يزيد جروحها,, صدقني مابيها تحزن ولاتبكي ,, ابيها تكون اسعد انسانه بالهدنيا
عبدالله: شلون بتكون سعيده بعيد عنك؟؟؟؟
طلال: عبدالله انا متاكد اني لو كلمتها راح تتعذب اكثر,, وراح تتذكر الي سويته ,, انا ابيها
تنسى مو ازيد جروحها ,,, عشان كذا ببعد عنها لاني مااتجرا اني اكلمها بعد الي سويته
عبدالله: ترى الموضوع توه صاير وع قولتهم دق الحديد وهو حامي , مو بعدين اذا برد
الموضوع تدق عليها ترى وقتها يمكن تكون نستك
طلال: بعد ماعرفت من يزيد انها بخير وماصار لها شي بعد الحبوب الي اكلتها وراح تطلع
من المستشفى بكره انا راح اختفي من حياه مشاعل للابد
---------------------------------------------------------------------------------------
حسين: ابشرك دق طلال وقال لي انه ماراح يسوي لي شي
ساره: مو معقوله يساعدك كذا بدون مقابل
حسين: والله انا مثلك استغربت بس عطاني كم نصيحه ,, مسوي مصلح اجتماعي,, ياليته
يصلح نفسه ويغير طبعه الخايس
ساره: عموما انا قريب راح اخليك تفرح بالكلام الي راح تسمعه عن طلال ,, راح اخليه يندم
ع كل شي سواه في ميشو
حسين: ليش ايش ناويه تسوي
ساره قالت لحسن ع خطتها
حسين برعب: مجنونه لالا انا اسف مقدر اساعدك هو متوعدني وانا بصراحه احمد ربي انه
سامحني وقفل القضيه الي بالشرطه ,, وبعدين مجنونه الي راح تسويه شي مستحيل محد راح
يطاوعك فيه
ساره: يعني انت ماتحب ميشو وماتبي تنتقم لها
حسين: انا انتقمت وشفتي ايش صار لي ,, اسف سارونه,,, ترى الي حتسويه في طلال منتي
قده اساليني انا لو كان واحد عادي اوكي بس طلال والله ينهيك من الوجود,, بعدين حرام
عليك مهما كان هو انسان صح انه حقير بس هذا مايمنع اننا نعترف انه من نفس فصيلتنا
ساره: ياشينك وثقل دمك ,,, على بالك تخفف دمك في وقت بايخ ,, المهم انا ماهمني انك
تساعدني او لا بس ياويلك لو وصل كلام لطلال من هنا والا من هنا
حسين: مجنونه انا الي اترجاك ماتجيبين طاري اسمي على لسانك ,, ولاتدقي علي اخاف
يطلع فواتيري ويدري اني اعرفك,, ساره تكفين فكري تراك مجنونه
000000000000000000000000000000 0000000000000000000000000
جلس يطالع موبايل مشاعل ,, كان متردد يفتح الرسايل لانه يحس انها خصوصيات ,,, بس
بما انه قطع علاقته فيها حب يسترجع الذكريات ويقرا رسايلها
"طلال قلبي وينك ,, ترى انا مره خايفه عليك"
"طلال تكفى طمني عليك لو بمسج"
"موبايلك مقفل ,, بليز افتحه وكلمني قلقانه عليك"
وكل رساله يفتحها تعذبه اكثر ,, ويكتشف الغلطه الكبيره الي غلطها,, حس بخوفها عليه,,
وهو كان يخطط علشان يتركها
ظل يقرا بالرسايل رساله بعد رساله لحد ماوصل لرساله خلت الدم يتجمد بعروقه,,, رساله
ماكانت مرسلتها له ,, رساله هزته هز انجن رجع يقراها مره ومرتين يحاول يستوعب ,,,
مو مصدق الكلام الي بالرساله
انشالله بالجزء الي بعده راح نعرف سر هالرساله وايش راح يصير لميشو لما ترجع للبيت
الي راح ترجع له فاقده اهم شي بالنسبه لها ((نظرها))

الجزء الحادي عشر



كان طلال يقرا بالرسايل رساله بعد رساله لحد ماوصل لرساله خلت الدم يتجمد بعروقه,,,
رساله ماكانت مرسلتها له ,, رساله هزته هز انجن رجع يقراها مره ومرتين يحاول يستوعب ,,,
مو مصدق الكلام الي بالرساله
رجع يقرأ المسج وطالع باعلى المسج كان مكتوب اسم الشخص الي مشاعل مرسله له المسج
كان اسم وحده من صاحباتها اسمها ((حياه)) واكيد هالشي مو المهم بالنسبه لطلال انشالله
يكون اسمها عفريته خضراء المهم بالنسبه له هو ان الاسم مو راكب مع الكلام الي بالمسج
رجع يقرا المسج ع امل انه يلقى تفسير للي يقراه
كان المسج
"حاتم بليز لاتدق علي لان موبايلي مع ابوي ,, انا اذا هدت الاوضاع بدق عليك"
جلس يفكر حاتم والاسم حياه((حاتم كان اخو العنود خويه حسين الي اختفت وكان حسين قلقان
عليها ع شان كذا طلب من ميشو تكلمه ع شان يعرف اي شي عن العنود))
طلال"خلاص الموضوع مفهوم ومايبي له شرح,, خويها حاتم وعلشان خايفه من اهلها يشوفوا
رقمه خزنته حياه,,, الحقيره كانت تخوني وانا الي ذابح نفسي من القهر والندم ع الي سويته
,,, وهي كانت تكذب علي وتخوني ,,, وانا الي توقعت انها تغيرت"
سكر عيونه طلال بحزن ونزلت دمعه قهر من عينه وبصوت حزين " مشاعل ,,, معقوله
قطوتي ميشو تسوي كذا ,, انا كنت معاها بكل دقيقه وبكل ثانيه ,, متى لحقت تخوني,, كيف
طاوعها قلبها ,, ميشو ليش ,,, قطوتي انا ربيتك ع يدي ,,,و علمتك كيف تحبي ,,,,وعلمتك
الاخلاص,, ولما خنتي خنتيني انا,,, عمرك ماراح تتغيري,, عمرك ماراح تتركي الغزل
والكذب ياحسافه الوقت الي قظيته معاك"
جر حسرته وندمه ع كل دقيقه ضيعها مع مشاعل ,, البنت الكذابه الي اخذت قلبه وضحكت
عليه طلع من غرفته والي كانت تدل ع رفاهيه بالعيش ,,, كانت جناح مكون من 3 غرف ,,,
الغرفه الاولى والاصغر كانت غرفه ملابس فيها من كل الملابس الي ممكن يتخيلها الانسان
او تخطر بباله مو الولد لبيس يحب الكشخه كانت عباره عن رفوف ومقسمه اربعه اقسام
القسم الاول نسميه القسم السعودي لوووووووول كان عباره عن مجموعه من الثياب
السعوديه والمشالح والشمغ والغتر ودهن العود والجزم وانتم بكرامه وبعض الشرابات الي
تمشي مع الثوب
القسم الثاني نسميه القسم الرسمي وهو عباره عن بدل رسميه يحظر فيها بعض اجتماعات
مؤسستهم لان نشاط مؤسستهم استيراد بعض الاجهزه والمعدات من الخارج ومعظم
اجتماعاته مع اشخاص اجانب فيحتاج دايما للبدل الرسميه ,, وكان يشمل هذا القسم بعض
العطور الرجاليه وبعض الاحذيه الرسميه وبعض الكرافيتات وكانت مرتبه جدا بحيث يسهل
عليه الوصول للي يبي وكان طلال شخص يحب الترتيب جدا بحيث ان الشراب الاسود لازم
يكون جنب الجزمه السوداء والعطر الرسمي لازم يكون جنب قسم الملابس الرسميه وهكذا
كانوا الخدم يتعبوا معاه
اما القسم الثالث كان عباره عن ملابس السبور وبعض ملابس الجيم بالاضافه الى الجزم
والعطور والجل وغيره وغيره كل شي يخص قسم السبور
اما القسم الاخير في هالغرفه وهو قسم البيت ع قولته ,, فيه كل شي يخص لبسه بالبيت من
بيجامات وشورتات للنوم وجزم البيت حتى البيت له شرابات خاصه لوووووووول
واهم شي كريم الي بعد الحلاقه لان الحلاق بعد مايجيه بالبيت ويحلق له يحط كريم الي بعد
الحلاقه بس طلال ينقرف من كريمه يخاف انه استخدمه احد قبله فهو عنده كريمه الخاص
والحلاق متعود ع طلال الي يسميه موسوس لان الحلاق لما يجي طلال يجي ويده فاضيه
بدون امواس وبدون كريمات وبدون اي شي لان طلال يمتلك كل هالادوات لانه مايبي احد
يستعملها وبعدين يستعملها هو مو احتقار للناس بس يحس ان هذا من النظافه ,,, وفكره ان
الشخص يستخدم ادوات استخدمها مليونو واحد قبله هذا شي مقرف ومقزز مثل المشط او
المقص
حتى مره صار موقف له مع الحلاق
الحلاق: بسم الله(مسكين نسى وجاب معاه امشاطه,, وبدا يمشط شعر طلال عشان بيقصه)
طلال: ابعد يامقرف ماتفهم انت ؟؟؟؟
الحلاق ليش ايش سويت
طلال: مدري تبيني اكلمك تركي ع شان تفهم ؟؟؟؟
الحلاق: ايش صاير
طلال: قلت لك لاتلمس شعري باشيائك هذي ليش انا قلت لهم يجيبوا المشط والادوات علشان
تطالعها
مسكين وقتها ارتاع روعه بغى يصيح
بس طلال يحبه ودايما يعطيه القسمه ع قولتهم كان مايحب يحلق الا عنده لانه يضبط له
السكسوكه لوووووووووووووووووووووووول
كان اشطر واحد في محل بلاك هورس ولما يسافر يضطر طلال انه يستعين باحد زملائه الي
بنفس الحلاق بس محد كان يضبط سكسوكته ع قولته الا هالحلاق
نرجع لغرفه طلال كانت هذي بس غرفه ملابسه
اما الغرفه الثانيه كانت غرفه الجلوس وكانت عباره عن كنب مبهر واضح انه باهض الثمن
وتلفزيون 10000000 بوصه يحسسك انك بصاله سينما
وتسمى هذي الغرفه ع قوله اخوياه الغرفه السحريه ليش سحريه؟؟؟
لانك ممكن تحولها لصاله سينما اذا قفلت الانوار لوووووووووووووووول
وممكن تحولها لديسكو وهالشي ممكن تسويه بضغطت زر ع الريموت الي يتحكم بكل شي
بهالغرفه وبهالضغطه تصير الغرفه كلها انوار صاخبه وكانك بدي جي تصير ماتعرف الي
جنبك هو اخوك والا ابوك خخخخخخخخخخخخخخخخخ
وممكن تحولها لغرفه رومانسيه بعد بضغطه زر تتحكم بالنور ويكون نور خااافت ورومنسي
ناهيك عن الموسيقى الرومانسيه الي برضوا ممكن تتحكم برقم السي دي ورقم الاغنيه عن
طريقه
اما الغرفه الثالثه والاخيره هي عباره عن غرفه نوم طلال وهي اكبر غرفه بجناحه كله
الجدار الي يفصل بين غرفه النوم وغرفه الجلوس عباره عن حوض للاسماك ع شكل جدار
((ولاحد يسالني شلون يأكلوا السمك ترى مدري))ماعلينا
وفي وسط الغرفه سرير كبير يكفي ل 4 اشخاص وكانت الوان السرير هاديه والاضاءه
وكل شي مرتب ومحبوك كان السرير مرفوع عن مستوى الارض بثلاث درجات
وموضوع ع الارض الرخاميه بعض السجاد الفاخر
المهم طلال طلع من غرفته والي تطل ع البيت لان غرفته مو جوا البيت كانت في قسم
منفصل وكانها ملحق بس كانت غرفه كبيره
مشى طلال وقطع الارض الخضرا مار بالجلسه الي يسموها ((الدكه)) واكمل مشيه لما
وصل الخيمه وكان اهله متجمعين بالخيمه حاول يتجاهلهم بس ابوه وقفه وناداه
ابو طلال: طلال
000000000000000000000000000000 0000000000000000000000000
ام فهده: فهدوه قومي يله الساعه 4 العصر قومي بياذن المغرب وانتي ماصليتي لاضهر ولاعصر
فهده: يوووووووووووه يمه خليني نايمه ايش عندي غير النوم ترى احنا اجازه
ام فهده: بكيفتس اذا جاء رجلتس يدور عليتس بقول نايمه
فهده فزت من نومها: رجلي ؟؟؟ ليش بيجي؟؟؟
ام فهده: الحين فزيتي يالتسلبه والا يوم اني اقومتس ماقمتي, يوم سمعتي طاري الرجل فزيتي
فهده: يوووووووووه يمه هذا رجلي مايتحملني بس انتم اهلي مظطرين تتحملوني ,, ماتقدرون تتبرون مني
ام فهده: ااااااايه قالوها ,, ادق لامي مافيني حيل وادق لرجلي كلي حيل
فهده باستغراب: ايش ادق,, ادق رقبه يمه
ام فهده عصبت: جعل رقبتس المصع والفهاق ,,, جعلتس الزناج الي يفقع مصارينتس
فهده ارتاعت: يمه حرام عليك بنتك انا ,, وشو هالزناج؟؟؟
ام فهده توهقت ماتدري ايش معناه تسمع امها تدعي عليها به بس ماتدري ايش هو: قومي بس
صلحي شاهي لرجلتس وقهوه ترى داقن على اخوتس يقول بيجي يشوفتس
فهده فزت : يمه ماني فاضيه بتكشخ لرجلي تبيه يقول ايش هالشوشه الي ماخذها
ام فهده: من متى وانتي تنفعيني ,,, بنات الكروش ماعاد ينفعن ماينفعنا الا بنات القروش
فهده بغباء: من بنت الكروش يمه انا ماعندي كرش
ام فهده عصبت من غباء بنتها: بنات الكروش انتي ,,, مو انتي جايه من كرشتي
فهده: طيب ومن هم بنات القروش يمه بتتبني بنت؟؟؟؟ماتوقعت انك بتفقديني لهدرجه لدرجه انك تتبنين بنت
ام فهده : يالخبله الهبله بنات القروش هالشغلات , انا بشب ع صويلح يجيب لي شغاله,, مانسقم بدونها
فهده: يمه خليني اتزوج واخلي رجلي يجيب لك خدامتين
ام فهده تميل شفتها ع بنتها: قطيعه من بتاخذين ,,, ولد عمك حافي منتف
فهده عصبت: يمه لو سمحتي هو الحين منتف بس توه باول مشوار حياته وانشالله بوقف معاه
لحد مايصير مليونير
دخل صالح معصب مثل كل يوم من الشمس والحر
صالح : وش هالحر الي يصلا صلي ,,, هذا واحنا تونا باول الصيف اجل اذا جانا طباخ التمر وش بنسوي؟؟؟
فهده بصدمه: يمه بتجيبون طباخ تمر مره وحده,, الناس اول يجيبوا طباخ عادي وانتم ماشالله مره وحده طباخ تمر
بعدين من متى التمر يطبخ؟؟؟ الى اعرفه انه يوكل من النخله ع طول
صالح يطالع امه بصدمه
ام فهده: لاتستغرب ياوليدي مهيب صويحيه من عقب مااعرست ,, يالخبله طباخ التمر هذا
احر شهر في الصيف من حرارته سموه طباخ التمر لانه يستوي التمر فيه من الحراره
صالح: ايه وفيه العقارب
فهده: ايش هالعقارب بعد
ام فهده : اسفهها بس وانا امك وخلني اروح اصلح الشاهي والقهوه للرجال
فهده: اها قصدكم طباخ التمر هو شهر اوقست(اغسطس)
صالح يناظرها بعين شريره: منهو قرست ذا؟؟؟ صديقتس؟؟؟ يالتسلبه
فهده : اووووووه ايش صديقي هذا شهر اسمه اوقست واذا مو مصدقني روح افتح موبايلك وتلقاه مكتوب
تلقاه بالتاريخ
توهق لانه مايعرف انقليزي معذور ماكمل الابتدائي :""""""""""""""
000000000000000000000000000000 0000000000000000000000000

ابو طلال: هاه طلال مااقتنعت ياوليدي انك تمسك اداره فرع مؤسستنا الي في امريكا
طلال بعد ماتذكر خيانه مشاعل: والله يبه انا فكرت وقررت اني راح امسك مؤسستنا الي هناك
ابو طلال: بيض الله وجهك ,,, هذا ولدي طلال ,, انا عارف انك ماراح ترد لي كلمه
طلال: ابشر يبه متى تبيني اباشر الشغل هناك
ابو طلال: شوف اقرب طياره رايحه هناك
طلال: ابشر ,,,بس يبه عندي طلب
ابو طلال: لك ماطلبت
طلال: يبه ماودي الموظفين الي هناك يكون عندهم خبر اني بكون عندهم
ابو طلال استغرب : ليش ياولدي ابيهم يستقبلوك
طلال: يبه انا ابي اشوف الشغل شلون ماشي هناك ,,, انت عارف اني احب النظام وماحب
التلاعب بالشغل ,, وابي اعرف اذا الشغل ماشي مثل ماتركته
ابوطلال اعجب بتفكير ولده ,, كان دايما يوجه ابوه مع ان ابوه عنده خبره ,, ولولا الله ثم
خبره ابو طلال ماكان جمع هالاموال والثروه ,, ويبدو انه ورث ولده طلال الذكاء الحاد
وسرعه البديهه ,, ومن كان صغير وهو مع ابوه وهالشي بعده عن امه كثير ,,, كان يسافر
مع ابوه ويحظر اجتماعات,,, حتى لما كان ب10 سنوات كان يهمتم بكل شي ,, واخذ من
طبع ابوه الكثير والاهم انه اكتسب من ابوه الخبره ,, اما نواف فهو دلوع البابا ,, كانت
رغباته وطلباته اوامر بالنسبه لابو طلال ,,,ابو طلال لما يدخل مجلس يفزون له الرجال
ويعملون له الف حساب ,, اما عند ولده نواف فهو ضعيف ومايقدر يقاوم دلع ولده
نواف بدلع: بابا ودي اغير لوحه سيارتي
طلال منصدم: ايوه يالشيخ طال عمرك ,, ليش ايش فيها لوحتك
نواف: مالك دخل انت انا اكلم بابا
طلال: احترمني ياحمار انا اخوك الكبير
ابو طلال : طلال شلون تبيه يحترمك وانت تقول له ياحمار
طلال: منت شايف ايش يقول يحمد ربه مافيه ولد بسنه عمره 10 وعنده همر ,,, وحظرته يبي يغير اللوحه
ابو طلال: ماعليك منه اذا دفنتني هذيك الساعه سيطر عليه,,, حبيبي نواف ليش تبي تغير لوحتك
نواف يطالع طلال بنظره انتصار: بابا لوحتي مو عاجبتني ,, ابي لوحه مميزه
ابو طلال: طلال كلم ابو بندر الي بالشرطه خله يشوف لنواف لوحه زينه ومايهم السعر
طلال منصدم: بابا تدري ان اللوح الحين صارت بالميه والميتين الف ,,, ترى ولدك بزر
ويحمد ربه انك شاري له سياره فوق الثلاثميه الف يبه انت تدلعه
ابو طلال: طلال شفيك ع الولد الحمدلله عندنا خير وماظن اننا بنخسر فلوسنا اذا جبرت
بخاطر الولد ,,, كلها لوحه
نواف: ايه بابا وقول لولدك اني ابي لوحه فيها ستات ,, يعني لو فيه ن ن ن 666 ابيها
طلال اتشت اخلاقه: وليه ياطويل العمر تبي ن ن ن
نواف: علشان اول حرف من اسمي ,, والستات عشان البنات
طلال منصدم: وانت ايش عرفك بهالحركات
ابو طلال مبسوط: هههههههه خل الولد ينبسط ,,, خلاص حبيبي طلال بيشوف لك اللوحه
واذا مو موجوده بندور لك اي لوحه فيها 666 امر بس
نواف: لا بابا مابي طلال هو الي يدور لي,,, اكيد بيجيب لي لوحه خايسه
ابو طلال: ولايهمك انا الحين ادق ع الرجال ونروح انا وياك نشوف اللوح واللي تبيها بس اشر عليها
نواف: ايه وبابا ترى ابي اركب جنوط ,, فيه محل اعرفه بالتحليه صديقي صاحب المحل
طلال: ومتى صادقته انشالله
نواف بغرور: تعلم كيف تتعرف ع الناس لازم تكون اجتماعي ,, ابد كنت رايح لمحله وشفت
الجنوط الي عنده واعجبتني الجنوط المراوح ,,, بس هو امين نصحني وقال تراها قديمه فيه
انواع احلى واجدد
طلال: ايه ع شان هالنصيحه الي بيلعب عليك فيها وبيسحب فلوس هالضعيف ابوي صار
صديقك هاه
نواف : اصلا انا حاط ايقنور عليك من زمان لاتكلمني بس,, بابا ابي اوريك شي بموبايلي
ابو طلال: هاه حبيبي ايش؟؟؟
نواف فتح موبايله وكان يوري ابوه صوره جمس يدور بالتحليه كان حاط بجمسه سترس كله
نواف: يبه ابي اسوي مثل هذا
ابو طلال: بس حرام حبيبي سيارتك تونا مطلعينها وجديده ليش تخربها بهالخرابيط
طلال قط وجهه وشاف الصوره: انا اموت واعرف ايش عرفك بهالاشياء
نواف: امس لما طلعت انا واخوياي التحليه ومرينا توتي كفي شفنا هالجمس واعجبني وصورته
عشان ابوي يسوي لي مثله
طلال كان يطالع ابوه مو معقوله انه طبيعي الحين يعطي سياره لولد عمره 10 قيمتها فوق 300
الف هذا غير اللوحه والجنوط والحركات الي بيسويها بتطق المليون ,, انهبل الشايب
طلال: يبه لاتكون بتسوي الي يقول عليه
ابو طلال خايف من طلال ويغمز لنواف ان طلبه مجاب: المهم ماعلينا انا بروح اتوضى ترى بياذن
المغرب يله عشان نلحق الصلاه
بعد ماطلع ابو طلال منحاش من طلال الي مل من نصايحه
طلال: نوافوه
نواف: خير
طلال: ابي صرف 500
نواف بغرور: مامعي
طلال: اقول لاتتغلى انا ادري انك تملك بالبيت اكثر من الي املكه بالبنوك,, اخلص روح جيب لي
نواف: ايش تبي بالصرف
طلال: ابي اعطي السواق فلوس يروح للمحطه يعبي سيارتي بنزين
نواف: لا حبيبي انت ديونك كثرت ومقدر اسلفك
طلال مستغرب: ديوني ,, متى اخذت منك يالنصاب؟؟؟
نواف: تتذكر لما جاك الحلاق وخذت مني 100 وانا قلت لك باخذ عليك 50 كل يوم تاخير
ماترجع لي فلوسي ولك الحين اسبوع يعني 7 في 50 يساوي 350 هاتهم بس لاعلم ابوي
طلال: يالكلب تاخذ فوائد ,, حرام ربا
نواف: ماعلي منك هات الفلوس واصرف لك 500 ,,, وبعدين لاتعتبرها ربا اعتبرها صدقه
لاني ماشرطت عليك الفوائد لما سلفتك
طلال انقهر من هالولد دايما يلقى له مخرج: ايش عرفك بهالكلام
نواف: سالت ابوي ,, وقال لي اذا قالوا لك ربا قول انا ماشرطت
طلال : طيب انت خذ 500 واحذف منها 350 يبقى لي 200
نواف : ههههههههههه كان غيرك اشطر ,, باقي 150 ,, المهم ايش تبيها عشرات والا ميات والا خمسينات
طلال يستهبل : لا ابيها ريالات
نواف: اوكي دقايق اجيبها
طلال منصدم: ليش عندك ريالات تكفي 150 ؟؟؟
نواف: لا عندي ريالات يمكن تجي لها 50
طلال: والميه ؟؟؟؟؟؟؟
نواف: الميه ياحبيبي لي,, لان قيمه طلعتي من الخيمه 20 ومشيتي لما اوصل للبيت 20
ودخلتي للبيت 20 وطلعتي الدرج 20 ولما ادخل غرفتي وافتح المكان السري الي اخبي فيه
فلوسي 20
طلال: يابعد عمري وماتبي لرجعتك 100 بعد
نواف : لا لاني ماراح ارجع, انت صاحب الحاجه الحقني لغرفتي
طلال: طيب صله الاخوه مالها اعتبار عندك؟؟؟
نواف: لا اسف ,,, يله تبي فلوسك انا بغرفتي
وطلع وخلاه
طلع طلال من الخيمه واتجه للمكان الي كان رايح له قبل يناديه ابوه
راح لما وصل البوابه ودخل غرفه الحارس
طلال: ادم
ادم: سم
طلال طلع موبايل مشاعل وتاملت لاخر لحظه :اسمع ياادم بعطيك الموبايل هذا ,,, وخله معاك
لما يدق عليك صاحب الموبايل قول له انك لقيته عند محل طايح ,,, وانك تنتظر صاحبه يدق
ع شان تسلمه له
ادم مستغرب: ابشر ياعم ,, بس متى بيتصلوا
طلال: والله مدري ,, المهم خليه معاك انشالله سنه بس رد ع اي مكالمه ,, واصحى تستخدمه
ادم : ابشر طال عمرك ,, بس اذا طلبوا يرجع لهم الموبايل ,, اخليهم يجوا هنا ياخذوه
طلال: لا خذ اي سياره من سيارات البيت ووده لهم
ادم كان محل ثقه طلال كان من اوفى العمال واخلصهم ,, وهو الشخص الوحيد الي يثق انه
يخلي موبايل مشاعل معاه,,, وخاصه انه مو سعودي يعني لما يتصل اخو مشاعل والاابوها
يدوروا ع الموبايل ماراح يشكوا في مشاعل لان لو سعودي الي رد راح يستغربوا شوي
بس اجنبي مافيه امل يشكوا فيه او يشكوا انها تعرفه
وبعد هالخطوه لطلال ,,, قرر بان مشاعل انتهت من حياته للابد ولايبي اي شي يربطه فيها
او يربطها فيه ,,, وهذي كانت نهايه علاقه طلال بمشاعل ,, نهايه الحب الي ممكن يكون اسطوري
لكن تجري الرياح بما لاتشتهي السفن
000000000000000000000000000000 000000000000000000000000
مشاعل كانت تحاول تتاقلم نفسيا للهم الي راح يجيها ,, بكره الصبح موعد خروجها من
المستشفى ,,,راح تطلع للبيت الي عاشت فيه وهي صغيره بكل مكان فيه ذكرى ,,, كل مكان
كان له احساسه بس الحين ماتقدر تعيش هالذكريات ,,, لانها ببساطه ماراح تقدر تشوفه
كان يوم طويل ومتعب بالنسبه لها زارها ابوها وام مشعل الي من اول مادخلت ماسكتت من
الصياح وزاروها سعود ومشعل وزوجه مشعل الي كان زواجه هو حديث البيت قبل مشاعل
ماتدخل المستشفى
كانت الساعه 9 الحين طلعوا اهل مشاعل لان وقت الزياره انتهى
دق التلفون وكان الي يدق يستنى ان وقت الزياره ينتهي
مشاعل: الو
نايف بتميلح: مساء الخير
مشاعل عرفته: نعم
نايف: قلت مساء الخير ليش الجفاف بالرد
مشاعل في نفسها يالله ع المصاله : هلا اخوي من معي
نايف: يعني ماعرفتي صوتي؟؟؟
مشاعل تقلد تميلحه: لا ماعرفت صوتك
نايف: انا نايف ,,,مشغوله او عندك احد؟؟؟
مشاعل: اتوقع تجيك الاخبار اول باول اكيد تعرف ان الي عندي طلعوا ليش تسالني
نايف: ليش معصبه فيه احد مضايقك
مشاعل: ايه
نايف: مين وشوفي انا ايش اسوي له
مشاعل: فيه واحد يزعجني يدق ع غرفتي ويتميلح تقدر تسوي له شي؟؟؟ وبصراحه هو ثقيل
دم وماينطاق
نايف باهتمام: عطيني رقمه وانا اوريك فيه
مشاعل: والله انا ماعرف رقمه ولايشرفني اعرفه ,,, بس هو يكلمني الحين
سكت من الصدمه
مشاعل : اسمع يااخ يمكن انت متعود ان فيه بنات يستقبلوك بكل حب وحنان ,, بس اصابع
يدك مو سوا ,,, انا بنت مالي بهالحركات اوكي,,, وممكن تحترم نفسك وماتدق علي مره
ثانيه
نايف: بس انا ماصار مني اي غلط
مشاعل في نفسها "ابو الكرامه الي تعرفها" : اوكي يااخ ماصار منك غلط بس انا انسانه
فيني حاله نفسيه اذا حاول واحد يغازلني ,, يجيني انهيار عصبي حاد وممكن ادخل بغيبوبه
سنه,,,تخيل واحد حاول يغازلني بالسوق وشوف ايش كانت النتيجه هذا انا بالمستشفى ,,
فارجوك لاتدق
نايف خاف لانه كان متاكد ان البنت متهوره الي حاولت تقتل نفسها اكيد بتسوي اي شي
000000000000000000000000000000 0000000000000000000000000

ساره كانت مصممه انها تنفذ خطتها الي راح تدمر طلال كليا,, فكرت وخططت بس باقي
التنفيذ,,كانت محتاجه شخصين ,,, الشخص الاول هو صاحبتها سابقا ((منال)) والي كانت
مشاعل تمنعها انها تروح لها او يكون بينهم اي صله وحبها لمشاعل خلاها تقطع هالبنت
ومنال بتكون هي الي تنفذ اول الخطه ,, اما الجزء الثاني من الخطه كانت معتمده ع حسين
,, بس للاسف حسين خذلها وطلع جبان لما عرف الخطه وبالاخص اذا كان صاحب الموضوع
طلال ,, هنا كانت محتاره ماتدري مين تختار ,, تبي شاب ثقه وكل الي تكلمهم مو ثقه,,, تبي
واحد مجرم ,, مو واحد راعي غزل,, بس مين ,,, فكرت انها لازم اول تركز ع الجزء الاول
من الخطه ولما تنفذه راح تفكر مين ممكن تستعين,, ومثل مايقولوا حامي بحامي دقت ع
البنت والي تشكل الجزء الاول من الخطه
ساره: هاااااااااااااااااااااااااي منوله
منال: هايات سارونه وين الناس توك ذكرتي ان عندك صاحبه
ساره: شسوي مشاغل الدنيا بس مانسيتك ابد قلت اتصل اشوف اخبارك
منال: ياحبيبتي ,,, انا تمام الحمدلله ,, ولو ان صدري تاعبني هالايام
ساره ببراءه: سلامتك ,, ليش عندك ربو؟؟؟
منال: ههههههههههه لا ياقلبي غيرت نوع الدخان وذبحني صدري
ساره: اها ,, حبيبتي ودي اشوفك ابيك بموضوع
منال: تعالي انا فاضيه
ساره: ماعندك احد ((كانت ساره خايفه لايكون عندها احد لان البنت واحد داخل ببيتها وواحد طالع))
منال بنت عايشه مع امها ,,, والي من مات زوجها وهي مشغوله عن بنتها بالطلعات
والسفرات وحاليا هي مسافره وبنتها لوحدها بالبيت
منال: لا تعالي ماجد توه طلع من عندي
ساره: مين ماجد ابوك
منال: هههههههههه ابوي لي 3 سنوات ماشفته ,,, لا ماجد هذا البوي فريند حقي
ساره: اها اهم شي طلع هو
منال: ايوه تعالي
ساره : اوكي انا اصلا ماراح اطول
منال: عندي احساس انك تبي تديتي عندي
ساره: اديت؟؟؟
منال: تبي توهميني انك ماتكلمي وماتديتي؟؟؟
ساره : اوكي اكلم بس ماتوصل اني اديت
منال: هههههههههههههه ياحليلك المهم استناك
ساره: يله مسافه السكه
000000000000000000000000000000 0000000000000000000000000
استسلمت مشاعل للنوم في وقت مبكر ,,, بس قبل النوم اكيد مانست الحوار الي يدور كل
ليله حتى بهالضروف كانت ماتقدر تنام لحد ماتأنب نفسها ع كل الي مر لها
صحت ميشو ع صوت خطوات جايه من الغرفه الي جنبها وحست بخطوات تطلع من الغرفه
الي جنبها وتقرب من غرفتها,, كان المستشفى هااااااااادي ومافيه صوت غير صوت
هالخطوات الي تقرب منها اكثر واكثر
اختفى صوت هالخطوات عن باب مشاعل كانت تتمنى تهرب كان واضح ان الشخص واقف
ورى باب مشاعل
سمعت صوت فتحت الباب وكانه انفجار كان الشخص مبين عليه معصب او زعلان حست
بحقده من مشيته
بدت تقرب الخطوات منها اكثر واكثر لحد ماوقفت عند سريرها
مشاعل برعب: مين انت ,, انت الي امس كنت هنا ,, انت مين؟؟؟ ايش تبي مني؟؟
كان ساكت بس حست بتنفسه يدل ع انه شخص في موجه غضب حاااده
وبسرعه وبدون مايترك لمشاعل فرصه تدافع عن نفسها
سحب مخده مشاعل من تحت راسها بعنف ,,, ودفن وجهها تحت المخده
كانت مشاعل تحاول تقاوم ,, تحاول تبعد المخده عن وجهها,, ماتقدر تتنفس,,, حاولت تتنفس
بس كانت انفاسها مكتومه ,,, حاولت تضرب يده او تبعدها ,, بس كان اقوى منها ,, بكل
مقاومه تقاومها مشاعل كان يقوي ضغطه ع المخده
من هالشخص الي له مصلحه يقتل مشاعل ,,معقوله طلال يقتلها لانها خانته؟؟؟, يمكن ام
سلطان لانها تكرهها , وليش مايكون غسان ,,, والا يمكن نايف الي اهانته ,,, احتمال يكون
شخص مجهول ,,,, انشالله بالجزء الجاي راااااااااح نعرف ؟؟؟

الجزء الثاني عشر




صحت ميشو ع صوت خطوات جايه من الغرفه الي جنبها وحست بهذي الخطوات تطلع من
الغرفه الي جنبها وتقرب من غرفتها,, كان المستشفى هااااااااادي ومافيه صوت غير صوت
هالخطوات الي تقرب منها اكثر واكثر
اختفى صوت هالخطوات عند باب مشاعل كانت تتمنى تهرب ,, كان واضح ان الشخص
واقف ورى باب مشاعل
سمعت صوت فتحت الباب وكأنه إنفجار كان الشخص مبين عليه معصب او زعلان ,,, حست
بحقده عليها من مشيته
بدت تقرب الخطوات منها اكثر واكثر لحد ماوقفت عند سريرها
مشاعل برعب : مين انت ,, انت الي امس كنت هنا ,, انت مين؟؟؟ ايش تبي مني؟؟
كان ساكت بس حست بتنفسه يدل ع انه شخص في موجه غضب حاااده
وبسرعه وبدون مايترك لمشاعل فرصه تدافع عن نفسها
سحب مخده مشاعل من تحت راسها بعنف ,,, ودفن وجهها تحت المخده
كانت مشاعل تحاول تقاوم ,, تحاول تبعد المخده عن وجهها,, ماتقدر تتنفس,,, حاولت تتنفس
بس كانت انفاسها مكتومه مخنوقه ,,, حاولت تضرب يده او تبعدها ,, بس كان اقوى منها ,,
بكل مقاومه تقاومها مشاعل كان يقوي ضغطه ع المخده
بدت مشاعل تقاوم وتقاوم وتحاول تدف هالشخص الغريب وبأكبر ماتملك من قوه قدرت
توصل ليده حاولت تبعده عنها ,,, حست بيده تهزها وتهزها وفجاءت
سمعت صوت الممرضه كانت خايفه: ويك اب ,,,ويك اب
مشاعل : انا وين
الممرضه: انتي فيه مستشفى ,,, انتي في نوم بعدين انا يسمع انتي فيه صيه
مشاعل : الحمدلله انه حلم الحمدلله
التفتت يسارها ونفثت وتعوذت من الشيطان
حمدت الله انه كان حلم لانها كانت ع وشك الموت
مشاعل في نفسها" ليش مااشوف كوابيس بعد الي صار ,, فقدت اغلى انسان وبعدين كنت
اواجه الموت ولما الله انقذني من الموت فقدت نظري ,,, وتفكيري بالشخص الي امس كان
بالغرفه ,, كل هذا اكيد بيجيب لي كوابيس"
حست انها ماتقدر تكمل نومها كان ودها تقرا قران بس .... ماتقدر ,, قرت الي حافظته
وحاولت ترجع تنام
000000000000000000000000000000 0000000000000000000000000
فهده تكلم زوجها
فهده: شلون اشتقت لي وانت اليوم شفتني
عبدالمجيد: لو اشوفك 24 ساعه مامل منك
فهده متشققه من الوناسه: اووه خلاص استحي
عبدالمجيد يضحك: ياقلبي ع الي يستحون
فهده: عبدالمجيد ماقلت لامك ع الموضوع الي قلت لك عنه
عبدالمجيد: قلت لها بس تقول دفعنا نص المبلغ وماراح يرجعوه لنا
فهده: بس المكان مره قروي ,, ودي يكون زواجي بمكان حلو بصراحه استحي اعزم صاحباتي
عبدالمجيد: انتي عارفه حالتي الماديه قبل تتزوجيني ايش تغير؟؟؟؟؟
فهده: ماقلنا شي ,, انتم ادفعوا النص واحنا النص ونحطه بمكان حلو
عبدالمجيد: حبيبتي الكروت انطبعت ,,, وكل شي جاهز ,, ترى باقي اقل من اسبوعين واكون اسعد رجال بالدنيا
كانت فهده مخفه اي كلمه حلوه يقولها عبدالمجيد ينسيها كل شي
فهده: طيب وكروتنا متى راح تجيبها
عبدالمجيد: صراحه المفروض اليوم جبتها بس قلت لا,, عذر عشان اشوفك بكره
فهده خلاص ميته من الفرح اخيرا بتطلع من هالبيت ,, وبتتزوج ولد عمها الي اكيد حبته
لانها ماتعرف غيره,,, ويكفي انه ولد عمها ولازم تحبه ,, وغير انه زوجها
قفلت فهده واخذت ورقه وراحت عند امها عشان تدون فيها اسماء الناس و البنات الي راح تعزمهم
عبدالمجيد قال لها انه راح يعطيها 85 كرت قررت انها تاخذ 55 لها و30 لامها هذا اذا
وافقت امها ,, وزي ماتوقعت امها رفضت وقالت خليني اخلص من اسماء الحريم الي
بعزمهم وبعدين خذي الباقي,, انقهرت من امها ,, بتعزم ناس قراوى يجون يتعشون
ويروحون وهي تبي احد يحيي الزواج ,, وتبيه كله بنات ماتبي عجايز,, بس امها والله ماتخليها
ام فهده : يله اكتبي اسماء خالاتك وبناتهم وحريم عيالهم
فهده: كتبتهم يمه كلهم 17
ام فهده : وزوجات خوالك وبناتهم وحريم عيالهم
فهده بطفش: كتبتهم وعددهم 15 للحين وصلنا 32
ام فهده: حطي عماتك وبناتهم وحريم عيالهم
فهده: ماتبين تعزمين شغالاتهم بعد
ام فهده: خلي عنتس البربسه وكملي
فهده : طيب عددهم 9 للحين وصلنا 41 والحين طبعا عماني وزوجاتهم وبناتهم وحريم
عيالهم خلاص حفظت الموال
ام فهده: ايه واكتبي جارتهم احبها وش حليلها
فهده: يمه انتي تحبيها مو انا
ام فهده: وانا منيب امك ,, ماقلت عليك يابا الفرج؟؟
فهده: قلتي ,, المهم هذول القوم مع جارتهم عددهم 38 وصلنا 50 خلاص يمه باقي 35 بعزم صاحباتي
ام فهده: مهبولتن انتي تبين الناس يزعلوا علي كملي بس,,, اكتبي جارتنا ام و..و...و...
وبناتهم وحريم عيالهم
فهده قفلت اخلاقها: الحين الحريم اعزميهم بس بناتهم وحريم عيالهم ليش؟؟؟؟؟
ام فهده: تبيهم يزعلون لاني ماقدرتهم وعزمتهم ,,, والله ماتطلع مني
فهده: طيب يمه خلاص ماباقي الا 12 كرت خليهم لي
ام فهده: طيب اخر شي اعزمي مرت المقاول ,, ومرت الهندي الي في المحطه ارحمها ودها
تشوف عرس السعوديين
فهده معصبه: وماتبين مرت الي يشتغل بالبقاله ,, والا تبي تعزمين مثلا مرت الخباز ترى عادي
ام فهده: احمدي ربتس باقي لتس 10 كروت
هنا دخل صالح : ايش تسوون
ام فهده: نكتب الاسماء الي بنعزمها
هنا فهده تبي تشكي لاخوها يمكن ينقذها ويتوسط عند امها وتخفظ من عدد المدعوين الي
ع قولت فهده قراوى,, بس ماامداها تتكلم لانه تكلم قبلها وحطمها
صالح: اقول فهده اعملي حساب 4 كروت لي بعزم اهل صديقي وطلع
فهده راحت غرفتها تبكي 6 كروت مين بتعزم
اكيد ميشو وسارونه ومهاوي هذول اساسيات
وبتشوف الثلاثه مين بتعطيهم لانها ماتبي تعطي احد وتزعل الثاني
خلاص زواجها الاثنين واليوم السبت يعني بالضبط باقي عليه اسبوع ويومين
000000000000000000000000000000 0000000000000000000000000
ساره: لا اسفه منال انا ماشرب معسل
منال: ياغبيه هذا معسل تفاح ,, يخلي راسك يمخمخ
ساره بخوف: منال رجاء لاتضغطي علي
منال: الي يريحك بس اذا حبيتي تفكري وتخططي لشي مثل الي قلتي لي يبي لك مخمخه
ومافيه مثل المعسل يخليك عال العال
ظلت تقنعها وتقنعها وان نفس واحد ماراح يخليها مدمنه بعدين المعسل كيف ماهو ادمان
اقتنعت ساره ونفس جذبها له وبدت النفس الثاني والثالث وهكذا
ساره: واو طعمه يجنن
منال: قلت لك
ساره: احس راسي ثقيل
منال: ههههههههههه توك جديده ,,, بس والله انك فنانه تعرفي تطلعيه مع خشمك
ساره: هههههههههههههههههههههههه لو تبي من اذاني طلعته
منال:ههههههههههههههههههههههههه لا خليها ع خشمك ,, المهم ماقلتي لي كم تبين من كيلو حشيش
ساره: مدري الي يكفي انه يدخل شخص السجن
منال: ههههههههههههههه حسبتك بتكيفي عليه ,,, بس الحشيش غالي
ساره: كم يعني
منال: صدقيني منتي قده وخاصه انك بتشترين كميه كبيره عشان تحطيها بسياره الولد
وتوهمين الشرطه انه يبيع حشيش
ساره: ايه هذا الي بسويه
منال: بس ودي اعرف ليش انتي حاقده عليه لهدرجه
ساره : موضوع خاص
منال: طيب ليش ماتاخذي شي ارخص
ساره: مثل ايش ؟؟
منال: خذي حبوب هلوسه الي يسموها قضوم وياخذوها الطلاب ايام الاختبارات ,, ياخذ له
كم شهر بالسجن
ساره: وكم سعرها هذي
منال: يعني ممكن اتوسط لك يبي لك كميه لابأس بها تقريبا 400 حبه 50000
ساره انصعقت: 50000 مجنونه انتي,,, اشتري بها شنطه لي ولا اشتري بها مخدرات
منال: تحسبين المخدرات رخيصه ,,, حبيبتي هذي تكسب ذهب
ساره: اعوذ بالله فلوس حرام
منال:هههههههههههههه ماعلينا ايش قلتي اقول للرجال؟؟
ساره: لا خليني بفكر
جت الخدامه تقول ان فيه احد عند الباب يبيها ,,, وقالت للخدامه انها تدخله
ماجد : هلا حبي
ساره انصدمت ايش هالوقاحه يدخل ويطلع ببيتهم ع كيفه وايش هالبنت الي مخليه بيتهم
للداخل والطالع
ماجد ماكان لوحده ,, كان معاه وليد صاحبه
وليد كان وسيم ويشبه الممثل احمد عز مررررررررررررررره
هنا ساره صح كانت خايفه بس سعبلت لما شافته ,, تقدر الجمال ,,, وماتقدر تقاوم الشاب الوسيم
وليد: مالك حق يامنال ليش ماقلتي ان القمر عندك اليوم تعبنا ندوره
منال: لاتقرب منها ترى البنت عندها رده فعل غريبه الحين تهجم عليك
وليد طالع ساره بنظره خطيررررررررررررررررررررررررررر رررره : ممكن بعد اذنك
احكي معاك شوي
ساره: لا بطلع انا
وطلعت بسرعه لما وصل الباب كان وليد يلحقها
وليد: اوكي انا مابي احرجك او ازعجك بس ممكن اعطيك رقمي ,, مقدر انام اليوم قبل اسمع صوتك
ابتسمت وخذت رقمه
في السياره شالت طرحتها وصار تقطع بشعرها (هبلا) وتصارخ لدرجه ان السواق وده
يرميها بالشارع ازعجته ماخلته يركز بالسواقه ,,, منجنه ,, راحت لمصر مرتين علشان
احمد عز بس مالقته ,, والحين قابلت واحد نسخه منه ويتغزل فيها ,,, كانت تبي تدق بالسياره
ساره في نفسها" سويره اعقلي لايقول هالمطفوقه المشفوحه ,,, خليك ثقل مثل ميشو ,, ميشو
ثلاث ارباع الشباب منجنين عليها لانها ثقل ماتعطيهم وجه ,, وتسمعهم الكلام الحلو بالقطاره
لازم اثقل "
000000000000000000000000000000 0000000000000000000000000
كان يوم الاحد ,, ارتفع قرص الشمس ,,, ينبه الناس لبدايه يوم جديد
في المستشفى كان مشعل وابو مشعل يوقعوا الاوراق عشان مشاعل تطلع
كانت بالسياره
مشعل: هلا بنور البيت والله اشتقنا لك
ابو مشعل: عشان كذا سميتها مشاعل لانها شعلة البيت
مشعل: هههههههه اجل يبه فاتوره الكهرب لهالشهر بتجي ضربه
كانت مشاعل طول ماهي بالمستشفى تجامل وتمزح ,, بس هنا ماقدرت لانها في طريقها للبيت
الي بيتغير كل شي فيه ,, يا الله كيف راح تتحمل
حست بالسياره تاخذ طريقها للكراج ووقفت عند البيت ,, فتح لها مشعل الباب ومد يده عشان
تدخل كانت متردده ومتوتره بس ماتبيهم يحسوا بشئ ,,, نزلت واخذت طريقها للبيت ,, كانت
يد مشعل ماسكه بها ,, سمعت صوت فيصل يركض,,, وصل لها وضمها بقوووووه ,, نزلت
لمستواه وضمته وانظم له سلطان وافهد وبعد كلامات الشوق ,, كملت مشاعل بمساعدت
مشعل تدخل البيت ,, الي اول مادخلت حست بخوف من المجهول
مشعل: ميشو تبي تطلعي غرفتك ترتاحي او تبي تجلسي بالصاله
مشاعل: لا ابي اروح غرفتي لو سمحت
دخلت غرفتها وطلبت منه يتركها لوحدها
هنااااااااااااااا رجعت الذكريات وكانها ماغابت ,,, حاولت توصل للسرير,, وصارت تلمس
بيدها لحد ماوصلت بعد عناء ,, تذكرت المكان الي اكلت فيه الحبوب وبكت ع غبائها,,, هنا
كلمت طلال وهنا ضحكت معاه وهنا كلمت غيره وغيره وغيره بس محد قدر يهز مشاعرها
وافكارها ويتسلل لقلبها غيره
مشاعل في نفسها"يالله جد الانسان ضعيف ,, قبل كم يوم كنت اطالع الغرفه,, وانا مو مهتمه
عادي غرفه,, والحين اتمنى بس يرجع نظري 5 دقايق اتامل غرفتي وامتع نفسي بالمتعه
الكبيره الي ربي عطاها عبده والي مايحس بعظمها الى من فقدها"
قطع عليها حبل افكارها التلفون كان اتصال داخلي ,,, اخذت وقت لحد ماوصلت له
مشاعل: الو
الطباخ سمير: اهلا وسهلا مودمزيل مشاعل, والله دا نور البيت كولو
مشاعل ابتسمت : شكرا سمير
سمير: ربنا يخليكي لينا وللعم ابو مشعل دا كان مخضوض عليكي خالص والله وحشتينا
مشاعل: مايوحشكش غالي
سمير: هههههههه دحنا اهوه بنعرف نتكلم مصري
مشاعل : ههههه ايه انا اصلا مصريه
سمير: دي مصر بتتشرف بيكي
مشاعل: والله انا الي يشرفني ,,, دا المصريين ناااس عسل وسكر
سمير: عشان الكلام الحلو ده انا حعمل لك ع الغداء الاكله الي بتحبيها
مشاعل: بس يا سمير عصافير بطني بتصوصو
سمير: هههههههههههه ,,, وع العشاء حعمل لك حمام محشي وملوخيه بالارانب وكفته وكباب و...
مشاعل: بس بس بس كل هذا لي ,,, انا مشاعل مو مكاين
سمير: هههههههههههههه انتي تامري حضرتك ,,, وزي مابتأولوا انتي تامري واحنا بنطامر
مشاعل: ههههههههههههههههه
قفل سمير وتذكرت مشاعل شي مهم ,, الرساله الي كتبتها لساره كانت ذاكره فيها اسم طلال
ولازم تلقاها لايشوفها احد ,, ظلت تدور الغرفه تدور عليها مالها اي اثر
نادت الخدامه تدورها يمكن تشوفها بس الخدامه تقول ان مافيه اي اوراق
خافت ,, لايكون بس احد اخذها ,,لاتكون ام سلطان قرتها ,,,, قالت خلني ادق ع سارونه
يتجي تلحقني ,,, طلبت من الخدامه تجيب موبايلها ,, وظلت الخدامه تدور بكل مكان بالبيت
مافيه اي موبايل,,, حاولت تتذكر وين ودته مو قادره ,, اخذت تلفون البيت ودقت ع امل انها
تسمع صوته يدق ,,, دق فتره وانصدمت لما رد عليها رجال
مشاعل: الو
ادم: سمي
مشاعل: مين انت هذا موبايلي
ادم: ايوه طال عمرك انتي نسيتيه في محل وهو معاي ابي اسلمه ليكي بس انتي ماتصلتي
مشاعل استغربت متى راحت لمحل وهي كانت تدق ع طلال لما كانت في بيته ,, اصلا من
بعد ماطلعت من عند طلال ماراحت اي مكان,,, غريبه
قال لها انه مستعد يجيها اي مكان يعطيها الموبايل ,, طلبت منه اسمه وقال لها ان اسمه ادم
تذكرت ان الحارس الي عند طلال اسمه ادم
مشاعل: انت الحارس الي ببيت طلال؟؟؟
ادم:.......................
مشاعل عرفت انه خايف اكيد طلال منبه عليه مايقول,, يا الله لهدرجه يكرهها ومايبي اي
علاقه تربطهم
مشاعل: عموما طلال كلمني من شوي وقال لي ادم بيرد عليك((كانت تبي تاكد شكوكها))
ادم: ايوه العم طلال قال اذا دق احد يسال عن الموبايل ارجعه
مشاعل: طيب ادم عندك موبايل انت؟؟؟
ادم: ايوه
مشاعل: طيب خذ الجهاز هديه مني لك ,, اما الشريحه انا بلغيها الحين
ادم بخوف: لاالله يخليك ماقدر العم طلال يزعل وبعدين هو مو مقصر علي ,, انا لازم ارجعه
مشاعل: خلاص ارميه وقول له انك رجعته لاني مابيه
ادم: بس انا مقــ............
طوط طوط طوط
قفلت قبل يكمل كلامه,,,, الوقح طلال مايبي اي شي له علاقه بي ,, لو عرف اني عميت
ممكن يتاثر,, ماتوقع ,, اصلا هو ماعنده قلب,,, وانا مابيه يشفق علي,, اذا هو ماحبني ,, انا مابي شفقته
000000000000000000000000000000 0000000000000000000000000
ام سلطان طلعت غرفت مشاعل مجبوره تمثل قدام ابو مشعل انها حزينه عشان مشاعل
ام سلطان بدون نفس: هلا مشاعل الحمدلله ع سلامتك
مشاعل : الله يسلمك خالتي ,, خالتي انا اسفه اني ضايقتكم وخوفتكم علي سامحيني
ام سلطان: لا انا ماخفت عليك ,,, تمنيت انك متي ,, بس كتب الله انك تعيشي مريضه
مشاعل انصدمت من وقاحت ام سلطان ,,, حتى وهي مريضه
ام سلطان :شوفي حبيبتي لاتفكري اني يوم من الايام بخدمك ,,, عندك خدامتك ,, ولاتفكري
انك تطلبي مني اي شي ,, انا عيالي وياله استحملهم ,,, واجي ارعى بنات الناس ,,
لاوماتشوف بعد,,, انسى اني موجوده ,,, ولو تبين تسكنين عند ام مشعل يكون افضل وطلعت
بكت من القهر ,, كانت تحاول تصلح الامور بينها وبين ام سلطان لكن للاسف ام سلطان نذله
فكرت بكلامها كانت تتمنى تسكن عند ام مشعل بس المشكله ان ولد اخت ام مشعل ساكن
عندهم علشان الدراسه لانه ساكن بقريه ويجي عند ام مشعل ايام الدراسه عشان الجامعه بس
الحين اجازه اكيد ولد اخت ام مشعل رجع لاهله وتقدر تكمل الاجازه عند ام مشعل
قررت تقول لابوها انها راح تسكن عند ام مشعل لحد ماتبدا الدراسه
دخل ابوها وكانت تبكي من القهر
ابو مشعل: هلا حبيبتي نورتي البيت
سكت لما شافها تبكي
ابو مشعل: ميشو حبيبتي ايش فيك تبكي,,, ام سلطان زعلتك قالت لك شي؟؟
مشاعل: لايابابا,, بس انا متضايقه شوي
خافت تقول له الحين انها تبي تروح عند ام مشعل يشك في ام سلطان انها مزعلتها,, وماودها تسبب مشاكل
000000000000000000000000000000 0000000000000000000000000
صحت ساره من النوم ع صوت موبايلها
ساره وكلها نوم: الو
فهده: كش
ساره: سلمات
فهده: انخطبت وبتزوج ولاوحده منكم جت زارتني
ساره: ياقلبي الف مبروك ,, بس معليش انشغلت مع ميشو شوي
فهده: ليش ميشو انخطبت؟؟؟
ساره: لا تعبانه شوي
فهده خافت: ليش سلامتها ايش فيها انا من زمان ادق ع موبايلها ماترد,, صار لها شي
ساره: مدري شقول لك ,, بس هي صار معاها حادث بسيط و..
فهده: و ايش قولي ,,, ساره طيحتي قلبي صار لها شي
ساره: ايه, فقدت نظرها
فهده:......................... ..
ساره: فهده ادري انك مصدومه,, حتى انا انصدمت اول ماعرفت بس ايش نسوي مجبورين
نتقبل هالواقع
فهده بدت تبكي: مستحيل اكيد فيه حل ,, فيه عمليه
ساره: للاسف مافيه ,, لان المشكله عندها من العصب البصري مو من العين نفسها ويقول
الدكتور ماله حل حتى لو سووا لها 10000000 عمليه
فهده صرخت: لااااااااااااااااااااااااااااا ااااا
ساره تحاول تهديها: اذكري الله ,,, هذا نصيبها ايش نسوي
فهده وهي تبكي: وينها ابي اشوفها
ساره: هي ببيتهم
فهده: بروح لها الحين
ساره: فهده طلبتك لاتضايقيها وتبكي عندها ترى الي فيها يكفيها
قفلت فهده الخط
000000000000000000000000000000 0000000000000000000000000
نجود: يمه شكلي بقول لمشعل نأجل الزواج شوي
ام نجود: بس ياحبيبتي احنا حددناه وطبعنا الكروت وحجزنا الورد وطلبنا الاكل والحلويات
وكل شي
نجود: يمه مشاعل تعبانه ولازم نقدر هالشي
ام نجود: بس انتي تقولي ان عماها ماله حل ,, ايش راح نسوي لها ,, يعني لو اجلتي الزواج بتشوف؟؟؟
نجود: يمه ماراح نتناقش في هالموضوع ,, خلاص يمه بقول لمشعل نأجله والله يكتب الي
فيه الخير لي وله ولمشاعل
00000000000000000000000000000000000000000000000000000000

كانت الخدامه ماسكه يدها تنزلها تتغدا مع عايلتها الي نادر ماتجتمع ع طاوله وحده,, مشاعل
عزت نفسها ع الاقل قدرت تجمع عايلتها,, هالشي ممكن يدخل البسمه لحياه مشاعل
كانت غرفه الاكل عباره عن طاوله كبيره وكان في مقدمه الطاوله ابو مشعل وفي الطرف
الاخر كانت تجلس ام مشعل ,, تنازلت لها ام سلطان عن هالمكان لسببين اول شي ع شان
تمثل عند ابو مشعل انها الطيبه والسبب الثاني ع شان تجلس جنب ابو مشعل وتدلعه عند
ام مشعل تبي تقهرها
جلست مشاعل ع كرسي كان جنبها ع اليمين سعود وع يسارها فهد
الكل كان هادي ,,, كانوا خايفين يحالوا يغيرون جو الكئآبه تتضايق مشاعل وتحس ان محد
مقدر حالتها والكل مستانس وخافوا يسكتوا تتضايق مشاعل
كانت مشاعل حاسه بتوتر البيت ,, حاولت تقطع الصمت
مشاعل: بابا انا متضايقه
ابو مشعل باهتمام: ليش ياحبيبتي تتضايقي واحنا كلنا جنبك
مشاعل: بابا انا حاسه اني مقصره مع ام مشعل((حست ان الوقت حلو ع شان تطلب من ابوها
انها تروح عند خالتها ام مشعل))
ام مشعل باستغراب :انتي مقصره معاي انا ,, والله يابنيتي ماجاء منك قصور
مشاعل: لا خالتي انا مقصره ,, كنتي دايما تطلبيني اجي عندك ,, وكنت كل يوم اقول بكره
بس الحين انا مقدر ارد لك طلب عشان كذا بعد اذن بابا بجي عندك بكل الاجازه
ابو مشعل: خلاص حبيبتي الي تشوفي اهم شي ترتاحي
هنا ام سلطان حست بفرح مو طبيعي اخيرا ارتاحت منها وصارت حره ببيتها ,, وحبت تقهر
ام مشعل ,,, وقربت عند ابو مشعل ومدت له شوكتها كانت فيها قطعه دجاجه
ام سلطان بدلع : يله يوسف((ابو مشعل)) افتح فمك
ابو مشعل انحرج قدام ام مشعل وعياله الكبار,, بس اظطر انه يفتح فمه وياكلها
ام مشعل تغيرت ملامحها وانقهرت بس ماتبي تقول شي خافت ع مشاعر مشاعل
اما سعود ومشعل كان يعانون من عذاب كبير في كتم ضحكتهم ,,, حست مشاعل بسعود الي
جنبها وانه ع وشك الانفجار من الضحك
مشاعل بهمس تبي تنتقم لام مشعل: سعود ,,, يازين العجز اذا تدلعوا
سعود انفجر : هههههههههههههههههههههههههه
ولما مشعل شاف سعود انفجر ماقدر يمسك نفسه مات ضحك هو الثاني
هنا ام مشعل حست انها انتصرت وحست بان عيالها دايما يفزعون معها وحست بان ميشو
هي سبب هالضحكه الي طلعها سعود ,, ضحكت ضحكه استهزاء وجهتها لام سلطان
ام سلطان بقهر: سعود فيه شي يضحك ,, قول لنا خلنا نضحك
سعود مارد عليها لانه للحين يضحك
مشاعل: لابس تذكر نكته وبصراحه مالومه يضحك النكته تموت ضحك
ام سلطان تبي تحرجه: سعود قول لنا هالنكته خلنا نضحك
سعود بتحدي: متاكده خالتي انك ودك تسمعيها؟؟؟؟
ام سلطان: ايه
سعود ماكان عنده نكته يقولها بس قال والله لفشلها: اوكي هذا الله يسلمك شايب وعجوز
محششين الشايب قال للعجوز حبيبتي اكليني من ملعقتك عشان احس بطعم العسل من بعدك
قالت العجوز المحششه من عيوني ولما اكلته تخيلوا ايش صار ,,, طلعت الملعقه معاها
طقم الاسنان حقت الشايب ,, ياحليلهم العجايز اذا ماحترموا سنهم طبعا انا قلت محششين لان
مافيه عجايز طبيعين يسون كذا,, والحمدلله عندنا العجز محترمين نفسهم
ام سلطان بقهر: ترى النكته بايخه وماتضحك وعلى فكره ترى امك عجوز
سعود: امي عجوز بس عجوز محترمه سنها
ابو مشعل هنا تدخل: سعود عيب عليك احترم خالتك ام سلطان
هنا سعود سكت كان يخاف من ابوه
000000000000000000000000000000 00000000000000000000000
ساره بعد ماتغدت تذكرت وليد وانها مادقت عليه ,,, قررت تتصل عليه وتخربها
ساره بنعومه: الو
وليد: هلا والله
ساره استغربت صوته شييييييييين كأن فيه لحميه ,, مو معقوله هالجمال ع هالصوت ,, امس
ماحست انه صوته شين يمكن من كثر ماعجبها مانتبهت لصوته
ساره : كيفك
وليد بلحميه : تمام مين معاي
ساره: اممممممم انا ساره الي شفتني امس عند منوله
وليد بابتسامه: هلا وغلا شلونك؟؟؟؟
ساره: الحمدلله ,, ع فكره انا زعلانه عليك
وليد: ليش؟؟؟
ساره: لانك دخلت علي انت وخويك وانا مو متعوده اجلس مع شباب او احكي معاهم
وليد بخبث: انا دخلني النور الي شفته غصب عني ,, وعموما اسف وحقك علي
ساره بدلع: اوكي بس لاتكررها
وليد: اسف بكررها وبكررها ,,, لاني مقدر اقاوم هالجمال
ساره بنعومه: لا ياوليد لاتزعلني منك
وليد: ع الاقل لو من بعيد
ساره: اوكي اذا من بعيد
وليد: اوكي حبيبتي متى؟؟؟؟
ساره بخجل: اممممممممم اليوم
وليد: حلو متى بس
ساره: يعني 8 اوكي
وليد يفكر شوي: لا خليها 10
ساره فكرت هي اصلا راح تروح لمشاعل وبعدين قبل ترجع لبيتها تشوف وليد من بعيد
000000000000000000000000000000 000000000000000000000000
ام فهده : انا مالي شغل قولي لاخوتس
فهده بتوسل: يمه تكفين اقنعيه اقول لك صاحبه عمري تعبانه يمه انا ماطلبت منكم تودوني
لحفله او عزيمه او زواج ,, يمه البنت مريضه ,, والرسول امرنا بزياره المريض
ام فهده: عليه الصلاه والسلام ,, والله يابنيتي مدري شقول لك بس بقول لاخوتس وان وافق
بروح معتس
فهده مستغربه: تروحي معاي؟؟
ام فهده : ايه اخاف هالبنت موب ثقه والا عندها اخوان يخطفونتس والا ابوها يشوفتس
فهده: يمه ايش هالتفكير الغريب
ام فهده: انا قلت لتس تبين تروحين اجي معتس
فهده استسلمت لامها ع الاقل تشوف صاحبتها
بعد مااقنعوا صويلح يوديهم هددهم ان راح يوديهم 6 ويرجع ياخذهم 7 ولو ماطلعوا 7
بالضبط بيروح ويخليهم
000000000000000000000000000000 0000000000000000000000000
مشاعل بعد ماانهت الغدا ,,, رفضت كل شخص يحاول يساعدها علشان توصل للمكان الي
تبيه كانت تبي تعتمد ع نفسها ,,, كانت تمشي وتمشي وتصدم احيانا بشي واحيانا تسمع تحذير
اخوانها انها تنتبه لان قدامها شي ,,, وصلت للغرفه الي تقظي معظم وقتها فيها ,,, غرفه
الرسم
دخلت فيها وسكرت الباب ,,, حاولت توصل للفرش وعلب الالوان واوراق الرسم ,, مسكت
الفرشه وحاولت ترسم ,,, كانت ترسم خطوط متعرجه مالها اي دخل لابالفن ولا حتى بالذوق
,,, جلست ع الارض تبكي بحسره وتضرب بيدها ع الارض من القهر الي حست فيه ,, نامت
ع الارض ,,, ودموعها تنزل بغزاره ,, هوايتها الوحيده الرسم,, تحب الرسم بجنون ,,
رجعت بذاكرتها لايام الثانوي كانت نسبتها حلوه وتدخلها الطب لو تبي ,, وكان ابوها
واخوانها يحاولوا يقنعوها تدخل طب اسنان بس هي رغم نسبتها العاليه وذكائها بالدراسه ,,,
دخلت القسم الي احب لقلبها ,, الرسم والحين هي محرومه منه
000000000000000000000000000000 000000000000000000000000
في سياره صالح الكامري
صالح: اف انتن يالحريم لو ربي ماخلقكن كان احنا بخير
ام فهده: لو احنا مانخلقنا شلون جيت يالفالح
صالح: الله ياخذكن ومشاويركن الي ماتخلص
فهده: تكفى سوق وانت ساكت
صالح: اسمعوا عاد والله ان جت الساعه 7 وانتن ماطلعتن بمشي وبخليكن
ام فهده: وانشالله من يرجعنا
صالح: ارجعن بليموزين
فهده تبي تقهره: لا يمه نخلي سواق مشاعل يرجعنا
صالح التفت ع فهده الي راكبه ورى : وانتي تبين سواق صديقتس يرجعكن عشان تاخذين راحتس
فهده خافت انهم يصدمون لانه مايطالع الطريق كان يطالعها: تكفى انتبه للطريق ,, بعدين
انت تقول ارجعوا بليموزين ,, يعني اليموزين عادي بس سواق ميشو لا
صالح: وش ميشو ذي؟؟؟
فهده طفشت: هذي مشاعل ,, وبعدين انت شكلك سواق ,, الي بيشوفنا راح يظنك سواق
صالح عصبت: يالكلبه سواق بعينك ,,, شايفتني هندي والا فلبيني
فهده: عشانك مركبني انا وامي ورا وحظرتك قدام لحالك ,, ماحد يجلس لحاله قدام الا السواقين
صالح: بعد بعد تبيني اركب حرمه جنبي قدام عشان يضحكوا علي الناس,, دقمن يدقمكن
صالح كان معقد مره وعنده افكار غريبه,, وكان جالس بالسياره ورافع رجل ع الشبك
والرجل الثانيه ع الفرامل ,,, وكان لابس طاقيه طويله ((حقت العرابجه))ومرجعها ع وراء
,,, وحاط فوق الطاقيه عقال ,, اما الشماغ فكان ع كتوفه((عربجي بمعنى الكلمه))
000000000000000000000000000000 0000000000000000000000000
ماتدري كم صار لها تبكي ,, ماتدري ان الشمس راحت والا توها ,,, ماكانت تدري كم
الساعه ,,, ماتدري كم صار لها نايمه,, صحتها الخدامه تقول لها ان فيه ثنتين يسالوا عنها
قامت وغسلت وجهها ولبست بسرعه ونزلت عند فهده وام فهده
فهده تبكي : هلا والله ميشو وحشتيني((وضمتها))
مشاعل منصدمه لانها عارفه فهده مستحيل اهلها يرضوا يخلوها تطلع لبيت اي وحده من
صاحباتها لوحدها
ام فهده: هلا بنيتي شلونتس الحين
مشاعل عرفت ان هذي ام فهده وعرفت شلون قدرت تجي فهده: بخير ياخالتي الله يسلمك
شلونك انتي؟؟؟؟
ام فهده: الحمدلله
فهده: ميشو احكي ايش صار؟؟؟
مشاعل كانت تتحاشى تتكلم بالموضوع ماتبي تتذكر الي صار ,, وخاصه شلون بتتكلم عند ام
فهده
مشاعل: موضوع طويل بعدين اشرح لك ,, تعالي ماقلتي لي ,, ايش اخبار الاستعداد للزواج
فهده بدت تسترسل بتفاصيل زواجها ,, رغم انها تحذف اشياء كثيره عشان امها ماتسمع
فهده بتردد: ميشو انا عارفه انك تعبانه واذا ماتبي تحظري زواجــــ...
قاطعتها مشاعل: بس ولاكلمه والله لو انا في السرير مقدر اتحرك بجي انا وسريري مستحيل
افوت زواجك ياخبله
فهده صاحت ,, تدري ان مشاعل متضايقه ومع كذا راح تجي: ميشو انتي ملاك
سمعوا صوت يقاطعهم كان صوت ساره الي جايه تركض
ساره: الحقيني ميشو الحقيني شفت واحـــ... سكتت لما شافت فهده وامها
مشاعل : هلا سارونه تفضلي
ساره ارتبكت : هلا خالتي شلونك
ام فهده تطالعها بعين شريه لانها سمعتها تقول شفت واحد : بخير
ساره: هلا ميشو هلا فهوده
مشاعل وفهده : هلا
ساره: اممممممم شفت واحد برا معاه كامري ,, اخوك يافهده
فهده بخبث: ايه ليش عاجبك اشوفك جايه تركضي ومنجنه ترى اعزب هههههههههه
ام فهده تطالع ساره بتفحص: ايه وترى وليدي مايدخن
ساره : ههههههههه لا بس انا حسيته يشبه فهده
كلهم حسوا ان ساره تخبي شي مو معقوله كل هالحماس عشان بس اخوها يشبهها ,,, اكيد فيه
سر
ام فهده: قومي فهده لايصول علينا اخوتس ويروح ويخلينا
فهده: لاتخافي يمه هو تلقيه ماراح لما نزلنا,,, يخاف نطلع من دون علمه تعرفين ولدك شكاك
ام فهده قفلت معاها كانت تبي تزين صوره ولدها عند ساره ع امل انها تخطبها له
هنا دخلت ام سلطان,, وطالعت فهده وامها باحتقار ,, كانوا من عائله متواضعه ,, ومبين ع
ام فهده انها من الطبقه المتوسطه ,, وام سلطان تحتقر اي شخص ماينتمي لطبقتها
ام فهده قامت لام سلطان تسلم ,, مدت يدها ,, بس ام سلطان مامدت يدها منقرفه: هلا
وكملت كلامها : ميشو ودي ضيوفك لغرفتك لان صاحباتي بيجوا عندي
مشاعل قفلت معاها اهانت ام فهدهوهي ببيتها : ام سلطان انقلعي لاي مكان انتي وصاحباتك
الخمه قبل لاقوم واعلمك قدرك يالحافيه المنتفه((كانت مشاعل قويه من اول ماصار الي
صار ,, بس اظاهر كان الهدوء الي يسبق العاصفه,,, والظاهر العاصفه كانت بوجه ام
سلطان))
ام سلطان انصدمت من كلامها ,, اول مره تهينها قدام الناس
ام فهده هنا تدخلت والمفروض تكحلها اعمتها: كفو يامشاعل والله انتس مره ,, ايه علمي
هالشهباء اللهباء قدرها يوم انها ماتمد يدها لي وسيعه الوجه,, هي وهالصبغه الصفراء الي
ع راسها كنها جني مروع
ام سلطان صار وجهها احمر وصار فوق راسها مثل الدخان الي يطلع من القطار مثل
افلام كرتون لوووووووووووووووووووووول
فهده: يمه يله نروح صالح برا يستنانا
مشاعل تصارخ: ماراح تطلعوا اي مكان ,, خلي هالحشره تطلع هذا بيتي مو بيتها ,, مشكله
الملحطات اذا شافوا فلوس فجاءه ينغرو ,, نست نفسها من تكون
ام سلطان طلعت من الغرفه تبكي
فهده : اسفين والله ماكنا نبي نسوي لك مشاكل
ام فهده: ايش مشاكله ماشفتي ايش تقول ,,الا تستاهل ,, ليتس يامشاعل خليتيني عليها اادبها
هالعجوز المتصابيه
مشاعل : خليها تستاهل عشان تعرف تحترم ضيوفي
000000000000000000000000000000 000000000000000000000000
حسين كان يفكر بجنون ساره معقوله كانت تبي تحط لطلال حشيش بسيارته ,, حتى لو كان
طلال حقير بس مايستاهل انها تسوي فيه كذا ,,, حاول ينسى هالموضوع
رجع يدق ع خويته العنود الي مختفيه من زمان ,, ولما يتصل عليها يرد اخوها حاتم ,,حسين
ارسل مشاعل تكلم اخو العنود حاتم ع شان تعرف منه اي شي عن العنود بس لاحياه لمن
تنادي ,,, حاتم ماكان يتكلم عن اخته لما كانت مشاعل تكلمه ,, حاولت تسحب منه الكلام بس
هو كان كتوم
لما مشاعل فقدت الامل انه تعرف اي شي عن العنود ارسلت رساله لحاتم تقول فيها ان
ضروفها صعبه ولايدق عليها وقالت له انه يستناها لحد ماتهدا الضروف ولايدق ,, كانت
تتهرب منه لان ماعنده ريحه الكرامه ,, ولانها مثل ماقالت لحسين قررت تبتعد عن كل
شي يزعل طلال منها ,, عشان كذا ارسلت لحاتم هالرساله والي شافها طلال واثرت في طلال كثير
من ناحيت مشاعل تحاشت تقول هالشي لطلال اول شي لانه اكيد راح يزعل ثاني شي لانها
انقطعت عن حاتم في بدايه علاقتها بطلال وماله داعي تفتح اشياء قديمه
000000000000000000000000000000 000000000000000000000000
صالح كان بالسياره يستنى امه واخته ومشغل كسرات ,, كان يفكر بساره الي شافها نازله من
سيارتها والي كانت كاشفه ,, اول مره يشوف بنت بجمالها
سمع صوت الباب ينفتح ,, ركبت فهده وامها ورى
صالح: اقول فهده من هالمزيونه الي دخلت من شوي
فهده: هذي ساره صاحبتي
صالح: يازينها زيناه
ام فهده: اي والله ياوليدي تهبل ,, ودي اخطبها لك
فهده: هههههههههههه يمه اخطبوا ناس قدكم
ام فهده: وش فيه وليدي هي تطول واحد مثله مشالله جمال ودلال
فهده: مره دلال ,,, ولدك مافيه شي زين
صالح عصب: ايش قصدك ايش فيني قمر
فهده: اول شي انت ماعندك اسلوب ,, ولاوظيفه,,, ولاحتى شهاده,, ولافيك جمال ,,, حتى
نظافه مافيك ماتتحمم الا كل اسبوعين لما يخيس جسمك, وحتى فرشه الاسنان ماتعرفها
الا بالاسم تبي بنت رقيقه مثل سارونه تتزوجك انت؟؟؟
صالح هنا مشى مليووووووووووووووون لما وصل البيت وكفخ فهده لما زرق جسمها,,,
وصارت تبكي,,, حرام زواجها باقي عليه اسبوع ومو معقول بتروح اثار ضرب صالح من
جسمها,, ايش راح يقول زوجها عنها
000000000000000000000000000000 0000000000000000000000000
ساره كانت عند مشاعل وكانوا يسولفوا بكل شي,, مشاعل كانت تشكي لساره همومها خاصه
ان ساره قريبه منها,, استاذنت ساره من مشاعل بحدود الساعه 9 ونص لما دق عليها وليد
كانت مشتاقه تشوفه,, طبعا ساره ولاول مره تخبي عن مشاعل شي
ساره كانت في طريقها لكوفي تايم لانها مواعده وليد هناك ,, واليوم كان يوم الاحد انواع الزحمه
معروف الاحد والثلاثاء كان يوم طلعت مشاعل وساره لان الشوارع كلها شباب بهاليومين
تمنت ان مشاعل معاها
وهي بالطريق تذكرت صالح اخو فهده وبخبث" هذا الي ابيه محد يقدر ينفذ خطتي في طلال
الا هو ,, مبين عليه عربجي وراعي اجرام ,, واكيد اصحابه كلهم مجرمين ,,, وبينفعني,,
لازم اجيب رقمه من فهده"
وقفت ساره عند كوفي تايم تنتظر وليد يوقف جنب سيارتها,, قالت خلني اشرب شي لانه
يقول عطيني 10 دقايق واكون عندك كان بعيد شوي
فتحت الشباك تبي تطلب ,, وطبعا معروفين الي بكوفي تايم عمالهم كثر الرز ,, من اول
ماتفتحي الشباك يجونك يتراكضون,,, طلبت فرينش كوفي,, وكانت جالسه تستنى وليد ,,
وقفت جنبها سياره ,,, طبعا ساره ع طول طالعه نوع السياره اهم شي عندها ,,,
ساره: اممم يعني سياره معقوله لكزس بس صغيره((كامري الشيوخ))
فكرت اخذ رقمه والا لا ؟؟؟ بس شكله ملحط شوي لو انه تاجر كان شرى لكزس 430 مو
هذي الصغيره,,, قفلت الستاره حقت السياره مو ناقصه لحط
ساره كان معاها كدلك كنكورد قديم شوي,, لان اهل ساره مو اغنياء مره
رجعت فتحت الستاره لان القروي ع قولتها راح ,,, كانت مشغوله بدفع حساب الكوفي لما دق عليها وليد
وليد: ياهوه التفتي ابي اشوفك
ساره التفتت لقت بي ام دبليو جديده واقفه جنبها مضلله كلها والشباك الي قدام كان مفتوح
وشافت وليد جالس جنب الي يسوق يبتسم لها ,, كان الي يسوق السياره ماجد,, انقهرت اكيد
هذي سياره ماجد ,, الله يستر لاتكون سياره وليد شينه ,, كان هذا همها سياره وليد ,, لان بنظرها
ان الشباب الي يركبوا مع اخوياهم دايما تكون سيارتهم شينه ,, عشان كذا يشخصوا مع
اخوياهم
كانت تبتسم له
وليد: فيه واحد معنا ورى معجب فيك مره
ساره استغربت وقاحته لو كان صاحبه معجب فيها ليش يقول لها المفروض يزعل
ساره حبت تقهره : اوكي خله يفتح الشباك لان السياره مضلله ماشوف شي
انفتح الشباك وطلع معروض كبير كان مكتوب فيه رقم ووراه واحد لابس شماغ
ساره: طيب خله يبعد هالمعروض ع شان اشوفه وجهه
ياليته ماشال المعروض,, كان واحد شيييييييييييييييييييييييييين كان شين مره ,, قبيح,,, شكله
غريب, كانه مخلوق فضائي,,, مشوه,,, كان محدد حواجبه
ساره بقرف: ابو الرجوله الي يعرفها يحدد حواجبه ايش ترك للبنات هذا
وليد مات ضحك: عاد هو يموت فيك ,,, طالعيه زين انتي تعرفيه
ساره طالعت الولد زين ,, حست انها اول مره تشوف واحد شين كذا,,, حاولت تدقق بالملامح
انصدمت صدمه ماقبلها ولابعدها صدمه ,, عرفت هالشخص زيييييييييييييييييييييين
يله عاد مين هالولد الي تعرفه زين ساره ,, وطبعا هذا مو حلم ,,, انشالله بنعرف بالجزء الجديد

الجزء الثالث عشر



ساره طالعت الولد زين ,, حست انها اول مره تشوف واحد شين كذا,,, حاولت تدقق بالملامح
انصدمت صدمه ماقبلها ولابعدها صدمه ,, عرفت هالشخص زيييييييييييييييييييييين
الرجال الي يطالعها ومحدد حواجبه ولابس شماغ مو ولد,,, كان بنت ,,, وبالتحديد كانت
صاحبتها منال,, صح ان منال مو مره شينه ,, يعني كان وجهها مقبول نوعا ما ,, بس مو
لدرجه هالقبح صاير شكلها يخوف بنت في صوره ولد
ساره: وليد يامامي هذي منوله ,, يمه شكلها يخوف ,, لا وطلع لها شنب؟؟؟
وليد مات ضحك ع شكل ساره: ههههههههههههههههههههه , خذيها تبي تكلمك
منال بصوت خشن تقلد الشباب: هاي سارونه
ساره ميته ضحك: يمامي شكلك مرعب
منال: ايش رايك ياقمر تاخذي الرقم((كانت منال تكلمها وهي رافعه المعروض))
ساره: وووووووووع والله لو انك ولد وترفعي رقمك لي انتحر
منال:هههههههههههههههههه هاه ايش رايك بالحركه
ساره: تجنن يالله ماتوقعت انك مجنونه لهدرجه تطلعي ولابسه ثوب ,, الا تعالي منوله متى
ماشالله طلع لك شنب؟؟
منال: هههههههههههه هذي شنب رسمه لي مجودي
ساره:ههههههههههههههههههه خطير وسكسوكه بعد ههههههههههه
منال:ههههههههه اقول سارونه تعالي معانا والله فله نجيب لك ثوب من ثياب وليد
ساره برعب: لا حبيبتي اسفه مابي
منال : والله انك خوافه تدري الحين بغير ملابسي والبس جينز وجاكيت وراح نطلع بالدبابات
ندور بالعليا
ساره: مجنونه واذا احد عرف انك بنت؟؟؟؟
منال: هههههههههههه لا محد راح يدري سويتها مليون مره
ساره: انتي دبا شلون مابين جسمك
منال بزعل: احترمي نفسك انا ماني دبا وبعدين مجودي يلبسني جاكيت كبير يغطي كل شي
وكاني ولد
ساره اعجبها هبال منال وتمنت انهم كانوا يطلعوا معاها قبل هي وميشو وفلوها معها
منال: اوكي حبيبتي باي قلنا بنمر نستهبل عليك
ساره: ههههههههههههههه يله باي
000000000000000000000000000000 000000000000000000000000
حاولت تركز اكثر يمكن تتذكر الرساله وين ودتها بس كانت متاكده انها حطتها عند السرير
وين راحت الله يستر لو طاحت بيد ام سلطان والله توديها بداهيه,,, توقعت ان اكيد وحده
من الخدامات رمتها
تذكرت زواج فهده واخوها مشعل كيف راح تشتري فستان وهي ماتشوف ,,, قررت انها
تعتمد ع ذوق ساره وتخليها تشتري لها فستانين واحد لزواج فهده والثاني لزواج اخوها
مشعل
نادت ع الخدامه علشان تدق لها ع ساره من تلفون البيت
مشاعل: هلا سارونه شكلك برا صوت ازعاج
ساره: ايه حبيبتي مريت اخذ كوفي ,, والحين بروح للبيت
تذكرت مشاعل طلعاتها ودورانها والي قطعتهم من بعد علاقتها بطلال ,, وهالشي ضايق
ساره لانها تركتها تدور وحيده ومالها الا حنان الي كانت معاها لما عطت طلال الرسمه حقت
مشاعل,, ومن هذاك اليوم ماعند حنان سالفه الا طلال وجمال طلال ,, كانت ساره تضطر
تطلع مع حنان لان عندها نفس ميول ساره من الغزل والتميلح عن الشباب والدوران ,,, بس
كانت تكره فيها شفاحتها ع الشباب ,, خاصه لما تشوف واحد حلو شوي وتنكسر رقبتها ,, اما
ساره كانت تكتفي بالسعابيل بس تحب تبين ان الولد مو عاجبها وتحب تتغلى,,, المشكله ان
حنان ماتعطي ساره فرصه تاخذ ارقام لانها تكوش عليهم قبل ساره ,, وساره تستحي تقول لها
خلي هذا لي انا ابي رقمه عشان كذا قلت طلعاتها معاها
مشاعل: طيب سارونه ابي منك طلب
ساره: عيوني لك ياميشو امري
مشاعل بحزن : لا مابي عيونك الله يخليها لك,,, سارونه اشتريتي فستان لزواج فهده
ساره مستغربه: لا وليش اشتري احنا ماراح نروح
مشاعل: وليش مانروح مو هي صاحبتنا ,, عيب نخليها بهالوقت وبهالحظات
ساره: بس ياميشو انتي تعـ...
قاطعتها مشاعل : مافيني الا العافيه وانتي راح تروحي معاي
ساره: اوكي عموما ماشريت شي والزواج مابقى عليه الا اسبوع مايمدي
مشاعل: سارونه ماعليك يمدينا نشتري شي
ساره : لا حبيبتي انشالله تبيني اشتري فستان جاهز ,, مستحيل ,, لازم اروح مصممه
مشاعل : طيب حبيبتي مين قال لاتروحي مصممه
ساره: اذا رحت مااراح تخلص الفستان الا بعد شهر
مشاعل: لا مين قال ,, خلينا نروح للمصممه الي بفانتيل ,, تصاميمها روعه وماتطول
ساره: امممممممم طيب ايش رايك نمرها بكره
مشاعل: اوكي اتفقنا ,, متى تمريني؟؟؟
ساره :انشالله بعد المغرب
مشاعل: اتفقنا مو تنسين
ساره: اوكي ميشو
ساره كانت بطريقها للبيت ,,, شافت طبعا واحد ورقمها كان معاه مرسيدس (شبح)قديم شكله
من 200 سنه
قالت خليني اخذ رقمه اضحك عليه وعلى سيارته
000000000000000000000000000000 0000000000000000000000000
نجود: ياقلبي لو اخرنا الزواج شهر زياده ماراح يضرنا,, اختك يامشعل تعبانه
مشعل: بس ياقلبي انا مشتاق لك وودي نتزوج اليوم قبل بكره,, وماظن مشاعل راح تتضايق
نجود: طيب حبيبي عندي حل يرضينا كلنا
مشعل: الحقيني به
نجود: نلغي الحفله ويكون زواج عائلي في بيتنا ,, اهلي واهلك
مشعل اعجبته الفكره: والله حلو ,,, بس نجود هذي ليله عمرك واكيد ودك تفرحي فيها
نجود: لا ياحبيبي اهم شي اني اكون معاك وصدقني لا الحفله ولا الناس ولا صاحباتي الي
راح يجوا بيقدروا يسعدوني ,,,, اهم ماعندي انك تكون مبسوط ومرتاح,, واذا الحين ماقدرت
ضروفك متى راح اقدرها ,,, عموما لاتهتم لموضوع الزواج لانه مايشكل اهميه بالنسبه لي
مشعل ابهره تفكير نجود والي يدل ع عقل كبير وقلب محب ,,, وحمد ربه ع انه ارسل له
زوجه صالحه تخاف عليه وتهتم لمشاعره
000000000000000000000000000000 0000000000000000000000000
مشاعل وصت الخدامه تجهز لها بعض ملابسها عشان تنقلها بيت ام مشعل واتجهت لبيت ام
مشعل مع الخدامه,, كانت تحس بسعاده لانها بتفارق الشريره ام سلطان
دخلت بالصاله ,,, سمعت صوت التلفزيون ,,,بس ماتدري من الي عنده ,,, استحت تسال مين
دخلت بهدوء وطلعتها الخدامه بالدرج متجهه لغرفتها,,وهي بنص الدرج ,,,, حس فيها اخيرا
الشخص الي كان عند التلفزيون , واضح انه كان منسجم مع الفلم
سعود: اهلين ميشو متى دخلتي ماشفتك؟؟؟
مشاعل: من كثر الانسجام بالفلم مشالله عليك
سعود : معليش انا طالب فلم ع الشوتايم مره حلو ميشو لايفوتك((تذكر انها ماتقدر تشوفه وسكت))
مشاعل حاولت تبين لسعود انها ماتضايقت وانها متحمسه معه: قول لي ايش اسم الفلم اكيد
شفته لاني احس ان افلام الشوتايم كلها شفتها
سعود: امريكان ويدينق
مشاعل : ههههههههههههههههههه ,,, ايه شفته قبل سنه مررره يجنن
سعود: قهر ميشو تتذكري كان معروض بالسينما وقلت لك انتي ومشعل خلونا ندخله
شكله حلو ,, قلتوا لا شكله خايس ,, ومارضيتوا ندخل,, والحين تقولي حلو
مشاعل توهقت: ايه احيانا المظاهر خداعه
سعود : هههههههههههههه صرفيها ,المهم ميشو خلاص راح تنورينا هنا
مشاعل: اذا تبي ,, واذا ماتبيني ترى عادي اطلعك واجلس انا ههههههههههه
سعود: ايه هذي اختي الي اعرفها وقحه وماتثمن كلامها
مشاعل كان ودها تمسكه تنتفه,,, ع الاقل ارتاحت نفسيا لما طلعت من بيت الجنيه ام سلطان
000000000000000000000000000000 0000000000000000000000000
في بيت منال
منال كانت تدخن ,,, وكان عندها ماجد ووليد
وليد: منوله ايش قصه صاحبتك هذي مسويه عاقله ,, خليها تطلع معانا
منال: والله هالبنت اشك ان فيها حاله نفسيه ,,, لاهي المطوعه الي ماتكلم شباب ولا هي
الفري الي تطلع مع شباب,,, بصراحه غريبه
وليد: المهم شوفي لها حل ابي اشوفها
منال: ماعليك انا بدبرها لك ,,, مالك الا تكون هنا وانت موجود
وليد: بس مو تغصبيها او تجبريها ابيها برضاها
منال: ههههههههههه ايش رايك انها هي الي راح تدق عليك وتقول لك تعال
وليد يضحك : ادري فيك داهيه ومافيه شي بعيد عليك
منال: اقول مجودي ترى الاسبوع هذا مابي اشوف خشتك
ماجد ترك المعسل الي بفمه: ليش حبيبتي ,,, ايش حصل مني؟؟؟؟؟؟
منال: ماحصل شي بس ماما راح ترجع بكره
ماجد بطفش : اف متى انشالله بتسافر مره ثانيه
منال: مدري عنها ,,, عادي ليش ماتكون جمعتنا في بيت وليد
كانوا يعتبرون منال واحد من الشباب يجوا يسهروا عندها ,,, ومعسل ودخان وطلعات فله
ع قولتهم مجانين ,,, يحبوا الاستهبال ,, وكانت منال مهبوله مثلهم تحب الفله
وليد : مجنونه لا ياحبيبتي الشايب عندي ,,, وقبل ماينام لازم يدخل مجلسي ,, تخيلي دخل
ولقاك ترى صدقتي انك واحد من الشباب
منال: اف مليت منكم دايما ضافتكم((نادت الخدامه تجيب لها المعسل حقها))
الخدامه: مافيه كلاص امس انا كلام انتي
منال طفشت هذا وقته يخلص
منال: ماجدوه قوم جيب لي معسل
ماجد: وليد قوم جيب اصغر القوم خادمهم
منال: اصغر القوم مين انا اصغركم
وليد ضحك: اجل انتي روحي جيبي
منال: ياحوش قوموا تحركوا ,,, روح جيب لي معسل تفاح
وليد : والله ماروح اذا بطلع من هنا بروح للبيت
ماجد: خلاص لاتزنين بروح
000000000000000000000000000000 0000000000000000000000000
ساره كانت تفكر تدق ع الي رقمها اليوم بعد ماقفلت من ميشو ,,,, كان قروي وسيارته قديمه
قالت خليني اوسع صدر معاه لحد مايدق احمد عز اقصد وليد
ساره بدون نفس: الو
القروي: هلا بهالصوت
ساره: شلون هلا بهالصوت وانت ماتعرفني ليش انت مشفوح؟؟؟
القروي: انا اقدر الاصوات الحلوه
ساره: اقول اخلص ايش اسمك
القروي: محسوبك غالي
ساره: هههههههههههههههههههههههههههههه هههههه
غالي قفلت معاه ايش الي يضحكها: ليش تضحكي
ساره:ههههههههههههههههههههههههه هههههه
غالي: بتطولي تضحكي؟؟؟؟
ساره: لابس حسبتك رخيص ,,, اقول ابوك فرعون؟؟؟
غالي مستغرب: ايش دخل فرعون؟؟؟
ساره: لاقلت يمكن ابوك فرعون وشاري لك هالسياره في عهد الفراعنه لاني الحين ماشوف
هالسياره انقرضت من ايام الفراعنه ههههههههههههههههههههههههه لا واسمك غالي
بما انك غالي ,, بيع نفسك واشتري سياره جديده
غالي: ليش تبيني استأجر سيارات وادور بالتحليه عشان البنات يفكوا معاي
ساره: محد قال استأجر سياره
غالي: لاقلت يمكن مثل خويك الي كان يكلم بالتحليه ,,, ترى ع فكره سيارته مأجره مو
تحسبين ان البي ام حقته
ساره انصدمت شلون شافه وشلون عرف ان السياره مأجره
ساره: كيف شفته؟؟؟
غالي: انا كنت وراك من زمان بس انتي مو معبرتني
ساره : وكيف عرفت ان سيارته مستأجره؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
غالي: معروفه هالسياره عند الشباب يستأجروها ويدوروا فيها لوحتها معروفه
ساره انصدمت ليش يستاجروا السياره وانصدمت اكثر ليش ماقالت لها منال
قفلت منه ودقت ع منال
منال لما دقت ساره عليها كان عندها وليد وقالت له يسكت
منال: هلا سارونه حبيبتي
ساره:هلا وغلا ,, هاه كيفك بعد الشنب والسكسوكه؟؟؟؟
منال: هههههههههههه والله فاتك ,,, تعالي ايش رايك بكره نطلع انا وياك ناخذ لفه
ساره تذكرت انها مواعده ميشو
ساره : لاخليها بعد بكره ايش رايك
منال: ولا يهمك
ساره: منوله كنت بسالك ,,, السياره الي كنت فيها اليوم حقت مين؟؟؟
منال: مستأجره
ارتاحت ع الاقل منال ماكذبت عليها
ساره: وليش مستأجريها؟؟؟
منال: حبيبتي مجودي ولد ناس ومايبي يدور بسيارته ,,, خايف ع سمعته
ساره: اها
منال : المهم لاتتهربي ترى وعدنا بعد بكره
ساره : اوكي
000000000000000000000000000000 0000000000000000000000000
تحاول تركز وتحسب عدد الخطوات الي لازم تمشيها ع شان توصل لسريرها تقريبا 7
خطوات ,, ترجع مره ثانيه من السرير للباب ,, نفس الشي 7 خطوات ,,, اما الحمام وانتم
بكرامه ماكان عندها فكره كيف توصله ,,, حاولت تركز ع عدد الخطوات والاتجاه الصح
الي لازم تسلكه ع شان توصل للحمام ,, ظلت طول الليل تمشي رايحه وراجعه ,,,, تحاول
تتعايش مع عالمها الجديد ,, وتحاول تتعرف ع المكان ,,, عشان ماتحتاج لاحد تعبت وحاولت
تنام ,,, ولاول مره من اول ماصار لها الموقف مع طلال,,, نامت بدون ماتفكر فيه
حست ان طلال بدا يختفي من حياتها والاهم انه بدا يختفي من قـــلــــــــــــبــــهــــــا
000000000000000000000000000000 0000000000000000000000000
يوم الاثنين بحدود الساعه 2 الضهر كان مشعل بالصاله مع ام مشعل
مشعل: يمه نجود مصممه ع ان الزواج يكون عائلي ع شان مشاعل
ام مشعل:والله هالبنت كبرت بعيني زود ,,, مشالله عليها صدق حرمه ,,, فعلا امها عرفت تربي
مشعل بفخر: ايه والله يمه بصراحه لو لفيت الدنيا كلها ماراح القى مثلها
ام مشعل: اكيد ماراح تلقى ,,, مستحيل وحده تستغنى عن حفله زواجها عشان اخت زوجها
والله البنت طلعت كفو
مشعل: ايه يمه بس اصحي مشاعل تحس بشي ,,, ترى لو درت اكيد بتتضايق
ام مشعل: طيب اذا سالتني ليش راح تلغوا الحفله؟؟؟
مشعل: يمه قولي لها اهل نجود مارضوا
انصدموا لما سمعوا مشاعل تقول: ومو حرام تكذب يامشعل,, ولاهو حرام تكسر بخاطر
نجود عشان سبب انت الي خالقه
مشعل ارتبك : اااااا ......... ميشو ........نجود هي الي ........... ماتبي زواج
مشاعل: حتى لو ماتبي,,, انا بقول لك كلمه واتمنى تسمعها زين,, لو انلغت الحفله ,, سواء
منك او من نجود ,,, اعتبرني مو اختك ,, ولاتفكر حتى انك تكلمني
مشعل: بس ميشو خلاص الغــــ
قاطعته مشاعل: مشعل خلاص انا قلت لك الي عندي ,, زواجك بعد 3 اسابيع من اليوم واذا
ماسويت الحفله انا راح اطلع من بيتكم,,, وارجع لبيت ام سلطان وماراح تشوفني ابد,, ولو
شفتني راح اتجنب اتكلم معاك
مشعل: طيب اسمعيني
مشاعل: الموضوع انتهى ,,, مشعل روح كلم نجود وقول لها لاتسوي شي ولاتلغي شي ,,, اذا تبي رضاي
000000000000000000000000000000 0000000000000000000000000
دقيت عليك ابي اتطمن ع ميشو من زمان ماسمعت صوتها ,,, قالها حسين
ساره: والله ع حالها مافيه جديد
حسين: طيب ماعندها موبايل ودي اسلم عليها
ساره: حسين ميشو تغيرت كثير,,, ماصارت تكلم
حسين: ايه بس هي تركت طلال
ساره: ادري,,, بس هي تقول مابي اغضب ربي ,,, وتقول ان الشباب كلهم كذابين ,,, وانها
ملت عيشتها القديمه ومستحيل ترجع لها
حسين: يعني مافيه امل اسمع صوتها
ساره: لا اكيد فيه امل وحصه بعد
حسين تحمس: شلون
ساره: بالحلم ياشاطر
حسين: اف منك ,,, اقول ماودك ربي يهديك انتي بعد وتتركي هالمغازل,, ترى ريحتك فاحت
ساره: اسكت بس ,, قال ايش قال ريحتي فاحت ,, اصلا انا لما اكلم ماعلمهم اسمي الحقيقي
حسين: ايه بس انتي تطلعي بسيارتك ,,, وسيارتك باسمك
ساره جد راحت عنها هالفكره: اقول مو انت كنت تقول لي ماراح ادق عليك ,, ليش دقيت؟؟؟
حسين: اي والله نسيت ,,, الا تعالي ايش سويتي بموضوع طلال
ساره: ابد سالت عن الاسعار وصارت نااااااااااااااااااار
حسين : ايه احسن اتركي عنك بس هالخرابيط
ساره: والله حاليا الاحوال الماديه زفت ,,, فيه طفره ,,, يعني انا ع الحديده هالايام,, وامي
صاكه ع الفلوس هالفتره ,,, تدري سفرتنا قربت ولازم نقتصد عشان مصاريف السفر,,
ولاتنسى زواج اخو مشاعل وزواج فهده ,, يعني لازمني فساتين ولازمني اروح للصالون
وكل هالاشياء تبي فلوس
حسين: ساره مدري ليش احس انك تلمحين تبي فلوس,, اسمعي ترى انا ولد فقر
ساره: وووووووووع ماتسلفت الا منك ,,, اقول باي بس جاني خط
طوط طوط
كان طبع ساره نادر ماتقول باي ومو غريبه انها قفلت بوجه حسين
000000000000000000000000000000 000000000000000000000000
في بيت ام سلطان
فهد:سلطان اشتقت لميشوو وانت؟
سلطان : ايه باحاول اقنعها ترجع
ام سلطان:اقول انطمو وش هالخرابيط هي راحت وما تبي تجي اسمع واحد يقولها شي
فهد:اوووووووووه
ام سلطان:عيب لاتقول لامك اوه هذى كله من جلستك مع مشاعل خربتك

.............................. .............................. .............................. .........
في اليوم الي بعده كانت مشاعل لابسه وتنتظر ساره
في بيت ام مشعل
مشاعل: تراني طالعه الحين
ام مشعل:وين ياحبيبتي بتروحين؟؟
مشاعل:بتمرني ساره بدور فستان لزواج مشعل وصاحبتي فهده
ام مشعل:ياحبيلها هالساره طيب حبيبتي خذي الخدامه معاك
مشاعل:اوكي
ام مشعل:خذي موبايلي ع شان اذا قلقنا عليك نتصل
مشاعل:لاخل موبايلك الخدامه معاها موبايلها دقي عليها
ام مشعل:في امان الله
ودخلت الخدامه تقول ان ساره وصلت
وطلعت مشاعل مع الخدامه وركبت السياره
مشاعل:السلام عليكم
ساره:وعليكم السلام,,,,,, ايش اخبارك
مشاعل:تمام انتي كيفك
ساره:الحمدلله
السواق:فين روووه مدام؟؟
ساره:روح لفانتيل الي في طريق الملك عبدالعزيز
السواق:هادا جنب اكسترا
ساره:ايه اخلص بس روح هناك
ودق جوال ساره
ساره:الووو
وليد:هلا قلبي
ساره:هلا وغلا كيفك
وليد:الحمدلله,,,انتي كيفك؟
ساره:بخير
وليد:وينك قلبي بمر اشوفك
ساره:لا مااقدر
وليد:ليش حياتي وربي واحشتني موووووت
ساره:لحقت!!!
وليد:انا اشتاق لك وانتي جنبي كيف اذا بعدتي عني اصلا انا اغار من عيوني لانها تطالعك
ساره وهي مستحيه وخااااااااقه:طيب انا اكلمك بعدين
وليد:ليش قلبي؟
ساره:انا عند المحل بنزل
وليد:اوكي باي وانتبهي لنفسك,,,وباقرب وقت ابي اشوفك مررره وحشتيني
ساره:باي
ونزلو وراحو للمحل وساره عانت الامرين الاول اختيار فستانها والثاني اختيار فستان
لصاحبتها ميشوو
واختارت ساره فستان لها عباره عن قطعتين بنطلون شيفون يغطيه فستان قصير ممزوج
بالالوان المتناسقه
اما مشاعل فاختارت لها ساره فستان ناعم قصير من قدام وطويل من ورا وكان قماشه حرير
ولونه اسود وعليه بغض السترس الذهبي
وفي السياره
ساره: ايش رايك نروح لصالون نحجز
مشاعل:يله
وراحو صالون الملتقى وكان مره زحمه وحجزوا عند مدام تريزا ع شان تجيهم بيت ساره
لانه الاقرب للقاعه الي راح تتزوج فيها فهده
وطلعوا من الصالون,,,,واتجهو الى شارع العليا,, كانوا يفكروا من وين يشتروا فستان زواج مشعل
ساره: ميشو ايش رايك نمر المصممه ميسون والا المصمم بدوي
مشاعل:مو انتي رايحه العليا نروح بدوي اقرب
ساره:اوكي
.............................. .............................. .............................. .......
وعند صالح
صالح:اقول متعب وش رايك بالي كاتبه انا ورا سيارتي
متعب:ايه حلوه وراك كاتب لعيون سلطان؟؟؟وين راح مشاري؟؟
صالح: ولا زمان اول كلن قام يخون
متعب :طيب وش رايك نهجول بشارع القراطيس؟؟
صالح:لا يارجال وش رايك نروح العليا في راس امي اهبل بدوريه اليوم
متعب:والله شكلك بتجيب العيد انت وهالمهايط
صالح:اقول انت رجال ولا لا؟؟؟ ما خبرتك ذروق وخواف؟؟؟ الرجال يقول قدام ع كل شي
متعب:افا والله يابو انا راعيها ويلعن ابو الكوره بعد
صالح:ايه خلك رجالن تكانه موب خكرين قاعد
وراحو العليا يفحطون عند الفيصليه
000000000000000000000000000000 000000000000000000000
ساره: تسمعين صوت هالتفحيط؟؟
مشاعل:ايه الله يهديه
ساره:شوفي مرو من عندنا ,,, اصبري اصبري كأنها سياره اخو فهده!!
مشاعل:والله ايش دراني ,,, وانتي ايش عرفك بسيارته!!
ساره:لما جتك فهده شفت كامري اخوها لونها اخضر فاتح
مشاعل: الله يعين امه اذا كان هذا صالح ,, مسكينه ماتستاهل ولدها الوحيد
ساره: ماعلينا ميشو ايش رايك ننزل المحل
000000000000000000000000000000 00000000000000000000000
في سياره صالح
متعب: صويلح شف شف السياره الي جنبنا الكدلك فيها بنت بازعه ماتغطت
صالح: ايه يازينها زيناه تهبل تصرع
متعب: ماخبرتك تحب البنات ميولك ثانيه
صالح: ياخي لازم نفكر بالاستقرار ,, ودي اعرس
متعب: اف اف تعرس مره وحده
صالح: اقول ايش رايك تشطف جنبهم ,,, ننطل عليهم النمره ,, بس جوالي مافيه رصيد
متعب: ليت معانا اخوي عبدالعزيز عنده هالبلوتوث الي طايحين فيه
صالح:اصبر اصبر شف سواقهم يازينه زيناه
متعب: المهم خلنا نروح مقهى الشلال نضرب لنا كم راس شيشه
صالح: لايخوي اليوم فيه جلسه طرب
متعب : سرينا هناك,, بس مين بيغني هناك وين فيه
صالح: في الروضه واظاهر الي يغني يا ظافر يابو فيصل
متعب: قدام
000000000000000000000000000000 0000000000000000000000000
كانت مشاعل وساره يسمعوا المصمم وهو يشرح لهم ويتكلم عن الموديلات وعن الاقمشه
وعن الاسعار وعن الستايلات الجديده
مشاعل قررت تاخذ فستان ع حسب وصف ساره لها مره اعجبها ,, وكان ينفع لزواج اخوها
مشعل ,, وكان سعره 9 الاف
اما ساره اخذت فستان حلو وكيوت وكان سعره 5 الاف
بعد ماطلعوا كانت ساره متحمسه تبي تشوف صالح ع امل انه يرقمها وتكمل خطتها
بس للاسف اظاهر انه مادرى عنها ,,,
قبل لاتوصل ساره مشاعل لبيتها طلبت منها مشاعل تمر ع محل اشرطه اسلاميه
مشاعل تقول للسواق: لو سمحت قول للي يبيع يعطيك القران كامل بصوت الشيخ ناصر القطامي
السواق: ابشري
ساره مصدومه: ايش تبي فيها
مشاعل: تعرفين وضعي الحين سارونه,,, ودي اقرى قران وماقدر,,, احسن حل اني اسمعه
وبعدها وصلت ساره مشاعل للبيت ورجعت لبيتها
0000000000000000000000000000000000000000000000000000000000

كانت الحفله الي حظرها صالح ومتعب فيها ظافر,,, والحفله زحمه وكلها شباب ورقص
وكان صالح ومتعب فالينها مع الاغنيه الي غناها ظافر والي ذكرتهم بهمومهم
وهو فنان مشهور باغاني الكسرات والي صالح مدمن عليها
وكلمات الاغنيه تقول


يااهل الروضه اسمعوا الاعلان
كسرات ظافر يغنيها
ظافر ترى بطل الورعان
تكفي سنين مضت فيها
ياليت ياحبيبي مارحت
محبتي كيف تنساها
مريت دار الوليف وصحت
ابكي ع ايام عشناها
احط غتره واحط عقال
وامشي مع ناس حونشيه
البنت ماتنبغى بريال
والورع نسوقه بالميه
احرق زقاير واحرق كنت
واحرق مع الكنت مارلبورو
كلن تزوج وخلف بنت
وانا مع الورع سهاري
الله واكبر عقب ماكنت
طالب وماصه قدامي
واليوم جندي وحالي زفت
وان غبت يخصم من ايامي
الله واكبر عقب ماكنت
طالب وقدامك الماصه
واليوم تحرق زقاير كنت
واول حلاوه ومصاصه
خلي هجرني وخلي كان
في القلب ياكبر ميزانه
كانك ع بعدنا شفقان
قلبي يبي يشوف خلانه
ناصر حبيبي عليك اشكي
ناصر وبالوقت كاويني
لاغاب ناصر جلست ابكي
مين غير ناصر يداويني
حي الروضه انا مريت
من جنب ناصر وعبدالله
ناصر كما الكهربا بالبيت
والنور كله بعبدالله
حي الروضه بعد روحي
من شان ناصر سكن فيها
وان كنت ياصاحبي توحي
وجروحي منهو يداويها
اكتم الم واكتم الهوجاس
بين العرب كني لحالي
وان جيت بسلى مع الجلاس
يطري خيالك ع بالي
خرمان ياعالم خرمان
ابي زقاره تنسيني
والا وايت من لبنان
تمد ليه وتسقيني
شربت لاجلك كثير سموم
يمكن مع الشرب انا انساك
قالوا شراب يزيل هموم
وكل مااشرب انا القاك
خالد اتعبتني بالشرب
راحت حياتي وانا اشرب
مالي رجاوي ولالي طب
عذبتني يوم تتهرب
سبحان من صورك يازين
وخلاك تثقل ع ظافر
تمشي مع ورع اسمه حسين
والله خساره يابو عامر
من عاش في شلته ورعان
هذي مشاكل يعانيها
معروف ماتشتعل النيران
الا ع رجل واطيها
مقهور ياصاحبي مقهور
قلبي في بحر الشقا عايم
ياقلبي صبرك ع مايصير
خل الصبر عادتك دايم
خلودي بالصد جنني
وافضل الموت من دونه
ااشر بعيني ويفهمني
وكل المزايين يفدونه
خالد له عيون فتانه
تسهر وانا ظافر المجروح
الحن واغني عشانه
والقلب في حبهم مجروح
000000000000000000000000000000 0000000000000000000000000
يوم الاثنين كان وقت الغداء ,,, مجتمعين مشاعل ومشعل وسعود وام مشعل وابو مشعل
مشاعل: بابا بعد اذنك ودي واذن خالتي ام مشعل ودي اعزم بنات عمي من زمان ماشفتهم
((كانت مشاعل مقصره معاهم ,, ونادر ماتزورهم او تحظر اجتماعاتهم ,, كانت مشغوله
بامور حياتها,, ويمكن وفاه امها خلتها تبتعد عن كل الناس ,, لان دايما البنت تتبع امها ,,
واذا مافيه احد يعينها ع صله الرحم ,,, مستحيل بتوصل بهم))
ابو مشعل: الله يحييهم ,, وانا بعزم اخوي ابو تركي من زمان ماجاء ,,, وانتي يا ام مشعل
اتصلي ع ام تركي واعزميها ترى من زمان مادخلوا بيتنا
ام مشعل: والله لي اسبوعين وانا احاول في ام تركي يجونا مو راضيه تقول مشغوله مع
العيال بس اذا اتصلت عليها مشاعل اكيد ماراح ترفض لها طلب
مشاعل : انشالله اليوم اتصل عليهم واعزمهم
000000000000000000000000000000 0000000000000000000000000
في بيت ساره
تذكرت ساره انها واعده منال تطلع معاها وقالت بدق عليها اشوف اذا كنسلت
منال: هلا والله بالغلا كله
ساره: هلا حبيبتي مره وحشتيني ,,, هاه كيفك اليوم
منال: زفت
ساره: ليش؟؟؟
منال: امي وصلت من السفر
ساره منصدمه: المفروض تفرحي
منال: لاياشيخه ,, اذا جت ماتخليني اخذ راحتي,, لادخان ولا معسل ولامجودي
ساره : حرام عليك هذي امك تقارنيها بهالاشياء التافهه
منال: اقول روقينا
ساره: الا تعالي انتي قلتي لي ان ابوك ماشفتيه من 3 سنوات ؟؟ ليش مسافر هو
منال بكل بصاطه: لا ميت
ساره انحرجت : الله يرحمه
منال: عادي وسعي صدرك
ساره استغربت اسلوبها : عموما حبيبتي اكيد انتي اليوم مشغوله مع امك ,,, خلينا ناجل
الطلعه يوم ثاني
منال: لااااااا ,, ايش الي ناجل
ساره: امك توها واصله لازم تجلسي معاها
منال: اقول بس لاتسوين اخلاق,, اسمعي راح امرك انا 8 اوكي
ساره: اوكي
منال: اتفقنا مو تتاخري علي وتلطعيني برا
ساره: لا اوكي 8 يعني 8
000000000000000000000000000000 0000000000000000000000000
مشاعل دقت ع بنت عمها الجوهره
مشاعل:هلا جوجو ,,, كيفك حبيبتي
الجوهره:هلاااااااااااااااا وغلاااااااااا بميشووووووووو,,, والله انا بخير,,,, كيفك انتي وربي,,,,,
لك وحشه يالدبا
مشاعل:الحمدلله بخير,,,حتى انتي مرررررررررررره واحشتني,,,,
من بعد الدي جي الي هذيك المره ما ادري عنك
الجوهره:اتني الي قطعتي من بعده شكله ماعجبك
مشاعل:الا والله كان مره يجنن
الجوهره: اخيرا تذكرتينا
مشاعل: انا مانسيتكم ع شان اتذكركم
الجوهره: تسلمي ياقلبي,,, اقول تصدقي واحشتني شرايك تجي اليوم عندنا
مشاعل: لا انا الي متصله اعزمكم ع العشاء ,, لاتقولين ماتقدرون تجو
الجوهره : واحنا نقدر نرفض لميشو طلب,,, بس ايش المناسبه
مشاعل: بدون مناسبه,,, والله واحشيني
الجوهره: ياقلبي تسلمي ,, عموما بقول لامي وانشالله راح نجيكم
000000000000000000000000000000 0000000000000000000000000
كانت جاهزه 7 ونص وتنتظر منال
ام ساره: هاه حبيبتي طالعه
ساره : ايه ماما طالعه مع صاحبتي منال
ام ساره: غريبه اول مره اسمع بها
ساره: ماما هذي واحده اعرفها ايام الثانوي بس علاقتي فيها مو قويه مره
ام ساره: طيب حبيبتي انتي تثقي فيها ع شان تطلعي معاها
ساره دق موبايلها كانت منال الي داقه اكيد وصلت
ساره: ماما صاحبتي وصلت ,, عموما انا لو مو واثقه فيها ماكنت طلعت معاها
ام ساره: بحفظ الله
ساره: باي ماما
طلعت ساره وركبت مع منال والي كانت سيارتها جمس
ساره: هااااي منوله
منال: هايات
ساره التفتت ع بنتين جالسات جنب منال ,, كانوا متلثمات وحده منهم عيونها تجنن وحواجبها
مرسومه من الله ,, كانت رسمه حواجبها تجنن ,, ومبين عليها انها مو محددتها او لامستها
حتى مبين انها طبيعيه ,, اما كحل عيونها يجنن راسمته باتقان ,, بس بحكم خبره ساره
بالميك اب حست انه يبي له تعديل شوي
اما البنت الثانيه كانت عيونها كبيره بزياده ,,كانها وحده توها صاحيه من النوم ,,, وكان
الفون ديشن حقها مره كثير ,,, وكمان الكونسيلر طبقات وكانها حطته بملعقه مو بيدها,, هذا
غير الشدو والاي لاينر الي زايد حجم عيونها ,, كان المفروض تحط شدو غامق ع شان
يعطي لعينها حجم اصغر من ماهي عليه ,,,, كانوا هادين وساكتين ,, حستهم غامضات
وغريبات
منال: ميشو هذول صاحباتي قالوا حنطلع معاكم ,,, ترى مره حبوبات
ساره: هلا فيكم
البنات الغامضات: هلا سويره
انصدمت ساره لسببين الاول انهم يمونون يقولوا لها سويره,, والثاني اصواتهم مافيه ذره
النعومه كانت اصوات شباب
طالعتهم بصدمه ,, فيه صوت عرفته زين ,, صوت مبين عليه فيه لحميه,,, هذا صوت وليد
شالوا اللثمه ,, وطلعت الشنبات!!!
ساره انصدمت؟: ايش مسوين بنفسهم هذولا المجانين
000000000000000000000000000000 0000000000000000000000000

الجزء الرابع عشر



ساره التفتت ع بنتين جالسات جنب منال ,, كانوا متلثمات وحده منهم
عيونها تجنن وحواجبها مرسومه من الله ,, كانت رسمه حواجبها تجنن
,, ومبين عليها انها مو محددتها او لامستها حتى مبين انها طبيعيه ,,
اما كحل عيونها يجنن راسمته باتقان ,, بس بحكم خبره ساره بالميك اب
حست انه يبي له تعديل شوي
اما البنت الثانيه كانت عيونها كبيره بزياده ,,كأنها وحده توها صاحيه
من النوم لوووووووووووول,,, وكان الفون ديشن حقها مره كثير ,,,
وكمان الكونسيلر طبقات وكانها حطته بملعقه مو بيدها,, هذا غير الشدو
والاي لاينر الي زاد حجم عيونها ,, كان المفروض تحط شدو غامق ع
شان يعطي لعينها حجم اصغر من ماهي عليه ,,,, كانوا هادين وساكتين
,, حستهم غامضات وغريبات
منال: ساره هذول صاحباتي قالوا حنطلع معاكم ,,, ترى مره حبوبات
ساره: هلا فيكم
البنات الغامضات: هلا سويره
انصدمت ساره لسببين الاول انهم يمونون يقولوا لها سويره,, والثاني
اصواتهم مافيه ذره النعومه كانت اصوات شباب
طالعتهم بصدمه ,, فيه صوت عرفته زين ,, صوت مبين عليه فيه لحميه
,, هذا صوت وليد شالوا اللثمه ,, وطلعت الشنبات
ساره انصدمت ايش مسوين بنفسهم هذولا المجانين
ساره:وليد!!!!!
وليد ميت ضحك :هلا ساره كيف اللوك الجديد
ساره:.....................
وليد:وش فيك منصدمه عادي تيكت ايزي
ماجد:اقول فكونا وين بتروحون الحين!!!
ساره:فكنا انت ,,, اسفه انا اخاف اركب مع عيال
ماجد وهو يقلد صوتها:لا حبيبتي احنا بنوتات كيوت ولا خايفه نغطي
عليك ونشطب ع العيال ترا سوقي ماشي هاليومين ههههههههههههههه
منال:اقول ايش حبيبتي انت بتتكفخ اليوم
ساره:الله يرجكم مره تحولون البنت ولد ومره الولد بنت ههههههههههه
وليد: ياعمري ع الرقه ,, مو مثل منيل المسترجله ((ويقلد صوت منال )) بتتكفخ
منال ضربته بموبايلها ع جبهته
وليد: اااااااااه ,, لو سمحتي الا الجبهه لا يتاثر الميك اب
ساره: طيب ايش الحكمه من هالشي الي تسووه؟؟؟؟
ماجد: ابد نبي نسحب العيال ع وجيهم ونجرهم ورانا وبعدين نكشف
ههههههههههه
ساره: هههههههههههههههههه وربي انكم شله مجانين ,, شله حسب الله
وليد وماجد ومنال :ههههههههههههههههههه
وخذوا لهم لفه بالتحليه ,, ع العليا , ع الثلاثين ,, ع التخصصي ,, حتى
طريق الملك فهد ماخلوه,,, وجروا وراهم بشريه ,,, وخاصه وليد كان
نجم السياره ,, كل الشباب خقوا مع عيونه ورقموه,,, وبعد هاللفه
الطويله ,,, اخيرا قرر ماجد ووليد انهم يكشفوا ,, ويصدموا الشباب
الي انفتنوا فيهم,, وجت اللحظه
وليد: ماجدوه اسمع لما اقول لك شيل ع طول طلع الشنب اوكي
ماجد: اوكي بس خلنا نبدا براعي الفورد الي جنبنا شكله حبك
وليد : حبته جنيه صفراء مالها سنون
ماجد: عن المصاله يله ترى فطست حر,, مدري هالبنات شلون
يستحملون هالطرح
وليد: اوكي ركز 1 - 2 - 3 شــــــــــــيــــــــــــــل
وكشفوا وبانت الشنبات الي كانت مخفيه تحت الطرح,, وطلع المستخبي
والسكسوكات ومسكين راعي الفورد ,,, تحول من شاب يتميلح عند وليد
,, لشاب منصدم ووده يصطره انصدموا الشباب ,,, وارتفع ضغطهم
راحت عليهم الصيده,, وقرروا يحدوهم وينتقموا منهم بس سواق منال
متعود ع هالمواقف,, وبدا يطلع مهارته في السواقه ,, ويضيع البشريه,,
بس فيه 3 ناشبين ومو قادر يضيعهم,,, وابسط حل والي متعودين عليه
,, ووقفوا عند دوريه وقالت له منال ان هالشباب يضايقوهم ,, وطبعا
فزع معاهم الشرطي ووصلهم للبيت ,, بيت وليد ونزلت منال وساره
وماجد ووليد في مجلس وليد لان الشايب ع قولته مو موجود
000000000000000000000000000000 0000000000000000000000000
مشاعل كانت لابسه ومتجهزه ع شان بيت عمها بيجون ,, وام مشعل
كانت مشغوله مع الخدامات والطباخ ,, عشان القهوه والشاي والعشاء
دخلت ام تركي مع بناتها الجوهره وغاده وخلود,,, دلتهم الخدامه ع
الصاله الي كانت فاضيه
دخلت ام مشعل: هلا والله وسهلا نور البيت يام تركي
ام تركي: منور بوجودك ياام مشعل
وبعد السلام
ام مشعل للخدامه: روحي نادي مشاعل وقولي لها بنات عمك فيه
ام تركي: والله يام مشعل لنا زمن ماجتمعنا
ام مشعل: اي والله ,,, قاطعين ,,, بس ايش رايك نسوي دوريه كل
اسبوع نزور بعض
ام تركي: ياليت والله ,,, ع الاقل نشوف بعض
هنا مشاعل نزلت بمساعده الخدامه
ام تركي والجوهره وغاده وخلوه استغربوا ,, ليش مشاعل تنزل ماسكه
يد الخدامه ,,, طبعا ماكانوا يعروفوا عن الي صار
وصلت مشاعل لاخر الدرج الي كان موجود بالصاله
دلتها الخدامه ع المكان الي جالسين فيه
مدت يدها ام تركي تسلم ع مشاعل: هلا مشاعل حبيبتي شلونك
مشاعل كانت ماده يدها تدور ع يد ام تركي
هنا كلهم تاكدوا انها ماتشوفهم
وبعد السلام
ام تركي بتساؤل : سلامتك يامشاعل عيونك فيها شي
مشاعل قالت لهم كل شي بس طبعا قالت انه حادث
الجوهره وغاده بكوا ,,, اما ام تركي كانت قويه ,,, وخلود صغيره ماتدري
الجوهره: طيب ميشو اكيد فيه حل روحي لاي دكتور غير الي رحتي له
مشاعل: لا يالجوهره انا عارفه انه مافيه امل ليش اروح ووهم نفسي
غاده: بس ياميشو مو معقوله انك ترضي بالهواقع من كلام دكتور واحد
ع الاقل استشيري 3 دكاتره
مشاعل : والله مدري اخاف يقولوا لي نفس الكلام واتحطم
ام تركي: ادعي الله يامشاعل ,, ترى من رجى ربه ماخيبه
مشاعل: ونعم بالله,, بصراحه مدري ايش اقول لكم انا محتاره
ام مشعل هنا تدخلت: مشاعل احنا راح نوديك لاحسن دكتور بالعالم
وساعتها اذا قال لك ماتنفع لك العمليه خلاص ماراح نفتح معاك
الموضوع
مشاعل: الي تشوفوه
ام تركي : ايه الله يعافيكم ايش تنتظروا ,, والا خلوني اوديها انا وتركي
ام مشعل: لا والله هذا ابوها سال عن دكتور قالوا انه زين,, وانشالله
بيشوف مواعيده ونحجز عنده ونودي مشاعل
000000000000000000000000000000 000000000000
ام فهده : اقول يا بنيتي قلت لصديقتي ام منصور تسوي مريقيقات وام
محمد تسوي مريصيعات وام فهد تسوي جريشه وخلي صديقاتس يسون
مطيزيزات وعصيده وكليجا صديقاتن ببلاش
فهده:لا ياماما لاتخلي احد يسوي شي المطعم راح يتكفلوا بكل شي بعدين
ايش مراصيع ومرقوق هذا زواج مو جلسه شعبه خلاص فيه بوفيه
مفتوح
ام فهده:لا انا صديقاتي موب يحبن الا اكل البيت اما خرابيط هالمطاعم
منب نقبله يحوم التسبد((الكبد))وغالي ع غير سنع
فهده:خلاص يا ماما كيفك كيفك
ام فهده:اقول فهدوه قومي قومي اخوتس لصلاته بتفوته
فهده:لا ياماما هو نايم اخاف يهاوشني
ام فهده:والله ان مافيكن نفع يابني هالايام موب مثلنا في زمن اول
نقرص القرصان ونحلب البقر ونخظ اللبن اجل انتن يابني الحين
متمدنات ولا تنبغن وحتى كلامكن قمتن تغيرنه وتحتسن عنقليزي والله
ان العربي وش زينه يالله من فضلك الجنه حتسي المسلمين موب
عوكيه وموكيه
فهده:ياربيه في كل شي انتقادات ولا يعجبكم العجب ولا الصيام في رجب
صالح:وش فيكم ع صباح الله اسمع حتسيكم واصلن غرفتي
ام فهده: اختك ماتبي مريقيقات ولامريصيعات بعرسها متمدنه
صالح يلمس بطنه: يمه تكفين لاتشهويني بمريقيقتس وش زينها ,, ياليت
من يشبع منها
ام فهده: من عيوني بكره ارق لك ,, لاتخليها في نفيستك
000000000000000000000000000000 0000000000000000000000000
ماجد: هاه سارونه نضمك لقائمتنا
ساره كانت مرتبكه اول مره تدخل بيت واحد تكلمه,, بس الظروف جت
فجاءه وماقدرت تعترض او ترفض لان الدوريه كانت وراهم وماودها
ترجع لبيتها ووراها دوريه
ساره: لا حبيبي اسفه ,,, منوله توصليني ابي ارجع للبيت تاخرت
منال: اوكي حبيبتي ,, ارجعي مع السواق,, انا بجلس معاهم شوي
وليد: لاحبيبتي انتي راعيه طويله,, واخاف ابوي يدخل
منال: ياحمار تطردني وانا ضافتك ببيتي
وليد: قامت تمن اقول بس ماودكم تطلعون ابي سارونه بكلمه راس
ساره مرره خافت: لالا بروح انا تجي منوله معاي او ارجع لوحدي
منال وساره كانوا بطريق البيت
منال: سارونه هاه ايش قلتي بشلتي وليد ومجودي
ساره: بصراحه كلكم مجانين
منال: ههههههههههه ادري بس جنونا حلو
ساره: من جد ,, والله انكم فله
منال: طيب خلاص اذا طلعنا راح اقول لك عشان تطلعي معانا
ساره: لا انا اخاف ع نفسي انتم ناس متهورين
منال: براحتك انتي الخسرانه
000000000000000000000000000000 0000000000000000000000000
طلعت مشاعل غرفتها بعد ماراحوا بنات عمها
مشاعل في نفسها " خلاص انا مقدر اتحمل هالوضع كثير ,,, حاولت
اكون قويه بس تعبت,, اكيد فيه امل للعمليه,,, ياليت ارجع اشوف,,,
مليت من هالسواد الي ماشوف غيره, مليت ابي اشوف تعابير الناس
ووجيهم,, اشتقت اشوف وجهي ووجه سارونه وكل صاحباتي واخواني
,, اااااااااه يالقهر ياليت الوقت يرجع ياليت وافكر مليون مره قبل
اسوي شي مجنون افقد فيه اغلى ماعندي,,, تعبت من شفقه الناس علي ,
, تعبت من الاحساس بالضياع ,,كله منك ياطلال ,, ياليتني ماعرفتك
ولاشفتك ,بس لازم اكلم ابوي يشوف لي اي دكتور,,, ابي ارجع اشوف
خلاص مليت
استغفرت ربها لان هذا قدرها وماتقدر تغيره
صلت ركعتين ودعت ربها انه يشفيها ويرجع لها نظرها ,,, وبعد بكى
وحزن واحساس بالضياع استسلمت مشاعل للنوم
000000000000000000000000000000 0000000000000
وبعد اسبوع ,,, جاء اليوم الي تنتظره فهده بفارغ الصبر ,,, وهو يوم
زواجها والكل كان مشغول,, فهده كانت مشغوله بالميك اب والفستان
وتفكر كيف تكون الزفه وهل زواجها بيكون حلو
اما مشاعل كانت في بيت ساره ينتظروا مدام تيريزا عشان تسوي لهم
شعرهم ,,, وبعدها راح تجي روبي عشان الميك اب
ساره: ميشو تصدقي اليوم مانمت كويس شكلي راح انام في الزواج
مشاعل: هههههههه تخيلي تنامي وانتي ترقصي
ساره: هههههههه
رن الجرس ,, وجت الخدامه تقول ان مدام تيريزا موجوده,, اتفقوا انها
تبدا بمشاعل اول وكانت تسريحه مشاعل مره كيوت ,, سوت لها شعرها
كله ويفي ولمته ع جنب وربطته بشريطه ذهبيه
اما تسريحه ساره كانت مرفوعه ولامه شعرها ع فوق وحطت لها
اكستنشن ع شكل عمايل ولفتها ع شعرها
000000000000000000000000000000 0000000000000000000000000
اما ام فهده كانت معصبه وناقده ع عمرها بعد هالعمر تحط ميك اب
وتنتظر بفارغ الصبر المزينه تخلص منها ,, والمزينه طفشت منها بس
تقول لها افتحي عيونك وقفليها مو عارفه ترسم الكحل من حركه ام فهده
الي ماتخلص
المزينه:شو بديك احط لك لون روج؟؟
ام فهده:الله لايهينتس انا ابي احط ديرم
المزينه:شو ديرم هايدا ماركه جديده؟؟
ام فهده قامت وحطت ديرم
المزينه مصدومه:شو هيدا لونوا بشع كتير
ام فهده:وشو بشغ؟
المزينه:بشع يعني مو حلو
ام فهده:يامال الحكه الي تصيبتس هذا الديرم وش زين لونه اجل ذا
الاحمر الي لاطته فوق خشتس تقول ماكله كبدتن نيه؟
000000000000000000000000000000 0000000000000000000000000

روبي المزينه كانت في الغرفه تزين مشاعل واللي كان الميك اب حقها
عباره عن شدو اسود ممزوج بالذهبي والبلشر كان برونزي
وبعد ماانتهت كان دور ساره ,, فضلت مشاعل انها تنتظر ساره بالصاله
لما تخلص من الميك اب ويطلعوا لانهم تاخروا كانت الساعه وقتها 10
نزلت مشاعل للصاله بمساعده الخدامه ,, وكانت ام ساره بالصاله
تتصفح مجله
ام ساره: الله ميشو ايش هالجمال ماشالله عليك
مشاعل انحرجت: تسلمي ياخالتي عيونك الحلوه
ام ساره: بتغطي اليوم ع العروس اكيد
مشاعل: لا بالعكس فهده ماشالله عليها مره حلوه
ام ساره: ميشو ايش تشربي حبيبتي
مشاعل: ولا شي خالتي ارتاحي ,,, احنا هناك بنطفش من الشرب
ام ساره: طيب حبيبتي عن اذنك بروح اخذ لي بندول مره مصدعه,,
مدري ايش فيني لي فتره راسي يعورني
مشاعل: روحي للمستشفى ياخالتي يمكن السبب لاسمح الله الضغط
ام ساره: يربيه ميشو فال الله ولا فالك ,, لانشالله مافيني الا العافيه
بروح اخذ لي بندول وارتاح وانشالله يطيب
مشاعل: اوكي خالتي ماتشوفي شر
وطلعت غرفتها ترتاح,, استنت مشاعل ساره عشان يطلعوا وكانت
الساعه11 ,, توجهوا للقاعه
دخلت ساره ماسكه يد مشاعل ,,, وكانت مشاعل نجمة الحفل زي
مايقولوا الكل يسال عنها ,, وكل الموجودين زعلوا ع شان ميشو ,,
البنت الحلوه والانيقه ,,, مسكينه عمياء
الكل كان يرقص وفرحان ,, الا ميشو ,, كان الرقص بالنسبه لها هوايه
بس للاسف الحين ماتقدر حتى تتفرج عليه
مشاعل :سارونه ايش رايك نروح نسلم ع فهده بغرفتها ,, يمكن محتاجه
شي
ساره: يله مشينا
000000000000000000000000000000 0000000000000
في بيت ام مشعل
ام مشعل: يابو مشعل هاه ايش سويت بموضوع مشاعل
ابو مشعل: حجزت عند الدكتور ,,, بس هو طلب مني مبلغ عشان
يحجزوا لها غرفه
ام مشعل: طيب ارسله ايش تنتظر؟؟؟
ابو مشعل: ماعندي سيوله الحين ,, انتي عارفه ان كل فلوسي في
الاسهم والبورصه
ام مشعل بصدمه: ومشاعل
ابو مشعل: لاتخافي كلمت رجال اليوم عشان اسحب جزء من فلوسي
بس قال ان السوق نازل شوي وبيرتفع هاليومين انشالله ,, وماودي
اسحبها الحين
ام مشعل: ونأجل موعد مشاعل ع شان كم الف راح تكسبها
ابو مشعل: قصدك كم مليون,, المهم ماعلينا موعد مشاعل الشهر الجاي
يعني بعد زواج مشعل باسبوعين والفلوس انشالله الاسبوع الجاي عندي
,,, يعني فيه وقت طويل ليش معصبه
ام مشعل: الي تشوفه بس مشاعل لازم تسافر تتعالج
ابو مشعل: لاتخافي ,, انا حريص عليها اكثر منك,, ومستحيل اخلي
بنتي كذا بدون مااحاول
ام مشعل:الله يكتب لها الي فيه الخير
ابو مشعل: امين
000000000000000000000000000000 0000000000000
ساره : الف مبروك عقبال البكاري ههههههههههههه
فهده: الله يبارك فيك
مشاعل: مبروك حبيبتي ,, منك العيال ومنه المال هههههههههه
فهده : هههههههه اخاف مني العيال والمال ,, وهو يصير ضيف شرف
مشاعل وساره: هههههههههههههههههههه
فهده: عقبالكم
ساره: امين
مشاعل سكتت لانها خايفه انها ماتلقى الي يقبل فيها وهذا وضعها
ساره تبي تقهر فهده : بصراحه شكلك يجنن ,, دايم انتي حوسه ,, اول
مره اشوفك مرتبه
مشاعل :ههههههههههههههه حرام عليك
فهده عصبت : جايه عندي وتسبيني عمى انشالله
مشاعل كان ودها تشوف صاحبتها فهده في هاليوم ,, وزاد عندها القهر
والحماس للعمليه,, مستحيل تفوت ع نفسها مثل هالمواقف ,,,لازم تسوي
العمليه حتى لو ماتنجح ,, المهم تحاول,,, اكيد فيه حل لها,, الطب تقدم
وكان عندها امل كبير بالله ثم بالدكتور الي قال لها ابوها عليه
000000000000000000000000000000 000000000000
منال: يا الله ياوليد تراك ذبحتني ,, خلاص قلت لك البنت راح تروح
معانا
وليد: بس كيف راح تقنعيها
منال: خلاص ماراح اقول لها انكم معاي ,, راح اقول لها انا وصاحبتي
وليد: وتتوقعي ماتزعل
منال تغمر لوليد : الله بدينا نخاف ع زعلها ,, شكلنا بدينا نحب
وليد: اي حب واي خرابيط ,, انا مو راعي حب
ماجد : ههههههههه والله شكلك راح تصير خروف بيدها
وليد يبي قهره: ليش تبيني اصير مثلك خروف بيد منوله
ماجد: خروف بعينك ,,, انا ومنوله متفاهمين,, صح منوله
منال بنعومه : ايه حبيبي , ,انا وانت مافيه زينا بالدنيا
وليد: المهم منوله اخاف تقولي لها اننا بنروح للثمامه وماتجي
منال: لا ماعليك انا راح امرها واجيبها عشان اظمن انها ماتنحاش
ماجد:ههههههههههههه,, تنحاش منك ياوليد ههههه ماعندك خبره في
البنات الي تخليك تعرف شلون انت الي تنحاش من البنات مو البنات
ينحاشو منك
هنا وليد حس انه الوقت المناسب الي ينتقم فيه من ماجد: طبعا انا
ماعندي خبرتك في الغزل ,, ولااقدر اخلي البنات يلحقوني مثلك لاني
جديد, مو مثلك معاك شهاد خبره
منال عصبت: ماجدوه ايش جالس يقول وليدوه
ماجد: هاه كلها الحين ياوليد منوله زعلت , ومافيه بكره طلعه مع ساره
هههههههههههههههههه
وليد خاف: لالا وربي منوله امزح معاك ,,,, والله الولد مؤدب وشاطر
ويسمع الكلام
000000000000000000000000000000 0000000000000
كان وقت الزفه ,, والكل ينتظر فهده تدخل ,,, وكانت الاضواء مصلطه
ع المكان الي راح تطلع منه فهده ,,, واخيرا انفتح الباب وطلعت فهده ,
,, ومشت بشويش وكانت القاعه مليانه بالناس وبعض المصورات
والطقاقات والصبابات والكل كان يطالع فهده ,,, وبعض الناس كانوا
ينتقدوا ملابسها العاريه والبعض يمدح ,, والبعض يسب
بس فيه وحده جالسه وحيده ,, حزينه,,, في عالم منفصل,,, ماتقدر تعطي
رايها في صاحبتها,,, تسمع ساره ومها وباقي البنات جنبها يتكلموا عن
فهده ,, وعن فستانها ,, وعن مشيتها ,وياشرون لفهده ,, ويضحكوا ع
بعض الحركات الي فهده تسويها لهم ,,,, الا هي ماتقدر تطالع صاحبتها
ولا تقدر تشوف سعادتها ,, تمنت انها ماجت ,,, وانها جلست بالبيت
بحسرتها,,, حزنت حزن ع نفسها يضاعف حزنها لما اكتشفت انها
صارت عمياء
فكرت كيف راح يكون زواج اخوها مشعل,, والي المفروض هي اخته
الوحيده الي تكون فرحانه لزواج اخوها وترقص وتستقبل الناس ,,
وتشوف اخوها لما يدخل,, تاكدت ان كل هالاشياء ماراح تقدر تسويها ,,
حزنت ,,, ونزلت دمعه من عينها ,, خافت لاحد يحس فيها,, وتضايقهم
في زواج اعز صاحبه لهم
000000000000000000000000000000 0000000000000
اقول بس رجعوني البيت امي تدق , قاتلها منال لشلتها
ماجد: بدري ياعمري خلينا ناخذ لفه
منال: اي لفه ,, امي دقت علي كثير واخاف اتاخر ,, تسوي لي سالفه
وليد: ماجد تكفى ودها للبيت اخاف امها بكره تصك عليها وماتخليها
تجي معانا الثمامه
منال: ايه طبعا مو عشاني عشان حبيبه القلب
000000000000000000000000000000 0000000000000
بعد ماوصلت فهد للكوشه ,,, وبعد ماسلموا عليها الناس ,, جلست معاها
ميشو وساره وتصورا معاها
فهده: سارونه حبيبتي بطلي منك طلب
ساره: امري؟؟؟
فهده: تعرفي الغرفه الي كنت فيها؟؟؟؟
ساره: ايه حبيبتي
فهده: موبايلي هناك ,, اذا ماعليك امر ممكن تاخذيه وتحطيه بشنطتي الي
عند الباب ,, لانه ماراح يمديني ارجع اخذه وماقدر اعتمد ع امي
ساره حست انه الوقت المناسب ع شان تعرف رقم صالح: اوكي من عيوني
كم عندها من فهده
وراحت لمكان الغرفه الي كانت فيها فهده ,, وخذت الموبايل
ودورت ع رقم صالح,,, وماتت من الفرحه لما لقته ,, خزنته عندها بموبايلها
وحطت موبايل فهده بالشنطه
000000000000000000000000000000 000000000000
وبعد مانتهى الزواج كانت ساره ومشاعل في الطريق للبيت
ساره: ميشو راح اطلب منك حاجه بس انك ماترديني
مشاعل: قولي
ساره: اول احلفي
مشاعل: والله مااردك
ساره : انا استاذنت من خالتي ام مشعل انك تنامي عندي اليوم,, وخلاص
هي وافقت وانتي انشالله ماراح ترفضي
مشاعل: ههههههههههههه ع كيفك ماشالله تخططي وتنفذي
ساره: انتي حلفتي ماترديني
مشاعل تبي تقهرها: اف يله مع اني ماودي بس ايش اسوي حكم القوي
ع الضعيف
دخلوا البيت وكان البيت فاضي لان ام ساره نامت وابوها توه راجع من
السفر ونايم
ساره: ميشو قبل نغير ملابسنا انا ميته جوع بصراحه الاكل هناك مو
حلو كله اكلات شعبيه وانا ماحبها,, ايش رايك اسوي لنا سندويشات
مشاعل: مو قبل مانغير لان هالفستان احس انه خانقني
ساره: يالله منك ياميشو بس شوي راح اصلح سندويشات بسرعه واجيك
نطلع فوق نغير وناكل
مشاعل بطفش: طيب لاتطولي ترى اذا طولتي راح اطلع فوق لوحدي
ساره عارفه ان مشاعل ماتسويها خاصه ان ابوها موجود تخاف تدخل
غرفته
وهنا ميشو كانت بالصاله لوحدها ,,, تنتظر ساره تخلص من السندويشات
سمعت صوت احد يدخل الصاله وخافت يكون ابو ساره
فجاءه الشخص الي دخل سكر عيون مشاعل بيده وماكانت تدري مين
قال لها: سوربرايز سارونه حبيبتي وحشتيني
مشاعل انجنت وماتحركت كان ودها احد يجي وينقذها عرفت انه رجال
بس مين هالرجال الي في بيت ساره,لان ساره تقول ان ابوها نايم, كانت
متاكده ان ساره ماعندها احد
: ايش فيك انشليتي
هنا مشاعل قررت انها تتصرف وتسوي شي ,, لان الشخص مبين عليه
انه مايدري مين هي يحسبها ساره
قررت اخيرا انها تتحرك ع شان يعرف وينتبه ع انها مو ساره
ابعدت يده عنها ,, ووقفت بشكل سريع وراحت تمشي ماتدري وين
تروح,, ضربت رجلها بالطاوله وحاولت تبتعد عنها,, ورجعت غيرت
طريقها,, كانت تايهه ماتدري وين تروح الرجال قدامها اكيد,, وماتدري
وين تروح ,, حتى غطاء مامعاها ,,,, قررت تاخذ الطريق الي ع يمينها
ومشت بسرعه ع امل انه يكون مخرج ,, واسرعت اكثر بمشيتها ووقفت
لما صدمت بجسم شخص,, والي اكيد هو الشخص نفسه الي كان موجود
رجعت لورا ع امل انها تنحاش,, بس اظاهر كان وراها شي وتعثرت
فيه وكانت راح تطيح لولا الله ثم يد هالشخص الي تدارك الموقف
وبسرعه تصرف منه مسكها وثبتها ع الارض
000000000000000000000000000000 000000000000

الجزء الخامس عشر


قررت اخيرا انها تتحرك ع شان يعرف وينتبه ع انها مو ساره ابعدت يده عنها ,, ووقفت
بشكل سريع وراحت تمشي ماتدري وين تروح,, ضربت رجلها بالطاوله وحاولت تبتعد عنها,
, ورجعت غيرت طريقها,, كانت تايهه ماتدري وين تروح الرجال قدامها اكيد,,,, حتى غطاء
مامعاها ,,,, قررت تاخذ الطريق الي ع يمينها ومشت بسرعه ع امل انه يكون مخرج ,,
واسرعت اكثر بمشيتها ووقفت لما صدمت بجسم شخص,, والي اكيد هو الشخص نفسه الي
كان موجود رجعت لورا ع امل انها تنحاش,, بس اظاهر كان وراها شي وتعثرت فيه وكانت
راح تطيح لولا الله ثم يد هالشخص الي تدارك الموقف وبسرعة تصرف منه مسكها وثبتها
ع الارض
ابتعدت عنه بسرعه ,,, وخافت من هالمجهول ,,, سمعت خطواته تبتعد عنها وتطلع فوق
انجنت مشاعل ماتدري وين تروح ,,, حتى ماتعرف كيف تروح للمطبخ عند ساره ,,, خافت
تحاول تدور ع المطبخ وتقابل نفس الشخص,, قررت انها ماتتحرك من مكانها لحد ماتجي
ساره تشرح لها الي قاعد يصير
بعد انتظار سمعت خطوات تدخل عندها
ساره: صلحت لك سندويشات راح تاكلي اصابعك وراها
مشاعل بخوف: سارونه مين عندكم؟؟؟
ساره: مو فاهمه شلون مين عندنا؟؟؟؟؟؟؟؟؟
مشاعل: من شوي كان هنا واحد يكلمني ويحسبني انتي؟؟؟
ساره: يمكن بابا
مشاعل بخوف: لالا سارونه انا اعرف صوت ابوك كويس مو هو,, هذا صوت واحد صغير
ساره: ميشو حبيبتي انا اصغر وحده بالبيت ايش صار لك؟؟؟ماعندنا اطفال
مشاعل: لالا مو طفل ,, صوت واحد كبير يمكن بالعشرينات ,,, بس مو صوت ابوك
ساره قربت من مشاعل ولمست جبينها وكأنها تقيس حرارتها: ميشو بسم الله عليك صاير لك
شي ,,, شكلك مو طبيعيه,, والا الفستان اثر ع عقلك؟؟؟
مشاعل عصبت: سوير بلا حركات مالها داعي ,, اطلعي فوق دوري مين كان فيه , والله انا
ماتخيل,, روحي شوفي مين فيه
ساره خافت لايكون الحبوب الي اخذتها اثرت ع عقل مشاعل: طيب ولا يهمك تعالي نطلع
فوق وبعدين ادور ع الشخص الي تحكي عنه
مشاعل وساره دخلو غرفه ساره ,, وعطتها ساره بيجاما علشان تغير ,, ولما غيروا ملابسهم
جلست ساره عشان تاكل
مشاعل: ايش تسوي؟؟
ساره بكل برائه: آكل
مشاعل: قومي الحين شوفي مين فيه
ساره: ميشو حبيبتي والله بيتنا مافيه احد ,, بس عشان ماتزعلي بروح اشوف اذا ابوي نايم
او لا
000000000000000000000000000000 0000000000000000000000000
فهده كانت بالاوتيل مع زوجها عبدالمجيد
عبدالمجيد: والله وتحقق منايا شوفوا حبيبي معايا
فهده وجهها صار احمر وبكل دلع قالت: عبدالمجيد
عبدالمجيد: عيونه وقلبه وروحه
فهده: خلاص ترى انا حدي ميته من الحيا
عبدالمجيد : اموت ع الحيا ,, اقول حبيبتي
فهده: هلا
عبدالمجيد: ماودك تروحي تنامي ع الكنبه لانك دبا واخاف ع نفسي
فهده عصبت: لا ياشيخ من زينك يالرشيق ,,, شوف نفسك بالمرايه كأنك فقمه لابسه ثوب
عبدالمجيد ميت من الضحك ع فهده: هههههههههه فقمه عاد ,,, يام كراعين
فهده: الحين ام كراعين ومن شوي يالدبا
عبدالمجيد: ايش اسوي احب البنت الدبا ,, وانا جالس اوهم نفسي انك دبا
فهده بتهديد: تحب البنت الدبا هاه ,, طيب انا اوريك
عبدالمجيد: ايه حبيبتي لازم من اليوم وطالع تفطري شوكولا ,, وتتغدي خروف كامل,,,
وتتعشي حاشي
فهده: لاياشيخ تبي تموتني انت؟؟؟
عبدالمجيد يتصنع البراءه : ليش اموتك؟؟؟
فهده: تبي يجيني السكر والكولسترول
عبدالمجيد: لا حبيبتي ابيك تسمني باي طريقه بصراحه احس اني متزوج وحده من المجاعه
فهده عصبت: طيب انا بروح انام ع الكنبه وخل الشحوم تنفعك
واخذت مخده وفراش وقامت , بس كانت يد عبدالمجيد اسرع منها ووقفها
عبدالمجيد يبي يكحلها اعماها: حبيبتي لو انتي في عيون الناس اقبح بنت بالعالم والله انك
في عيوني احلى من اي بنت
فهده: عبدالمجيد ابعد عني لاصارخ,, انا اقبح بنت هاه
عبدالمجيد: حبيبتي وربي انا مو متعود ع اني اقول كلام حلو ,,, وماعرف كيف اتغزل فيك
حاولت اقراء كتب كثير وقصص رومانسيه وافلام رومانسيه ع امل اني اتعلم كيف اعبر لك
عن حبي لك ,, بس لساني يخوني لما اشوفك,,, والله اني ماقدر اعبر لك عن حبي الكبير لك
فهده : لاتقول شي ياعبد المجيد يكفي الي سمعته ,,, انشالله اني اقدر اسعدك طول عمرك
عبدالمجيد والله اني احبك ,, احبك ,, احبك
عبدالمجيد : وانا احبك
000000000000000000000000000000 0000000000000000000000000
ساره شافت نور غرفه ابوها وامها مقفل معنى هذا انهم نايمين ,, تاكدت ان مشاعل كانت
تتوهم وكانت في طريقها لغرفتها ,, بس تفاجاءت لما لمحت نور اخر غرفه في بيتهم والي
لها اكثر من سنتين محد دخلها ,, خافت مين ممكن يكون فيها ,,, فكرت لو اصحي بابا يروح
يشوف اخاف انه حرامي,, بس ايش هالحرامي الغبي الي يفتح النور
قررت تروح تفتح الغرفه وتشوف مين فيها
فتحت الباب بشويش ع شان ماتطلع صوت,,, كانت الغرفه منوره بس ماكان فيها احد ,,, بس
تفاجاءت لما شافت شنطه ملابس فوق السرير مشالله حرامي وجايب ملابسه معاه ,,, قبل
ماتلحق تفكر او تحلل موضوع الشنطه انفتح باب حمام الغرفه وطلع منه شخص خلى ساره
تشهق وتوقف مكانها
ساره بفرح ومفاجاءه صرخت : بــــــنــــدر
بندر : هلا سارونه حبيبتي وحشتيني
ساره راحت تضمه : وانت وحشتني اكثر,, متى وصلت
بندر : الحين وصلت وقلت اسويها لكم مفاجاءه
ساره: بس احنا متفقين اننا نتقابل بايطاليا
بندر : يؤؤؤ لهدرجه ماتبوني
ساره : لاحبيبي بس مره وحشتني فوق ماتتخيل
بندر : وانتي اكثر ,, الا تعالي عندك احد؟؟؟
ساره تذكرت مشاعل وانها ظلمتها : ايه عندي صاحبتي ميشو
بندر : ايه وانا داخل ماشفتها كويس كانت معطيتني ظهرها وحسبتها انتي
ساره: ايه مسكينه كانت تقول لي انها شافت احد بالبيت وانا ماصدقتها ,,, قلت اكيد تتوهم
بندر: ساره صاحبتك مشاعل ماتشوف؟؟؟
ساره: ايه ,, مسكينه تعرضت لحادث ومن بعدها ماتقدر تشوف
بندر: مسكينه ماتستاهل ,,, طيب مافيه امل لعيونها ابد
ساره: لا تقول ان الدكتور يقول مافيه امل
بندر منصدم: معقوله تعتمد ع كلام دكتور واحد ,,, ليش ماراحت تشوف دكتور ثاني
ساره: ابوها حاجز لها عند دكتور روسي يقولوا مره كويس ,,, انشالله بعد زواج اخوها راح
تسافر لعيادته مع ابوها وخالتها
بندر: الله يشفيها ,, حرام كل هذيك العيون الحلوه ماتشوف
ساره استغربت جرأت اخوها: وانت جالس تطالع في عيونها
بندر يبي يقهرها : لا غصب عني ياساره طالعتها ,,, حسبتها انتي وقلت مو معقوله اختي
ساره تصير بهالجمال حتى لو سوت كل عمليات التجميل الي بالعالم
ساره: لاياشيخ ,,, حبيبي انا حلوه بدون عمليات تجميل
بندر: اصلا انتي احلا اخت بالدنيا واحلى بنت بعد
ساره: ايه صرفها بس,, المهم بروح اطمن ميشو وراجعه لك
بندر: تطمنيها ع ايش
ساره: لانها هناك ميته خوف ,, ماتدري مين الي دخل عليها
بندر: ايه مسكينه اول مادخلت سكرت عيونها ع بالي انتي
ساره: ههههههههه عشان كذا لما جيت لها كانت شوي وتنهار
بندر: بصراحه انا لما عرفت انها مو انتي توقعت تروح تركض,,, واستغربت انها جالسه
مكانها ,, وبعدين حسيت فيها تركض باي اتجاه ,, حسيت خطواتها تايهه مو عارفه وين
تروح ,,, وتاكدت انها ماتشوف لما ضربت بالطاوله ,, بعدين رجعت لي وضربت فيني
حرام والله البنت ماتستاهل
ساره: كل هذا صار ,,, وانت حضرتك ليش مامشيت ,, ووفرت ع البنت الاحراج
بندر: بصراحه انا كنت مصدوم من سببين
ساره: وايش هم؟
بندر: الاول اني انصدمت ان البنت ماتشوف ,,, والثاني ابهرني جمالها وماقدرت اتحرك من
مكاني حسيت رجولي ماتقدر تشيلني
ساره تغمز لاخوها: هاه شلون يعني نخطب؟؟؟؟؟
بندر يبتسم: لا لسى بدري على هالكلام
ساره: اي بدري عمرك 27 وبدري
بندر: لسى انا توني اخذت الماستر ووراي الدكتوراه بعدين افكر بالزواج
ساره: ايه وبعد الدكوراه بتقول ودي اصير بروفسور ,, واخر شي نزوجك في المقبره صح
بندر: ههههههههههههههههه ,,, لا تخافي علي اذا قربت اعنس بتزوج ههههههههههه
ساره: يا الله نسيت البنت ,, تلاقيها الحين تحسبني انخطفت ههههههههههه
بندر :يالله روحي لها كل شي ولا تتضايق مشاعل,, المهم خليك معاها انا تعبان وراح انام
ساره: لا تنام ابي اسولف معاك
بندر: ايش تسولفي ياعمه,, روحي بس انا تعبان ,,, ترى انا جاي من امريكا مو من الشرقيه
ساره: طيب يابو التصريف ,, المهم بكره لي جلسه معاك
بندر : انشالله,,, سلميني ع القمر مشاعل
ساره: انشالله تامر امر
بندر: وقولي لها تصبح ع خير
ساره تضحك: طيب فيه شي ثاني
بندر: لا
ساره: يله تصبح ع خير
بندر: وانتي من اهله
000000000000000000000000000000 0000000000000000000000000
في غرفه ساره
منال كانت تدق ع ساره ولا حياه لمن تنادي ,,, ماترد لان موبايلها بغرفتها وهي جالسه مع
بندر اخوها
مشاعل: يالله مسكين هالي يدق قطع الموبايل,,, وهالشينه سويره مدري وين راحت وخلتني
لوحدي,, الي اتذكره انها ميته جوع ,,, وراحت تشوف مين وللحين ماجت ,, شكله حرامي
اختطفها,,,اطلع اشوف ايش صار ,, بس حتى لو طلعت عدمي مثل وجودي ماراح اقدر
اسوي شي
قطع عليها حبل افكارها
صوت الباب لما دخلت ساره
ساره: تاخرت عليك ميشو
مشاعل معصبه: لاياشيخه توقعت انك انخطفتي
ساره: هههههههههههه لا الحمدلله ماحد خطفني ,, قهر توقعت انه حرامي قلت ابي اجرب
عضلاتي عليه,, بس للاسف صار حرامي يقرب لي عشان كذا ماقدرت اضربه
مشاعل: يقرب لك؟؟؟
ساره: هذا اخوي بندر توه واصل من السفر
مشاعل عصبت: وليش ماقلتي لي انه راح يجي اليوم ,,, كنت ماجيت عندك
ساره: مو هو مسويها مفاجاءه
مشاعل: اها ع شان كذا اول مادخل قال سوربرايز
ساره: الله بعد صار بينكم سوالف
مشاعل: اسكتي بس لاتذكريني ,,, اخوك هذا وقح
ساره : يؤؤؤؤؤؤؤ تراك في بيتنا وتسبي اخوي
مشاعل: مو المفروض لما شافني المفروض انقلع مو جالس يتاملني وانا احاول انحاش
ساره: ههههههههههههههه لو تدري ايش قال فيك كان مانمتي
مشاعل باستهتار : لاشكرا لاتقولي ترى ابي انام اليوم
ساره: انتي حره بس انا لو مكانك بفرح بالكلام الي قاله
مشاعل: اقول ترى جعت ماودك تاكليني
ساره: ايه صح نسيت اني جوعانه
مشاعل: ايه سارونه ترى موبايلك دق مليون مره ارحمي هالي يتصل
ساره قامت تشوف مين يدق ع موبايلها,, شافت رقم منال,, ودقت عليها
منال: اخيرا دقيتي ياطويله العمر لازم نكتب لك معروض عشان تردي؟؟؟
ساره: اسفه والله كنت عند اخوي لسى واصل من السفر
منال: اها يعني ماراح تروح معاي بكره
ساره: وين
منال: بكره طالعين المخيم انا والبنات
ساره: مين راح يجي
منال: بنات ماتعرفيهم,, بس فله لايفوتك ترى هبال ووناسه
ساره: اوكي راح اجي بس ماتوقع اطول لان اخوي موجود
منال: اوكي اجل امرك 7
ساره: لا انا راح اجي بسواقي
منال: لا لان المخيم يضيع ,,, خليني امرك واوعدك وقت ماتقولي نمشي ع طول نمشي
ساره: ايه بس ترى مقدر اطول اكثر من 1
منال: مره حلو
ساره: خلاص اتفقنا بس قبل ماتمريني عطيني خبر عشان اقول لماما
منال: اوكي انشالله 7
ساره :اوكي باي
وبعد ماقفلت ساره
ساره: ميشو هذي بنت خالتي بكره عازمتني ع دي جي,, ايش رايك تجي معاي
كانت خايفه تقول لها منال وتزعل ,, وكانت متاكده ان مشاعل راح ترفض
مشاعل: لا والله مالي خلق
000000000000000000000000000000 0000000000000000000000000
الهنوف: ترى مالي شغل بعد زواج اخوك مشعل,,, تجي تخطبني ,, ماعندي عذر اتعذر به
عند اهلي تعبت من رفض الناس الي يتقدموا لي
سعود: خلاص لاتزنين,, انا كلمت امي ,, وقالت لما يتزوج مشعل راح تكلم امك وانشالله
الملكه تكون بعد ماترجع مشاعل من السفر انشالله راح نتزوج
الهنوف: وانشالله اذا مانجحت عمليه اختك ماراح نتزوج
سعود: يوووووه الهنوف ماني عارف كيف ارضيك ,,, اجيك من هنا تجيني من هنا ,, خلاص
انا قلت لك كلمت امي ,, وبعدين لاتتفاولين ع اختي انها ماتنجح عمليتها ,, انشالله تنجح
وترجع احسن من اول
الهنوف: انا ماتفاولت عليها بالشر ,, بس انت كل يوم يطلع لك عذر
سعود: اقول الهنوف باي الحين انا راح انام تعبان
الهنوف: اوكي روح نام بس تاكد ترى ماراح انتظرك اذا امك ماكلمت امي بعد زواج اخوك
ترى اهلي ذبحـــ...
سعود: ادري ذبحوك كل يوم جايك عريس ,, حفظنا الموال,, خلاص الهنوف ماعندك سالفه
غير هذي ,,, خليني اقفل احسن قبل تصير مشكله
000000000000000000000000000000 0000000000000000000000000

الضهر صحى عبدالمجيد وطلب فطور له ولفهده والي كانت صاحيه قبله بساعه ,,, عروس
تبي تكشخ عند زوجها ,,, راحت تحممت ولبست وحطت ميك اب خفيف ,, بس باقي شعرها
لسى ماستشورته خاصه ان شعرها خشن شوي ,,, يبي لها تستشوره ساعه ع الاقل عشان
ينعم خافت تطلع وتستشوره عنده بالغرفه ويشوف شعرها ,, قالت احسن شي استشوره
بالحمام بس مسكينه نست تقفل الباب,, كانت توها في بدايه الاستشوار ,, وكان استشوار
شعرها ع مراحل المرحله الاولى التجفيف وطبعا بعده يكون شعرها كشه تخوف ,, والمرحله
الثانيه الاستشوار ,, المهم بدت تستشور شعرها وخلصت الجزء اليمين وكان ناعم نوعا ما
اما الجزء اليسار كان ليفه
كان عبدالمجيد يجهز الطاوله لها وراح يناديها وحب يفاجاءها ويدخل عليها بالحمام
ولم افتح الباب خاف من شعر فهده
عبدالمجيد: بسم الله فهده ايش في شعرك
هنا فهده كانت ودها تبكي وتقول له اطلع برا بس فكرت ان التصريف احلى شي: هلا حبيبي
بس مين سمح لك تدخل بدون استأذان؟؟؟
عبدالمجيد منصدم: هاه جيت اناديك ع شان تفطري,, بس ماجاوبتي ايش فيه شعرك؟؟؟
فهده ارتبكت : ااااااا .. ايش فيه هذي تسريحه جديده قلت اسويها لك
عبدالمجيد : ايش اسمها هالتسريحه
فهده: اسمها اسمها الفطيره
عبدالمجيد: الفطيره؟؟؟ ليش
فهده عصبت: وانا ايش عرفني ليش سموها كذا؟؟؟
عبدالمجيد: حبيبتي لاتسوين هالفطيره مره ثانيه مو حلوه
فهده : طيب اطلع
عبدالمجيد: تعالي نفطر
وطلعت معاه بالفطيره حقتها ,, وكان طول وقت الفطور يتامل شعرها ومستغرب
فهده في نفسها" لو تدري ان الفطيره طبيعيه لاتسريحه ولا شي"
000000000000000000000000000000 0000000000000000000000000
صحت مشاعل وساره العصر ,,, نزلت ساره تشوف ايش الاوضاع بعد رجعه بندر
كانت امها وابوها جالسين بالصاله
بندر باستهتار : صباح الخير
ساره ببرود: مساء الخير,,, اهلين ماما ((وباست امها ع راسها)) هاي بابا((باست ابوها ع راسه))
بندر: وانا راسي
ساره :لاياشيخ المفروض انت الي تحب راسي توك راجع المفروض تحترمني وتحب راسي
بندر: هههههههههههه تعالي احبه
استغربت ساره معقوله اخوها محترم لهدرجه,, راحت له ع شان يبوس راسها
نزلت راسها ع شان يبوسها ,, سحب شعرها بقوه
ساره تصارخ: اي اي اي فكني ترى تعورني
بندر: مو تبيني ابوس راسك,, هذي بوستي
ساره: خلاص لاتبوسني فكني بس ياكرهك انت وبوستك
ضحك ابوها وامها ع شكلها
ام ساره: اقول سارونه حبيبتي ماصحت مشاعل؟؟؟
ساره: ايه توها صحت
ام ساره : طيب خلي الخدامات يطلعوا لكم الغداء
بندر : اي غدا ماما قولي عشاء
ام ساره: خلهم يسهروا وينبسطوا اجازه ومن متى مشاعل تنام عندنا
000000000000000000000000000000 0000000000000000000000000
بالليل كانت ساره جاهزه وتستنى منال تمرها عشان يروحوا ع المخيم الي عازمتها عليه منال
ساره: ماما ترى بطلع مع منوله
ام ساره: طيب حبيبتي بس لاتطولي
ساره : انشالله ماما
بندر: وين راح تروحوا
ساره: بيت وحده من البنات عازمتنا
بندر: تعرفي هالبنت كويس؟؟؟
ساره: ايه بندر اعرفها من ايام الثانوي
بندر: طيب تبي اوصلك؟؟؟
ساره: لا ماله داعي البنت راح تمرني
بندر: طيب حبيبتي انتبهي ع نفسك واذا احتجتي اي شي دقي علي
ساره: انشالله يله باي البنت تدق
طلعت وركبت مع منال بالجمس وتوجهوا للمخيم
000000000000000000000000000000 0000000000000000000000000
مشاعل: بابا ايش صار ع موعدي مع الدكتور؟؟؟
ابو مشاعل: انشالله بعد زواج مشعل باسبوع راح نسافر
مشاعل: انشالله بابا ,,, طيب انت متاكد منه
ابو مشعل: انشالله ,, انا سالت عنه ويمدحوه
ام مشعل: حبيبتي لاتعتمدي عليه خلي اعتمادك ع الله ,,, هو الشافي والمعافي ,,, اما
هالدكتور انشالله يكون سبب لشفائك
ابو مشعل: صادقه ياأم مشعل
مشاعل بدا الامل يتجدد عندها اخيرا راح تسوي العمليه الي انتظرتها ,,, كان عندها امل
كبير بان الله راح يشفيها
000000000000000000000000000000 0000000000000000000000000
كان عبدالمجيد ماخذ فهده تسلم ع اهله واهلها قبل يسافرون لماليزيا ,,,
وعند اهلها
صالح: هاه شلونتس مع عبدالمجيد عساتس منتيب مزعلته
فهده: اساله هو عني اذا مزعلني انا اختك مو هو
عبدالمجيد: ايه ياصالح تراها تزعلني دايما ,, بس بيوم واحد زعلتني 4 مرات ,,, اجل بكره
ايش راح تسوي
فهده: لا والله انت الي زعلان والا انا ؟؟؟
صالح: بس جعلتس الجني,,لاترفعين صوتس ع رجلتس
فهده قالت خلني اسكت لاياخذ صالح الدعوه جد ويقوم يضربها عند زوجها
ام فهده : ماعليك من بنيتي اصلا انا مربيتها وعارفه انها مره
انصدمت فهده اول مره امها تمدحها
وبعد الزياره الي كانت اعصاب فهده فيها تالفه لانها خافت من صالح يقلل احترامها عند زوجها
واخيرا راح تسافر ولاول مره بحياتها تطلع برا
وفي الطياره
عبدالمجيد: عاد شوفي النقاب لاتشيليه
فهده: لا والله تبيني انزل ماليزيا بعبايه ونقاب بعد
عبدالمجيد: اقول ترى انا رجال في بلدي وفي اي مكان والا الرجوله تتحدد باماكن واماكن لا
فهده: ايش دخل الرجوله؟؟؟
عبدالمجيد: انا اغار عليك ومارضى احد يشوفك,, والرجال رجال هنا او باي مكان
فهده في نفسها" اف طلعت من معقدين وطحت في اعقد"
000000000000000000000000000000 0000000000000000000000000
ساره وصلت اخيرا مع منال للمخيم الي بالثمامه ,, استغربت ساره ان مافيه اثر لاي سياره
او سواق ,,, نزلت مع منال ودخلوا الخيمه,, وبعد ثواني دخل وليد وماجد
ساره انصدمت وخافت وماتوقعت ان منال راح تغدر فيها: وليد ؟؟؟!!!!!
وليد: انا عارف انك مصدومه بس هي جت كذا بدون تخطيط
ساره: لاياشيخ,, وانتي يامنال اهون عليك تسوي هالحركه فيني
منال: سارونه اسمعي انا بصراحه تعبت من وليد ماعنده سالفه الا انتي ولايتكلم الا فيك
ورفض يطلع معاي انا وماجد للمخيم الا وانتي معانا ,, وقلت ماراح يصير شي لو جيتي
معانا ,,, ترى والله سعه صدر راح نركب دبابات ونسوي باربكيو وماراح يسويه الا انتي
ووليد والله راح تنبسطي,, واذا وليد ضايقك او قالك شي يزعلك والله ماراح نسكت له لا انا
ولا ماجد
ساره اتطمنت شوي من كلام منال وبدت تهدا شوي ,, حتى وليد ماحاول يتقرب منها
بعد ماهدا الوضع
منال: ايش رايكم نطلع ع الدبابات
ماجد: يله
منال: ايش رايك سارونه
ساره: اوكي اذا راح تطلعوا انا معاكم ماراح اجلس لوحدي
طلعوا ع الدبابات والي ساره ماتوقعت انها راح تنبسط لهدرجه وبعد ساعه من الهبال قرروا
انهم يبدوا بالباربكيو
وكان الشيف حقهم وليد والمساعده ساره
وليد: تدري انك راح تخربي الباربكيو
ساره: وليش انشالله
وليد: لانه راح يكون بطعم السكر مو الملح
ساره: شلون؟؟؟
وليد : لان يدك الي كلها شهد وسكر مسكت الاكل
ساره استحت من وليد والي كان قريب منها في الفتره الاخيره,, خاصه انها صارت تشوفه
كثير وعن قرب بعكس الشباب الي كانت تعرفهم كان ومجرد الي بينهم شوفه بالسياره وتخب
عليهم ع قوله ساره
000000000000000000000000000000 0000000000000000000000000
مشاعل كانت في غرفتها تفكر ,,, بكل شي مر عليها وكل شي راح تعانيه لو مانجحت
عمليتها,,, استغربت انها بالفتره الاخيره ابتعد خيال طلال عنها وصارت نادر ماتفكر فيه,,
معقوله نسته او كرهته
قطع عليها حبل افكارها الشخص الي دخل غرفتها ,, استغربت لانه اول مره احد يدخل عليها
بدون استاذان
مشاعل: مين؟؟؟
جاها صوت اخوها مشعل: انا مشعل
خافت من نبره صوت مشعل الي كلها شك وزعل ,, وخافت اكثر لما نطق وقال لها
مشعل: مشاعل مين طلال؟؟؟

الجزء السادس عشر
----------------------
مشاعل كانت في غرفتها تفكر ,,, بكل شي مر عليها وكل شي راح يمر ,,, استغربت انها
بالفتره الاخيره ابتعد خيال طلال عنها وصارت نادر ماتفكر فيه,, معقوله نسته او كرهته
قطع عليها حبل افكارها الشخص الي دخل غرفتها,, استغربت لانه اول مره احد يدخل عليها
بدون استاذان
مشاعل: مين؟؟؟
جاها صوت اخوها مشعل: انا مشعل
خافت من نبره صوت مشعل الي كلها شك وزعل ,, وخافت اكثر لما نطق وقال لها
مشعل: مشاعل مين طلال؟؟؟
مشاعل انجنت ايش جالس يقول مشعل وايش عرفه بطلال؟؟؟ الف سؤال وسؤال طرى ع بال
مشاعل, , بس كانت خايفه تناقش مشعل باي شي,, وماتدري ايش يعرف مشعل عن طلال
علشان تقدر تتكلم
مشاعل: ...........................
مشعل: مشاعل انا اسالك مين طلال؟؟
مشاعل: انا الي اسالك مين طلال؟؟؟؟؟؟
مشعل: اظن الورقه الي كتبتيها لساره صاحبتك تاكد معرفتك بطلال
مشاعل خلاص حست انها توهقت لان خطها ع الورقه ومافيه اي مجال للكذب
مشاعل : مو من حقك يامشعل تفتح حاجه خاصه ,,, اظن كل شخص عنده اسراره
مشعل بصراخ : لك وجه يامشاعل تردي ,, انا انتظر منك تفسير للرساله وابي اعرف مين
طلال هذا وايش سوا لك علشان تنتحري
مشاعل تبكي: مشعل مالك شغل فيني ,,, وطلال مو مثل انت مفكر ,,, طلال ماتربطين فيه اي
علاقه ,, وانت فاهم الموضوع غلط
مشعل يحاول يهدا: اوكي ممكن تفسري لي الموضوع
مشاعل: ماراح افسر لك شي,, وبعدين باي حق تفتح الرساله
مشعل: بعد مادخلتي المستشفى رحت لغرفتك ادور نوع الحبوب الي اخذتيها ع امل اني لما
اعرف النوع هالشي راح يساعدك ,,, وشفت بالصدفه هالرساله ,, واحتفظت فيها بدون
مااقراها وكنت ناوي اسلمها لساره,,, لكن نسيت موضوعها ,,, ومن شوي طاحت يدي عليها
واستغربت وجود هالورقه بغرفتي ونسيت انها لك وفتحتها ,,, ولما قريتها تفاجات باللي
قريته,, مشاعل انا اطالبك بتفسير الحين
مشاعل: مالك شغل فيني تفهم يامشعل ,,, انا عمري ماتجسست عليك
مشعل: اوكي انتي حره ,, بس انشالله تلقي تفسير لابوي
طلع وخلاها
مشاعل تصارخ: لاااااااا مشعل الله يخليك الا بابا مشعل تعال ,, ,مــــشــــعـــل
انسدحت ع السرير وبكت باعلى صوتها" اكرهك ياطلال اكرهك,, كل الي انا فيه بسببك ,,
حرام عليك ايش سويت لك,, كل هذا علشان حبيتك بصدق,,, اكرهك اكرهك اكرهك......"
000000000000000000000000000000 0000000000000000000000000
كانت ساره في الطريق للبيت لما دق عليها بندر للمره الخامسه
ساره في نفسها" اف وهذا اول يوم يرجع فيه كل شوي داق وينك ومتى راح ترجعي اجل اذا
جلس اسبوع ايش راح يسوي"
رجعت ساره للبيت وكانت مبسوطه مره ,,, ووعدت وليد انها تطلع معاهم لما يطلعوا
بالدبابات بالعليا
لما دخلت البيت كانت الساعه 2 طبعا كانت امها نايمه وابوها سافر كالعاده,,, طلعت غرفتها
وفي الطريق قابلت بندر
بندر: هلا سارونه
ساره: هلا والله
بندر: ماتلاحظي انك تاخرتي شوي
ساره: لا عادي اصلا انا وصاحباتي مانرجع الا هالوقت
بندر: معقوله ياسارونه حبيبتي انتي بنت ناس ومو زين كل يوم ترجعي 2
ساره: لا انا ماطلع معاهم كل يوم ,, مره بالاسبوع
بندر: لا مو مشكله اطلعي كل يوم,,, بس انا ارجعك اذا الوقت متاخر ,,, بصراحه اخاف
عليك ترجعي بهالوقت
ساره: لما كنت برا تدرس,,, كنت ارجع متاخره والحمدلله ماصار لي شي
بندر: مو كل مره تسلم الجره,, واذا انا موجود ليش مااهتم فيك
ساره: تسلم بندر بس انا ماحب الخنقه خلني ع راحتي واذا قصدك خايف اني اسوي شي غلط
تاكد اني مستحيل اسوي شي يزعلكم
بندر: لا ياسارونه عمري ماشكيت فيك ,,, بس انا خايف عليك
ساره: تسلم بس مايحتاج انا اعرف كيف انتبه ع نفسي
بندر: عموما ماودي اضغط عليك اكيد انتي تعبانه وودك تنامي ,,, خاصه بعد الباربكيو الي
سويتيه
ساره انجنت كيف عرف : كيف عرفت؟؟؟
بندر: ريحتك باربكيو هههههههههههه
ساره ارتاحت: ايه اليوم سوينا باربكيو انا والبنات وطلع جنان
بندر: حلو اذا تعرفي تسوي,,, ايش رايك بكره نطلع انا وانتي وماما ونسوي باربكيو ونروح
نطعس واخليك انتي الي تطعسين بنا ههههههههههه
ساره فرحت: ايه بندر يله بكره ايش رايك
بندر: من عيوني
ساره: تسلم عيونك
بندر: سارونه ودي اكلمك بموضوع يخص صاحبتك مشاعل
ساره استغربت ايش الموضوع الي ممكن بندر يكلمها فيه: ليش صاير شي
بندر: لا بس انتي قلتي لي انها مااستشارت اي دكتور غير واحد,,, وفيه دكتور الماني مره
كويس وهو رئيس قسم الاطباء في مستشفى معروف بالمانيا راح يجي هنا بعد فتره ايش
رايك احجز لها عنده
ساره ابتسمت: والله اشوف اهتمامك زايد بميشو ,, ايش صاير سكنت القلب ههههههههههه
بس كنت بسالك بكم الشقه بقلبك ,, ودي اخذ لي شقه ولامي شقه قبل ميشو ماتكوش ع كل
شي
بندر: ههههههههههههه ,,, اي شقه واي فله ,, ,انا ماعندي الا دبلوكس هههههههههه
ساره: ههههههههههههههههههه
بندر : سارونه حبيبتي مو معنى اني اساعدها يعني حبيتها ,,, لاسارونه انا مقهور عشانها
لانها توها بشبابها وودي اسوي شي لها
ساره: عموما انا راح اقول لها ونشوف
بندر: اوكي لما تقولي لها وتوافق عطيني خبر عشان اعرف متى راح يكون هنا وانسق معاه
ساره: انشالله
000000000000000000000000000000 0000000000000000000000000
صالح كان مقفل انوار الغرفه ويستعد للنوم لما دق موبايله وعصب ع الي داق بهالوقت
صالح: نعم
ساره بنعومه: هاي صلوحي
صالح تلخبط اول مره بنت تفكر تكلمه: هلا والله
ساره : كيفك صلوحي؟
صالح :الحمدلله من انتي؟؟؟
ساره : اول الناس يقولوا كيفك مو علطول ((تقلد صوته)) مين انتي
صالح : ايه صح ,,, شلوتس؟؟؟
ساره تغمض عيونها وكانها شافت شي مقرف ((يالله حتى اسلوب ماعنده)): تمام,, تدري
صلوحي وحشتني مرررره<-- الراء حقتها دوخت صالح
صالح: من انتي؟؟؟؟
ساره: انا وحده من بنات جيرانكم معجبه فيك مرره ومن زمان ادور رقمك واخيرا قدرت
اجيبه بليز صلوحي لاتقول انك ماتبيني ترى اقتل نفسي ,,, صلوحي بدونك حياتي ماتسوى ,,
احبك ,,,صلوحي انت النور بحياتي ,,, صلوحي بليز لاتتركني
صالح مو مصدق نفسه معقوله بنت بهالدلع تدق عليه وتترجاه يكلمها اكيد يحلم
صالح: ياويلي ع الصوت يلعن ابو الي يقفل وهو يسمع هالصوت يالمزيونه
ساره كانت ودها ترجع الاكل من القرف الي حست فيه: صلوحي لاتفكر انك تبعد عني ترى
راح اقتل نفسي
صالح: وانا مجنون ياويلي بس عليتس يالزينه ,,, اروح فدى مواطي رجليتس
وكانت مكالمه ساره وصالح ربع ساعه كانت ساره ع اعصابها تبي تقفل لان صالح مو من
ستايلها ابدا ,,, اما صالح كان في قمه الوناسه ,, بنت نعومه تدق عليه ,,, وتتغزل فيه,,
وميته عليه,, وفوق هذا هي الي تدق عليه يعني ماراح يتخسر
ساره بعد ماقفلت " الله ياخذه مصدق نفسه هالشين ,,, ع باله اني ميته عليه,, كلها يومين
واخليه يسوي الي في بالي وبعدها راح اسحب عليه"
000000000000000000000000000000 0000000000000000000000000
مشاعل كانت تبكي بجنون ع الي صار ,,, وتذكرت اليوم الي تركها طلال فيه ,,, لما بعد
عنها طلال جتها المشاكل ,,, كان ودها تدق عليه وتقوله ايش كثر تكرهه
راحت لتلفون الصاله ودقت ع ساره
مشاعل : ساره لاكون صحيتك
ساره: لا حبيبتي لسى ماراح انام الحين
مشاعل: هاه كيف الدي جي؟؟؟
ساره: مره يجنن فاتك,, بس ميشو ايش في صوتك؟؟؟
مشاعل: سارونه مشعل اخوي عرف كل شي عن طلال
وقبل لا تكمل كلامها دخل مشعل واخذ السماعه منها,, ماتدري كم له جالس يسمعها ,,
اخذ السماعه وسكت ع امل ان ساره تتكلم ويعرف عن طلال اي شي
000000000000000000000000000000 000000000000000000000000
ساره خافت ع مشاعل لانها حست ان فيه شي كبير وخاصه ان اخوها مشعل اخذ التلفون
وتكلم قررت تروح مشاعل اول ماتصحى ,, تبي تعرف ايش صار معاها
000000000000000000000000000000 0000000000000000000000000
مشاعل طلعت غرفتها وبكت ,,,, ليش كل هالمشاكل تصير لها ,, علاقتها مع اخوها بدت
تدهور والسبب هو ,, دايما هو السبب بكل شي مو حلو صار لها
حاولت تنام ماقدرت وكان الارق هو نصيبها بهالليله المشئومه
تذكرت طلال بموقف صار معاها
طلال: حبيبتي ميشو اليوم مافيه طلعه من البيت
مشاعل: ليش حبيبي؟؟؟ صاحباتي راح يزعلوا انا وعدتهم اني راح اجي
طلال: اليوم الشوارع زحمه وخايف احد يضايقك وانا مقدر اجي اوصلك لاني معزوم
مشاعل: طيب وربي اغطي,, ومااخلي احد يطالعني
طلال: قطوتي اذا تبي تزعليني روحي,, حبيبتي وربي اغار عليك ماودي احد يشوف حتى
خيالك ,,, احس ودي اقفل عليك بمكان وماتطلعي ابد ولا احد يشوفك غيري
مشاعل: طلال
طلال: لبيه ياعيون طلال
مشاعل: احبك
طلال:.......................
تذكرت غبائها طلال عمره ماقال لها انه يحبها,, شلون ماحست انه يمثل عليها
000000000000000000000000000000 0000000000000000000000000
ساره الضهر كانت تلبس عشان تروح عند مشاعل تبي تعرف ايش صار معاها
وهي نازله كانت امها وبندر بالصاله
ساره: هاي ماما هاي بندر
ام ساره: هلا حبيبتي
بندر: هاي سارونه,, لابسه عبايتك وين طالعه؟؟؟
ساره: ايه والله رايحه ميشو تعبانه وودي اروح اشوفها
بندر بدا عليه الاهتمام: ليش سلامتها ايش فيها
ساره : والله مدري بروح اشوف ايش فيها
ام ساره: طيب حبيبتي تغدي قبل تروحي
ساره: لا ماما راح اتغدى عند ميشو
بندر: طمنينا عليها
ساره : انشالله يله باي
بعد ماطلعت ساره
بندر: ماما ماتلاحظي ان ساره طلعاتها كثيره
ام ساره: حرام عليك اعز صاحبه لها تعبانه وماتبيها تروح لها
بندر: لاانا ماتكلم عن اليوم,, بس من اول مارجعت وهي كل يوم طالعه
ام ساره: هذي بنتي وانا مربيتها وادري انها ماتسوي شي غلط ,, وبعدين انا ماحب اعقد
بنتي بعدين تنحرف
بندر: ماما مساله اننا نخاف على ساره,, هذا مو معناه اننا نعقدها,, يمه الناس ماترحم ,,,
والناس ماعليهم الا من الظاهر
ام ساره: والله يابندر انت غريب الي اعرفهم يروحوا يدرسوا برا يجوا متفتحين وانت
العكس
بندر: يمه لاتنسي اني شاب مسلم ,,, وانا اغار ع اختي
ام ساره: يوووووووووه بندر اختك ماسوت شي غلط ,, وخلاص فكنا من هالموضوع
000000000000000000000000000000 0000000000000000000000000
كانت ساره في بيت مشاعل وبالتحديد بالصاله
ام مشعل: هلا والله وغلا ساره
ساره تطمنت شوي ع الاقل ام مشعل مو مبين عليها حاسه بشي: هلا خالتي
ام مشعل: شلونك وشلون امك
ساره: الحمدلله تسلم عليك
ام مشعل: الله يسلمها ,, بس الله يهديها امك انا زعلانه منها
ساره: ليش خالتي؟؟
ام مشعل: مافكرت تجي تمرني والا تقول اسير؟؟؟
ساره: والله هي مشغوله هاليومين خاصه ان اخوي بندر لسى جاي من السفر,, بس انشالله
راح نجيكم
ام مشعل: ماشالله اخوك بندر وصل؟؟؟
ساره: ايه خالتي
ام مشعل: الحمدلله ع سلامته
ساره: الله يسلمك
ام مشعل: عاد بنعزمه بمنسابه وصوله من السفر ,, وماعلي من امك لو اجيب عشاي لبيتكم
ساره: الله يحييك ياخالتي
ام مشعل: صاحيه امك والى نايمه يابنيتي؟؟؟
ساره: لا ماما صاحيه لما جيت
ام مشعل: اجل بدق عليها اتحمد ع سلامته اخوك بندر
ساره: الله يسلمك ,, خالتي مشاعل صاحيه والا نايمه
ام مشعل: والله اظاهر انها نايمه ,, بس اطلعي لها انتي مو غريبه
ساره : اوكي خالتي مع السلامه
ام مشعل: مع السلامه
000000000000000000000000000000 0000000000000000000000000

كانت مشاعل منسدحه ع السرير والي من امس ماقدرت تنام الا ساعه وحده ,,,
سمعت احد يدق ع الباب خافت يكون مشعل
مشاعل: مين؟؟؟
ساره: انا ساره
مشاعل فرحت : تعالي سارونه
لما دخلت ساره تفاجات بشكل مشاعل والي تعودت عليها دايما تكون مرتبه ,, كان شكلها
محيوس وتحت عيونها هالات سوداء
ساره: مشاعل ايش صاير
مشاعل بكت لما سمعت ساره: سارونه الحقيني مشعل عرف موضوع طلال
ساره : كيف عرف؟؟؟
مشاعل حكت لساره موضوع الرساله الي كتبتها لساره قبل تاكل الحبوب
ساره مسكت راسها: يا الله ياميشو تتوقعي يقول لابوك
مشاعل تبكي وكان بكائها يقطع قلب ساره : ماعرف انا خايفه مره ,,, سارونه ساعديني مالي
الا الله ثم انتي,, سارونه انا خايفه
ساره: طيب لاتخافي هدي نفسك,,, طيب واذا عرف ,, اصلا علاقتك بطلال انتهت يعني من
ايش تخافي,, خليه يسوي الي يسويه
مشاعل: بس ساره امس هددني انه راح يطلع فواتيري كلها وراح يجيب رقم طلال
ساره: خليه يجيبه ,,, خلاص ميشو علاقتكم انتهت في ستين داهيه
مشاعل: لا سارونه انا خايفه ع مشعل ,,, ادري طلال يقدر يضره مثل ماسوى فيني ,, طلال
ماعنده قلب وممكن يسوي اي شي
ساره: ميشو مدري ايش اقول لك ,,, بس انشالله ماراح يوصل الموضوع لهدرجه خاصه ان
مشعل اخوك ايش راح يقول لطلال ليش تكلم اختي؟؟؟ مستحيل ياميشو,, صدقيني مشعل راح
ينشغل بزواجه عنك
مشاعل: تتوقعي؟؟؟
ساره: لا انا متاكده انتي بس لاتشيلي هم
مشاعل : الله يسمع منك
000000000000000000000000000000 0000000000000000000000000
ام مشعل كانت تكلم ام ساره
ام مشعل : هلا ام بندر
ام ساره: هلا والله ام مشعل كيفك؟؟؟
ام مشعل: بخير الله يسلمك,, انتي بشري عنك؟؟؟
ام ساره: والله الحمدلله
ام مشعل: ايش دعوى يام بندر ,, يوصل بندر من السفر ولا ادري,, ع الاقل نتحمد له ع
السلامه
ام ساره انحرجت : والله السموحه ياام مشعل لهيت مع الولد,, تدري اني ماشفته من الصيف
الي فات
ام مشعل: قرت عينك
ام ساره: بنبيك
ام مشعل: الحمدلله على سلامته
ام ساره: الله يسلمك
ام مشعل: والله توني اعرف من ساره ,, بس ترى العيال بيكلموا بندر ,, نبي نعزمه ع
العشاء وتعالي انتي وساره ,, وانشالله ابو مشعل بيكلم ابو بندر
ام ساره: والله ابو بندر مسافر وماراح يرجع قبل شهر,, بس ياام مشعل والله ماله داعي
هالعزيمه انشالله نجيكم انا وساره يوم نتقوى عندك ,,, بس ماله داعي الكلافه والعشاء
ام مشعل: لا يام بندر ترى قدر بندر عندنا غالي بغلات عيالي والله ,, مالي شغل فيك ,,
العيال بيكلمون بندر انشالله ,, ان كنتوا فاضين بكره ع العشاء
ام بندر: الي تشوفوه
ام مشعل: الله يحييكم انشالله
000000000000000000000000000000 0000000000000000000000000
ساره هدت مشاعل ورجعت لبيتها,,,واول مادخلت لقت بندر يستناها
بندر: هاه سارونه كيف مشاعل الحين؟؟؟
ساره: الحمدلله احسن
بندر: ليش ايش كان فيها
ساره: تعب بسيط والحمدلله هي احسن
ومع السوالف عرفت من بندر ان مشعل دق عليه يعزمه على العشاء وانهم كلهم معزومين
على العشاء في بيت مشاعل
بندر: سارونه قلتي لمشاعل عن موضوع الدكتور؟؟؟
ساره: لا والله نسيت
بندر: انا محرصك انك تقولي لها وبعدين ساره؟؟؟
ساره: قلت لك اني نسيت المهم بكره انشالله اقول لها
طلعت ساره غرفتها تنام
دقت على منال
منال : وينك اليوم مختفيه؟؟؟
ساره: كنت مشغوله شوي
منال: وليد عندي يبيك
وليد: هلا سارونتي
ساره : هلا حبيبي
وليد : وحشتيني موووووووووت
ساره: وانت اكثر
وليد يعاتبها: وينك اليوم كنت مره قلقان عليك
ساره: كنت والله مره مشغوله
سمعت خط جاها كان صالح اخو فهده يدق ,, ودق دقه وقفل
ساره في نفسها" بعد دقه ويقفل ,,, الله يصبرني عليك لما اخلص من موضوع طلال"
وليد: الو
ساره انتبهت له: هلا معاك
وليد: وين معاي لي ساعه اكلمك
ساره: خلاص وليد بلا دلع
وليد : انا زعلان
ساره: اسفه
وليد: لا مايرضيني الا اني اشوفك
ساره : اوكي حبيبي اصلا مقدر ارفض لك طلب
وليد: ياحبيبتي ,, سارونه بكره راح نطلع انا وماجد ومنال نتمشى ,, ايش رايك تروحي معانا
ساره: اوكي
وليد: عمري بس نبيك تلبسي شماغ وثوب راح نطلع ندور
ساره حست بالاثاره: واو طيب ماعندي ثوب وشماغ من وين اجيب
وليد: ولا يهمك احنا راح نجتمع عند منوله واجيب معاي ثوب وشماغ لك
ساره :بس لحظه ابي سكسوكه
وليد :هههههههههههه ولايهمك ونحط لك شنب ابظاي بعد ع قوله السوريين
ساره ماتت ضحك وتحمست مره: هههههههههه الله فله متى يجي بكره
تذكرت ان بكره اهل مشاعل عازمينهم: اووووه لحظه وليد بكره انا معزومه مع اهلي مقدر
وليد: خلاص ولايهمك راح نخليها بعد بكره ع شان خاطرك
000000000000000000000000000000 0000000000000000000000000
باقي اسبوع ع زواج مشعل ,,, وماكان بين مشاعل ومشعل اي احتكاك ,,, كان يتحاشى
يكلمها او يسلم عليها ,,, كان ودها تروح تتكلم معاه ,, ع الاقل توضح الامور,, ماودها
يتزوج وهو زعلان عليها
كانت تلبس لان اهل ساره راح يجوهم
اما سعود كان مشغول بالذبيحه الي وصاه ابوه عليها,, طبعا ذابحين قعود ع شان رجعت
بندر بالسلامه,, كان بندر علاقته باخوان مشاعل رسميه نوعا ما ,, نادر مايشوفهم,,, بس
بحكم ان ام مشعل انسانه اجتماعيه ,, كانت ماتترك احد الا عزمته وتعرفت عليه
دق موبايل سعود
سعود: هلا هنوفتي
الهنوف: هههههههه ايش هالاصوات الي عندك ,,, اصوات مبعات
سعود: ياعيني ع الامبعات خليك حرمه وقولي خرفان
الهنوف: وليش عندك مبعات
سعود: رايح اصور معاهم ,,, اكي رايح اشتري مبعه ع قولتك
الهنوف: ايش تبي بالمبعه؟؟
سعود: رايح اتعطر بريحتها,, يعني ايش ابي فيها؟؟؟
الهنوف: ياي اكيد ريحتك الحين خرفان
سعود: الله ياهنوفتي اذا تزوجنا انشالله بروح سوق الغنم واجيك واضمك واقول لك احبك
الهنوف:هههههههههههه اصلا ماراح ادخلك بيتي وانت بهالريحه
سعود: كويس الي قلتي لي علشان مااكتب البيت باسمك انتي ماتنضمني
الهنوف: هههههههههههههه ,, ماقلت لي ايش تبي بالخروف
سعود: اليوم عندنا ضيوف
الهنوف: مين هالضيوف؟؟؟
سعود: اخو صاحبه اختي توه واصل من السفر وعازمه الوالد
الهنوف: اها ,,, طيب اصحى تاكل من الخروف ,, ترى ماحب اللحم
سعود: الا باكل لما اشبع,, تدري ايش احلى شي احب اكله بالخروف
الهنوف : ايش؟؟
سعود يبي يقرفها : العيون,, امممممممممم اموت فيها طعمها يجنن تحسينها تذوب بفمك
الهنوف : ووووووووووووووووووووووووووع ياوصخ يامفترس باي
طوط طوط
سعود مات ضحك على الهنوف : صدق البنات خكاريه هههههههههههههههههه
وحب يقهرها اكثر وارسل لها مسج
" حبيبتي ترى انا مقدر ارد عليك لاني الحين رايح اذبح الخروف بيدي وبعدين اصلخه
واتلذذ بشكل الدم اممممممممم انه لذيذ"
000000000000000000000000000000 0000000000000000000000000
كانت ام ساره وساره وام مشعل ومشاعل بمجلس الحريم
اما بندر ومشعل وسعود وابو مشعل جالسين بمجلس الرجال
ابو مشعل: الا مشعل الماستر الي اخذتها باي مجال
بندر: اداره اعمال
ابو مشعل: ماشالله,, وين ناوي تشتغل
بندر: انشالله اعمال حره ,,,لاني ماحب ارتبط بوظيفه ,,, وخاصه ان الراتب ماراح يعيشني
العيشه الي انا ابيها ,, حبيت ابدا باعمال خاصه فيني
مشعل: وايش نوع الاعمال الحره الي ناويها ,, يمكن نقدر نسوي لك دعايه هههههههه
بندر: هههههههه ,, اذا دعايه مجانيه اوكي
ابو مشعل: هههههههههههههه اجل اذا بتتبع هالاسلوب انشالله كلها سنه وراح تطلع من
اشهر رجال الاعمال
بندر: اي اسلوب
مشعل: القعط((البخل))توك تبيني اسوي لك دعايه بدون فلوس
كلهم:هههههههههههههههههههه
000000000000000000000000000000 0000000000000000000000000
في مجلس الحريم
ساره بهمس: ميشو يسلم عليك اخوي بندر
مشاعل: يسلم علي انا؟؟؟
ساره: ايه وذبحني كل يوم يسال عنك
مشاعل استغربت: الله يسلمه
ساره: ترى شكلك سارقه اخوي
مشاعل استغربت غموض ساره: سارقه من اخوك؟؟؟ ايش سرقت منه
ساره اشرت على قلب مشاعل: هذا
مشاعل انحرجت من مزح ساره الثقيل: سويره
ساره: اف مليت منك انتي وياه ماعندكم الا سويره ,,, اذا سال عنك وماعطيته وجه يقول
سويره بلا بياخه انتي عارفه اني ما انام لحد مااسمع اي اخبار عن ميشو((هذي زياده من
ساره))
مشاعل انصدمت: ساره ترى هالمواضيع مافيه مزح
ساره : وربي ماامزح ,,, ذبحني كل يوم يسال عنك,,, شكلك راح تحرميه من العزوبيه
مشاعل انحرجت من كلام مشاعل
ساره سكتت لما دق موبايلها وكان الي يتصل بندر, استغربت ايش يبي وهو في المجلس
ساره: ميشو جبنا طاري القط جاء ينط,,, هذا بندر دقيقه راح ارد عليه
ردت ساره على بندر
ساره: هلا بندر
بندر: وينك ؟؟
ساره: يعني ويني بالمريخ انا بنفس البيت الي انت فيه,, والا فقدت الذاكره,, ((وطالعت
مشاعل بخبث لانها حست انها جالسه تسمعها))والا علشان انت في بيت حبيبه القلب نسيت
الدنيا))
مشاعل تاكدت ان كلام ساره مو كذب واستغربت ايش ممكن يخلي شاب مثقف ولسى راجع
من السفر والف بنت تتمناه يفكر فيها هي بالذات,, وتذكرت شكله لما كانت ساره توريها
صور لبندر,, كان وسيم ,,, ومافيه شي يعيبه
بندر: اقول ابو محمد لا تنسي الموضوع الي قلت لك
ساره: مين ابو محمد,, اها عندك الرجال وماتبيهم يعرفوا انك تكلمني,, ماعلينا ايش
الموضوع الي ماتبيني انساه
بندر: اي موضوع الله يهديك ,, الي اتفقنا انك تقوله للرجال
ساره عرفت قصده بس حبت تستهبل ترفع ضغطه: انا ماعندي رجال ماعندي الا ميشو
بندر: ايه هذا هو ,, لاتنسى تقول له عن الموضوع الي قلت لك عليه
وقفل
ساره تتنهد:ااااااااااااااااه ياحلو الحب
مشاعل : اي حب؟؟؟
ساره: ابد فيه واحد داق علي وهو في بيتكم يبي يتطمن عليك
مشاعل: سويره تعالي نجلس مع خالاتي ,, انتي ماعندك سالفه
ساره: ميشو ابيك بموضوع كلمني فيه بندر
مشاعل خافت ايش الموضوع الي ممكن يربط بندر فيها: ايش؟؟؟؟
ساره: ممكن نروح غرفتك
000000000000000000000000000000 0000000000000000000000000
كان بندر معاهم ومو معاهم يفكر بمشاعل ,, وكان حاسد اهلها على هالبنت الي تمنى انها
تكون معاه طول العمر ,,, حس انه وده يكسر الجدار الي يفصلهم ويكحل عيونه بشوفتها
000000000000000000000000000000 0000000000000000000000000
كانت ساره ومشاعل بالغرفه
ساره: شوفي ميشو بندر موصيني اقول لك عن دكتور الماني مره كويس ,, يقول انه رئيس
اطباء بمستشفى مشهور مره بالمانيا ,,, وان الدكتور مره شاطر,,,, وانه قريب راح يجي
هنا ,, ويبي يحجز لك بندر عنه
مشاعل تفاجئت ليش بندر مهتم فيها لهدرجه: بس غريبه ليش اخوك مهتم بهالموضوع
ساره: والله تبي الحقيقه مدري عنه,, بس ياميشو انتي اعز صاحبه لي ومقدر اخبي عنك شي
حسيت اخوي لما شافك صار يهتم فيك اهتمام مو طبيعي لدرجه انه يسالني عنك اكثر من
مره باليوم,,, ومن فتره وهو قايل لي عن هالدكتور,,, بس بصراحه انا نسيت,,, المهم ايش
اقول له ترى ذبحني كل يوم يفتح معاي نفس الموضوع
مشاعل: ماتوقع ياساره ,, لان ابوي حجز لي عند دكتور ,,, وماودي اتشوش بين دكتورين
عموما اشكري بندر اخوك بالنيابه عني ,,, وجد مدري ايش اقول لك,, انا مقدره له اهتمامه
بس اسفه انا عطيت ابوي كلمه
ساره : طيب ايش راح يضر لو استشرتي دكتورين؟؟؟
مشاعل: سارونه انا اسفه بلغي اخوك اني مقدر ,,, سارونه مابيني وبين اخوك حاجه نخليني
اقبل ,,, بس جد انا شاكره له
ساره انقرت من مشاعل: ميشو لاتصيرين غبيه ,, اعتبريني انا الي عارضه عليك هالعرض
مو بندر,, معقوله ترفضي هالعرض عشان ماتعرفي بندر؟
مشاعل: لا بس انا خلاص سفرتي بعد اسبوعين ,, ماله داعي اعطي اخوك كلمه بعدين اسافر
ساره: عموما انتي براحتك ,,, هذي حياتك وانتي حره فيها ,,,, بس تذكري ياميشو ترى
العرض موجود اذا تبي اي وقت اقول لبندر من عيوني
000000000000000000000000000000 0000000000000000000000000
بندر كان مع امه وساره بالسياره
بندر: هاه سارونه قلتي لمشاعل عن الموضوع الي قلت لك
ساره: اها
بندر: طيب؟؟؟ وبعدين ايش قالت؟؟؟؟
ساره: رفضت
بندر تغيرت ملامحه: ليش؟؟؟
ساره: تقدر تسالها , بصراحه تعبت وانا اقنعها تقول ماله داعي لان ابوي راح يوديني برا
اتعالج
بندر: بس ماراح يضرها انها تكشف عنده
ساره: والله ايش اسوي لها تعبت معاها
000000000000000000000000000000 0000000000000000000000000
مشاعل كانت بغرفتها تفكر بكلام ساره ,,, واهتمام بندر المفاجئ بها,,, غريبه ايش الي خلاه
يفكر فيها ,,, كانت صاحبه ساره من كانوا صغار ايش معنى الحين يهتم فيها
مشاعل بنفسها" وين راح تفكيرك يامشاعل , اكيد الاحساس الي يحس به الشفقه ,,, انا
بالنسبه له بنت تحتاج مساعدته,, ومستحيل اسمح لاحد يشفق علي,, مستحيل,, وين راح
تفكيرك يامشاعل ؟؟؟ ممكن تتخيلي انك تنحبي او تحبي,,, مستحيل احب لاني مقدر اشوف
الانسان الي راح احبه,, ومستحيل اني انحب لاني ببساطه مقدر اقدم للانسان الي يحبني اي
شي كيف خطر على بالي انه ممكن يكون معجب فيني "
000000000000000000000000000000 0000000000000000000000000

في بيت ساره
ساره كانت في غرفتها تكلم صالح
ساره: اقول صلوحي ودي اطلب منك خدمه
صالح: يلعن ام الي مايسويها لتس ,, انتي اطلبي بس
ساره: حبيبي فيه واحد يهددني انه راح يفضحني عند اخوي
صالح عصب: وينه عطيني مكانه وانا اوريتس فيه,, اذا ماشوهت وجهه ماكون صويلح
ساره: لالا انا مابي اشوهه,, ابي ادخله السجن
سكتت تنتظر رده فعل صالح
صالح: ايش تبي القضيه بس ,,, قتل ,,, مخدرات ,,, سرقه,, اشري بس
ساره ماتوقعت انه مجرم لهدرجه علشان كذا لما فهده تجي الجامعه وجسمها ازرق اكيد من
ضربه باين عليه متوحش ومجرم زين الي ماقتلها للحين
ساره: لا ابيه يدخل السجن بقضيه مخدرات
صالح: ايش سيارته؟؟؟؟ ووين القاه
ساره: شوف انا راح اوصف لك المؤسسه حقته واقول لك السياره وعليك الباقي
صالح خاف: عنده مؤسسه
ساره خافت صالح يغير رايه: لا لا مو مؤسسته ,,, هو يشتغل فيها
صالح: وايش سيارته؟؟؟
ساره: بنتلي
صالح: ايش بنتلي ذي؟؟؟؟
ساره: نوع من انواع الروز
صالح: روز ,, من هذا الولد اذا كان ولد ناس فكينا ترى انا مو قد عيال الناس
ساره كانت تعطيه جوه : لا انت قدهم لاني اعرف انك رجال وقدها ,,, ولو عندي شك
برجولتك ماطلبت منك هالطلب,, بعدين هو مو ولد ناس ولاشي ,, اما السياره صاحب
المؤسسه هو الي عطاه هالسياره
صالح: حلو طيب وين مكان المؤسسه ,,, ومتى نبدا الشغل ووين البضاعه
ساره: صلوحي ودي انت تدبر لي البضاعه وترى ماعندي الا 2000 يعني دور لي شي على
قد المبلغ الي معاي
صالح: ولا يهمك ,, انشالله بكره بالليل ارد لك
ساره: خلاص اتفقنا لاتنسى لاني هالاسبوع ابي كل شي خالص
سكتت لما سمعت احد يطق على باب غرفتها
ساره: مين
بندر: انا بندر
ساره بهمس: اوكي صالح بكره اكلمك اخوي جاء
فتحت الباب لبندر
بندر: مانمتي
ساره: لا لسى
بندر: سارونه كنت ابي اكلمك شوي
ساره : تعال ادخل
دخل بندر وبدوا يتكلمون على موضوع السفره لايطاليا
بندر: انا ماتوقع اروح معاكم هالصيف
ساره: ليش بندر
بندر: يعني اشغال
ساره: حرام بندر والله وناسه تعال معانا
بندر: يمكن الحقكم بعدين
ساره: ياليت بندر حسافه ماتجي معانا
بندر بتردد: سارونه كنت بسالك عن مشاعل
ساره تطالعه بتفحص: ميشو ,, ايش فيها
بندر: لو .... امممم .. ماعرف شلون اقولها لك... بس ممكن اكلم صاحبتك مشاعل
ساره انصدمت من جرات اخوها : بندر ترى انت جالس تتكلم عن صاحبتي؟؟؟
بندر: لاتفهميني غلط,, انا مو قصدي ان يكون بيننا علاقه,,,انا ودي اقنعها بموضوع الدكتور
بصراحه متضايق علشانها ومو قادر انام
ساره : بس بندر ماتوقع ترضى تكلمك,, بعدين هي ماعندها موبايل,, كيف راح ادق عليها
بندر: طيب بكره كلميها وقولي لها اني ابي اكلمها حاس اني اقدر اقنعها
ساره بنظره خبث : بندر متاكد انك تبي تكلمها بس علشان الدكتور
بندر ارتبك: ساره ترى ماحب هاللهجه
000000000000000000000000000000 0000000000000000000000000
كانت ساره تلبس لانها راح تطلع مع منال ووليد وماجد يتمشوا,, خافت من بندر لانه اكيد
راح ينشب لها مثل كل مره يشوفها طالعه
وحمدت ربها انه ماكان موجود,, استأذنت من امها وطلعت
وهي في الطريق لبيت منال قررت ترحم حسين وترد على مكالماته
حسين: سارونه والله انك بايخه ,, انتي عارفه اني قلقان على ميشو ولا تردي علي
ساره: ايش تبيني اسوي ماعندي الا انت؟؟؟
حسين: سارونه تكفين خليها تكلمني اليوم
ساره: ميشو اكتشفها اخوها مشعل انها تكلم طلال
حسين منصدم: شلوووووووووووون؟؟؟؟؟؟؟؟؟
ساره: كانت كاتبه لي رساله لما كانت في المستشفى ومن ظمن الرساله مذكور اسم طلال
وطبعا قراها مشعل
حسين: مسكينه وايش سوت؟؟؟؟؟؟؟؟؟؟؟
ساره: اخوها صار يشك فيها مره
حسين: طيب طلبتك سارونه روحي عندها ابي اسمع صوتها
ساره: انا مشغوله انشالله بكره امرها
حسين: وعد
ساره : انشالله
ووصلت ساره لبيت منال وشافت السياره الي ياجروها وليد وماجد داخل البيت وكانت مظلله
كلها
دخلت وقالت لسواقها يمرها 12 بالليل
لما دخلت لقت وليد ينتظرها
وليد: هلا والله بحبيبه قلبي
ساره استحت: هاي حبيبي
منال تطل على ساره وكانت لابسه ثوب وكان ماجد مشغول يرسم لها السكسوكه
ماجد: ياحماره قلت لك لاتتحركي كذا ماراح اضبطها لك
منال: طيب لاتصارخ
ساره ووليد: هههههههههههههه
وليد يبتسم : هاه حبيبتي مستعده للتنكر
ساره مستحيه: اوكي
وليد عطاها ثوب: اكيد راح يكون كبير وطويل عليك بس مشي الحال انتي ماراح تنزلي من
السياره
ساره: اوكي ثواني
دخلت غرفه وغيرت ,, وطلعت لهم وهي بالثوب بس كانت متعذبه مو عارفه تلبس الشماغ
منال : الله شكلك خطير
ماجد: اي خطيره تذكرني بالاولاد الي اول مره يلبسوا شماغ هههههههههههه
وليد: لو سمحت لاتغلط على حبيبتي
ماجد: مالت عليك انت وحبيبتك ,, زي منوله مافيه
ساره: ايه مره,,,, خاصه اني لما شفتها بذاك اليوم بغيت انجن من قبحها
منال: قبح بعينك نشوف اليوم من يرقم بنات اكثر انا او انتي
ساره: اوكي تحدي
منال: تحدي
ماجد: اسمعوا الي منكم ترقم لي بنات اكثر بعزمها ع العشاء
منال طلع من خشمها نار من التعصيب: ماااااجدوه
ماجد: امزح بسم الله
جلست ساره عشان تسمح لوليد انه يرسم لها شنب ابظاي ع قولته وسكسوكه
ساره: وليد مابي سكسوكه ابي تسوي لي ديرتي فيس
وليد: ههههههههههههه انشالله
كانت مرتبكه لقرب وليد منها وتمنت انه ينتهي بسرعه
000000000000000000000000000000 0000000000000000000000000
مشاعل كانت في الصاله لوحدها جالسه لان ام مشعل معزومه عند وحده من الجيران ,, اما
ابوها كان طالع,,, وسعود ع قولته طالع يشوف الهنوف ,, اما مشعل كان بغرفته ,, كان
يتحاشى يجلس معاها,, تشجعت تطلع له غرفته تعتذر منه
وصلت غرفه مشعل طقت الباب
مشعل: نعم
مشاعل : مشعل ممكن تفتح ابيك شوي
مشعل فتح الباب وكان ساكت
مشاعل: مافيه تفضلي؟؟
مشعل: الباب مفتوح اذا تبي تدخلي ادخلي
مشاعل: مشعل ماعرف ايش اقول لك ولاادري من وين ابدا ,,, لكن انا ماجيت انكر الي
قريته ,,, انا جايه افسر لك واشرح لك الكلام الي فيالرساله ,, وجيتي لك وتفسيري له
سببين((وسكتت))
مشعل:..............
مشاعل: ماتبي تسالني ايش السببين؟؟؟
مشعل: انا اسمع اذا تبي تتكلمي
مشاعل عرفت انه مو رايق بس هذي فرصتها الوحيده علشان تكلمه لان مافيه احد بالبيت
مشاعل: السبب الاول اني ابي اصارحك علشان زواجك قريب ومابيك تروح وانت زعلان
مني اما السبب الثاني فلاني احبك وانت اخوي ومن حقك اني افسر لك الي صار
مشعل: ....................
مشاعل: مشعل انا فعلا كنت اعرف واحد اسمه طلال,,, بس مو بالشكل الي انت تتخيله ,,
يعني ماكان بينا شي ممكن يخليك تخجل من اني اكون اختك ,, مشعل كانت علاقتنا برئيه ,,
كانت علاقه حب ,,, بس ماتتعدى التلفون ,, صدقني يامشعل,,, حتى طلال ماكان يطلب مني
انه يشوفني,, مشعل صدقني انا ندمانه قد شعر راسي على الي سويته واظن انت تشوف
بعينك ايش صار لي وهذا سبب كافي علشان مافكر رجع لطلال
مشعل:كيف عرفتيه
مشاعل: اعطاني الرقم
مشعل : ومن متى تاخذي ارقام؟؟؟؟
مشاعل: اول مره واخر مره((كنت تبي تهدي الوضع ماتزيده سوء))
مشعل: وايش الي خلاك تاخذيه
مشاعل: مشعل يمكن كنت احس بالوحده,, يمكن احساسي بالطفش مدري يامشعل بس المهم
اني كلمته ,, بس صدقني هذي اخر مره افكر اني اكلم فيها,,وترى مو سهل علي اني اجي
لحد عندك واعترف لك,,, بس اتوقع الي صار لي يخليني افكر الف مره قبل اكلم اي واحد
مشعل: وليش حاولتي تنتحري ,, ايش سواء لك ,, ايش الشي الي سواه وخلاك تفقدي الامل
بالحياه
مشاعل: لاتخاف يامشعل ماصار شي من الي تفكر فيه,, بس انا كنت .... ((وسكتت))
مشعل: كنتي ايش؟؟؟؟؟؟
مشاعل حاولت تمنع دموعها بس كانت دمعه اقوى من ان تحبسها: مشعل .. انا كنت احبه
وانصدمت لما عرفت انه يكذب علي,,, وصدقني هذا الشي الحلو بعلاقتي فيه ,, لاني عرفت
ان مافيه شي بالدنيا اسمه حب ,, وهالشي راح يخليني مافكر اتعلق او اتعرف على احد
مشعل ابيك تتزوج وانت متطمن ان اختك مستحيل تغلط نفس الغلطه,, وانا اشكرك يامشعل
انك ماطلعت الموضوع
كانت راح تطلع من الغرفه بس قبل ماتطلع وقفت وقالت له وهي معطيته ظهرها :مشعل الله
يخليك سامحني ,, لاتحسبني مو ندمانه على الي صار ,,, انا خسرت اغلى ماعندي يامشعل
وانتم نايمين انا مايهناني النوم كل يوم اتذكر الي صار وتهوري,,, وابكي عيوني الي
خسرها كل لحظه وكل دقيقه,, لاتزيد يامشعل همي هم
وتركته واتجهت لغرفتها ,, بس كانت يد مشعل اسرع ومسكها
000000000000000000000000000000 0000000000000000000000000

كانوا مشغلين اغنيه احلام
وكانوا فالينها رقص وكان وليد هو الي يسوق ومعاه ساره قدام ,, اما ماجد كان وراء وجنبه
منال ,,, وكانت السياره مظلله ,,, اما الناس الي برا السياره كانوا يشكوا ان في السياره
حفله دي جي لانهم مايشوفوا الا السياره تهز ويسمعوا صوت الاغاني مع ان الشبابيك
مسكره ,,, شلون الي جوا السياره مستحملين الصوت
ساره كانت فالتها من جد ,, مافيه الا قوت رقص ,, كانت منهبله وحطت موبايلها ع
السايلنت علشان محد يزعجها
وليد يبي يهيضها: وراء ,, عااااشت سارونه
وهي ترقص من جد متحمسه ,,,, ومافيه الا هز بالشماغ
وليد: عااااااااااشت ,, العب العب
وعلى هالوضع لما وقفوا عند سياره جمس مليانه بنات
ماجد: يله بنات كل وحده تفتح شباكها ونشوف مين منكم راح ياخذوا رقمها
كان مع ساره معروض مكتوب فيه رقم خاص لساره((رقم الغزل))
اما منال فكان معروضها عباره عن رقم وهمي
فتحت منال شباكها الي وراء وطالعت البنات بنظره مسويه بتدوخهم,, ورفعت المعروض
وكانوا البنات يطالعوا بقرف
ساره: اقول قفلي شباكك لاتنحشي البنات وشوفي انا ايش راح اسوي
ماجد ووليد: ههههههههههههههه
فتحت ساره شباكها ,,, ومسويه انها بروس ويلس على غفله لوووووووووووووووووول
لما طالعوها البنات كانوا مشككين بوضعها ,,, كأنها بنت وكأنها ولد واخذوا رقمها ودقوا
عليها علطول وهم بالاشاره
البنات: الو
ساره: هاي
البنات ماتوا ضحك: والله كنا شاكين انك بنت
ساره: ههههههههههه هاه كيف اصلح ارقم
البنات: تجنني
الاشاره فتحت وكان واحد يضرب بوري لوليد ع شان يمشي لانه ساد عليه
سوت حركه ساره انصدموا منها وليد وماجد ومنال ماكانوا يتوقعوا انها بتصير جريئه
لهدرجه
طلعت راسها من الشباك وصرخت ع الي يضرب بوري وبصوت خشن : ياحمار لاتضرب
بوري ازعجتنا
وليد وماجد ومنال: هههههههههههههههههههههههههه
000000000000000000000000000000 00000000000000000000000000
مشعل: مشاعل سامحيني ,,, انا المفروض ماضغط عليك وانا عارف ضروفك,, مشاعل انا
اثق فيك وادري انك لما تقولي كلمه تكوني قدها,,, مشاعل انا راح انسى كل الي صار بس
ابيك توعديني انك ماتفكري تسوي هالشي مره ثانيه وتنسي واحد اسمه طلال
مشاعل : لو فكر او حن هذا ((اشرت على قلبها)) هذي ماراح تنسى تكره ((اشرت على عينها))
000000000000000000000000000000 000000000000000000000000
ساره : اف خلاص شباب ملينا الساعه 11 وسواقي راح يجي 12 خلونا نرجع
منال: يوه سارونه بدري
ساره: اي بدري اخوي دق علي مليون مره واخاف الحين انجن
وليد: ماعليك منهم ثواني ونكون بالبيت
واتجه وليد للبيت وكان شارع التحليه مره زحمه
ماجد: ياغبي كان رحت مع طريق الملك عبدالعزيز اقل زحمه
وليد: ياخوي انا كنت بروح مع طريق الملك فهد,, ومالي الا هالشارع علشان اوصل له
ماجد: يووووووه ايش هالزحمه شكل الاشاره خربانه
وليد: دقيقه خلني اشوف مخرج مع الحاره
ماجد: لامافيه مخارج خلاص مافيه الا بعد الاشاره
انتظروا 10 دقايق وهم في وسط الزحمه وكانت ساره مرتبكه لانها تاخرت وخافت السواق
يوصل قبلها
وليد: الحمدلله بدت تخف الزحمه((وسكت لما شاف شي قدامه ))
وليد :يا الله تفتيش مو وقته ابد
ماجد: يالله الحين راح ينزلونا ويقولوا فكوا التضليله
ساره خافت: ليش ينزلونا,, وايش دخل التضليله
وليد: لان التضليل ممنوع
ساره: طيب ايش راح يسوي لنا؟؟
وليد: ولا شي بس بيكتب مخالفه ويقول فكوا التضليله
ساره: وانشالله هالتضليله متى تنفك
وليج: لاتخافي حبيبتي ماراح تاخذ اكثر من 10 دقايق ,, وانشالله مايقول لنا فكوها يكتفي
بالمخالفه
واخيرا وقفوا عند التفتيش,, طمرت ساره وراء وجاء ماجد قدام
الضابط: افتح الشابك
وليد: سم طال عمرك
الضابط: ليش مضلل انت ماتدري ان التضليل ممنوع
وليد: اسفين طال عمرك ,,, انشالله اليوم افكها
الضابط: انزل فكها الحين
وليد: ياطويل العمر انا مستعجل الوالد تعبان بالبيت وبروح له ,, واذا شفت السياره مره
ثانيه مضلله راح انزل افكها
الضابط: لك ساعه تدور هنا وتو ابوك يمرض,,, هات الرخصه والاستماره
ماجد تدخل: طال عمرك خلنا نمشي وانشالله راح نفكها اوعدك
الضابط يتجاهل ماجد: انت هات الرخصه والاستماره
هنا وليد طلع رخصته وعطاها الضابط
الضابط: الاستماره
وليد عطاه الاستماره
الضابط: بعد السياره مستاجره ومضللينها بعد ,, انزل فك التضليله
وليد حب يقصر الشر ونزل يفكها
الضابط يكلم ماجد: البطاقه
ماجد طلع بطاقته للضابط ولما شافها : انزل فك التضليله معه
نزل ماجد لانهم يبوا يرجعوا بسرعه عشان ساره
ساره كانت تحس دقات قلبها مثل الطبول من الخوف خاصه لما شافت راس الضابط يطل
عليها ويقول لها: انت عطني البطاقه
منال خافت ينكشفوا وحاولت تغير صوتها وكانها رجال: ياطويل العمر نسينا البطاقه بالبيت
الضابط يطالعهم بتفحص: وايش تسوي بطاقاتكم بالبيت
منال: كنا طالعين مشوار قريب ونسينا البطاقات
الضابط طلع راسه ورجع لماجد ووليد وهنا تطمنوا منال وساره ,, اشواء مااستقعد
وفجاءه فتح الضابط باب السياره الي ورا مكان ماكانوا جالسين ساره ومنال وقال لهم شي
خلى ساره ودها تموت الحين
ايش قال لهم الضابط ؟؟؟؟ وايش راح يصير ع ساره ومنال؟؟؟

الجزء السابع عشر




ساره كانت تحس دقات قلبها مثل الطبول من الخوف خاصه لما شافت راس الضابط يطل
عليها ويقول لها: انت عطني البطاقه
منال خافت ينكشفوا وحاولت تغير صوتها وكانها رجال: ياطويل العمر نسينا البطاقه بالبيت
الضابط يطالعهم بتفحص: وايش تسوي بطاقاتكم بالبيت
منال: كنا طالعين مشوار قريب ونسينا البطاقات
الضابط طلع راسه ورجع لماجد ووليد وهنا تطمنوا منال وساره ,, اشواء مااستقعد
وفجاءه فتح الضابط باب السياره الي ورا مكان ماكانوا جالسين ساره ومنال وقال لهم شي
خلى ساره ودها تموت الحين
الضباط قال لهم: انزل انت وياه بسرعه
والتفت للضابط الي واقف جنبه وقال لهم : ياسعد خذهم للقسم
منال بصوتها الطبيعي : لو سمحت احنا مو عيال احنا بنات ممكن تخلينا نمشي
ساره انصدمت ان منال اعترفت انهم بنات بس على الاقل يمكن يغير رايه هالضابط النشبه
لما يعرف انهم بنات
الضابط: واذا انتي بنت ليش متنكره؟؟؟
منال: احنا طالعين نتمشى وعلشان محد يضايقنا لبسنا ثياب
الضابط: اكيد انتم من شبكه ارهابيه علشان كذا متنكرين
ساره ماتت خوف: ايه ارهابيين الله يهديك والله اني اخاف من ظلي,,, الله يخليك خلنا
نروح الله يوفقك
الضابط: النقيب هو الي يحدد اذا ترجعو بيتكم او تنامو في السجن
ساره حست ان بيجيها جلطه: وين النقيب اكلمه
الضابط: في قسم الشرطه,, والتفت للضابط وقال له شي ماسمعته منال وساره
فجاءه ركب الشرطي ((سعد)) بسياره ماجد ووليد بمكان السواق وقفل الابواب علشان
مايطلعوا منال وساره ,,, وحرك السياره
ساره: تكفى الله يخليك نزلنا والله راح اعطيك الي تبي
الشرطي: ..........................
ساره تصارخ: يارب تدخل الجنه نزلنا ,,, الله يخليك ,,, الله يستر عليك,, والله اخوي
راح يقتلني
منال: اسمع لو نزلتنا بعطيك الفيزا حقتي فيها 100,000
الشرطي:....................... ...
ساره تبكي: كله منك يامنال,, ياويلي من بندر
منال: يعني انا الي امي بتضحك وتبسط,,, ((رجعت تكلم الشرطي))طيب اسمع علي ساعه
انا وصاحبتي لو بعتهم راح تجيب لك مبلغ حلو
ساره: تخيل اخواتك هم الي صار لهم هالموقف ,, الله يخليك نزلنا ,,, تكفى
وقف الشرطي عند القسم,, ونزل وقفل عليهم السياره
منال: انشالله يجي النقيب حقهم ويرحمنا خلاص لاتبكي ياساره
ساره تبكي : يارب
التفتوا على دوريه جت ووقفت ونزل منها نفس الضابط الي مسكهم ,,, وكان مركب وراء
وليد وماجد ,,, ونزلهم هو وضابط معاه,,, واختفوا جوا القسم
منال: اقول ماتعرفي احد في الشرطه يطلعنا من هالمشكله
ساره عصبت: انتي الي طيحتينا بهالمشكله انتي الي طلعينا منها
منال: انا ماطيقتك ع يدك انك تجي معاي جيتي بكيفك
000000000000000000000000000000 0000000000000000000000000
مشعل: طيب ايش رايك ميشو اعزمك ع العشاء في المطعم الي تحبيه
مشاعل: بس الوقت متاخر
مشعل: ليش راح تنامي؟؟؟؟
مشاعل: لا
مشعل: طيب ثواني اجيب لك عبايتك
مشاعل: لا خير تبيني اطلع ببيجامتي؟؟؟
مشعل: طيب لاتطولي
مشاعل طلعت غرفتها تغير ملابسها علشان يروحوا يتعشوا
000000000000000000000000000000 0000000000000000000000000
سعود كان في مطعم قلوب Globe بالفيصليه مع الهنوف
الهنوف: اسمع ترى ابي زياده كروت لزواج اخوك مشعل
سعود: اعطيتك 5 كروت ,, مين راح تعزمي بعد
الهنوف: راح اعزم نوره صاحبتي و روان
سعود: الله يعين بدبر لك من امي ,,, مع انها بغت تذبحني لما طلبت منها
الهنوف: اطلبها من مشاعل
سعود: مشاعل اكيد اعطتها صاحباتها
الهنوف: مالي شغل فيك دبر نفسك
سعود: انشالله طال عمرك,, بس تلاحظي اني عازمك على العشاء علشان اسمعك كلام حلو
واسمع منك ايش كثر تحبيني مو نتكلم بالكروت ومين راح تعزمي الهنوف خليك رومنسيه
ولو مره بحياتك
الهنوف ماهتمت ونزلت عينها تشرب العصير الي بيدها,, ولما رفعت عينها لقت سعود
يطالع بطاوله وراها ,,, وطبعا هي ماتقدر تشوف مين يطالع لان الطاوله الي يطالعها وراها
,, التفتت تبي تشوف مين يطالع
ولقت بنتين حلوااااااااااااااات وحده منهم ملامحها هنديه نعووووووووووووووومه,,,
انجنت الهنوف خاصه ان البنات كانوا ياكلوا سعود بعيونهم,,, معذورين كان سعود مملوح
وكانه عصفور
الهنوف قطعت عليه نظراته الي ماقدر ينزلها من هالبنت الحلوه: سعودوه هذا وانا معك اجل
اذا لوحدك ايش راح تسوي ؟؟؟؟؟
سعود خاف: هنوف ايش فيك ,,, لايروح تفكيرك لشي غبي,, ايش هالافكار المجنونه
الهنوف قامت: اخليك معاها احسن لك ولها,, وخذ راحتك
سعود: هنوف لاتصيري طفله
الهنوف: انقلع عن وجهي
ومشت وخلته ووقفت ع طاولة البنات وقالت لهم: صدق شفاحه كانكم ماشفتوا شباب قبل
اعصابكم اكلتوه بعيونكم جعلها العمى انشالله
كانوا البنات يطالعوها باحتقار وقالت لها وحده منهم: يااااااااااااي ,,, low class
البنت الثانيه: she is crazy
الهنوف مافهمت شي ع بالها البنات اجانب وطلعت وخلتهم
سعود كان يطلب الحساب يبي يلحق ع هالمجنونه,,, صدق الحياه معاها مستحيله عشان نظره
سوت كل هذا ,,, شلون راح يعيش معاها باقي عمره
انتظر وقت طويل لحد ماجابوا له الحساب ,, قال بنفسه اكيد انها وصل للبيت ,,, دفع
الحساب واتجه للبنات الي جالسين قدامه,, وعينه مانزلت عن البنت الي كانت ملامحها هنديه
سعود: انا اسف ع الي صار ,,, بس هي اعصابها تعبانه اعذروها
البنت: no problem ,,,, بس هي دايما كذا???
سعود: لا اعصابها تعبانه,,, وانا اعتذر بالنيابه عنها
البنت ابتسمت لسعود ابتسامه خلته ينسى شي اسمه الهنوف: really we are not angry
بس حرام واحد like you يتعرف ع بنت همجيه like her
سعود حس ان البنت صادقه مو معقوله تتهجم ع الناس بس لانه طالعها
سعود في نفسه "ايش هالاسلوب ياتتكلم عربي يا انقليش مسويه تعرف انقليش وكانها مخترعه
الذره"
سعود: اوكي عن اذنكم
البنت: اوكي معك لمو ,, واتشرف اني اتعرف عليك
سعود انصدم ايش تبي فيه وهي ملكه جمال الف واحد يتمناها: مشكوره اختي بس انا خاطب
وراح وتركها
وهو في الاصنصير نازل تحت فكر في البنت ايش كثر هي حلوه واستغرب كيف قدر
يقاومها اكيد ان الهنوف تعني له كثير ع شان يترك وحده بهالجمال
000000000000000000000000000000 0000000000000000000000000
شافوا تقريبا خمسه ضباط طلعوا من القسم متجهين لسيارتهم ,, وواحد فتح الباب لهم
الشرطي بعصبيه : انزلي انتي وياها بسرعه
ساره تبكي : الله يوفقك,, الله يخليك اتركنا نروح والله اهلي راح يقتلوني
الشرطي: الحين الله يوفقك واهلي واهلي ,,, ليش ماتذكرتي اهلك لما فكرتي تطلعين مع
شباب هاه ,, والا بس الحين يجي الضمير
ساره كانت تقاوم ثنين كانوا يجبروها تنزل من السياره ونزلوها بالقوه,,, اما منال بعد
ماشافت الي صار لساره نزلت بكرامتها,,, دخلوا ساره بغرفه وقفلوا عليها ,,, اما منال
دخلوها بغرفه ثانيه وقفلوا عليها
كانت ساره تدعي ربها انه يستر عليها ,,, وتذكرت انها طلعت قبل صلاه العشاء وانها
ماصلت ندمت لانها ماذكرت الصلاه الا وقت الشده والا لما كنت تستهبل وكانت مبسوطه
نست موضوع الصلاه ,, تذكرت انها ماتوضت
طقت الباب عليهم لما دخل عليها ضابط: خير انشالله ايش تبي ؟؟؟
ساره: ابي اتوضى بصلي
الضابط: انثبري بس الحين ذكرتي ربك هاه
وقفل الباب ورجع لمكان ماجاء منه
اما منال كانت تكبي,, ماتدري ايش راح تكون رده فعل امها لما تعرف ,, اكيد راح تمنعها
من الطلعات ,, اكيد راح تاخذها معاها وين ماتروح
في غرفه النقيب: عطني اسماء البنات الي معاك بسرعه
وليد: ماعرف اسمائهم
النقيب: تستهبل ياحمار
وليد: صدقني ماعرف ,,, البنات يمكن كذبوا علي باسمائهم
النقيب: تعال ياسعد ارميه بالحجز لما يتكلم,, وهات الكلب الثاني
لما دخل ماجد وساله الضابط عن اسماء البنات
ماجد: وحده اسمها منال الـ.... والثانيه ساره بس مدري ساره ايش ,, لانها خويه صاحبي
تكفي ياطويل العمر انا جاوبت ع كل شي سالتوني عنه خلاص طلعوني
النقيب: ع بالك انك بتطلع كذا ,, لا راح ندق ع ابوك يجي يستلمك
ماجد: ياطويل العمر انا عمري 25 يعني كبير ليش تجيب ابوي
النقيب: تعلمني بشغلي ياكلب,, سعد ارميه في الحجز لما بكره نشوف موضوعه
000000000000000000000000000000 0000000000000000000000000
مشاعل كانت مع مشعل بالسياره متجهين لمطعم الريف الايطالي والمفضل عند مشاعل
دق موبايل مشعل وكانت الي متصله نجود زوجه مشعل وكان مشغول بالسوالف معاها
وشغل اغنيه وائل جسار مشيت خلاص
كانت مشاعل متغطيه ,, اعجبها لحن الاغنيه ,,, والي اول مره تسمعها ماكانت تحب وائل
جسار مره ,,, بس بعد ماسمعت كلامات هالاغنيه تمنت تقول لمشعل الله يخليك سكرها
كانت كل كلمه تذكرها بطلال
كيف بهالسهوله قدر يتخلى عنها,,شلون طاوعه قلبه يسوي فيه كذا وهو عارف انها مجنونه
فيه ,,, حست بفراغ كبير تركه طلال بحياتها,,, مافكر كيف راح تكمل حياتها بدونه,,,
تذكرت كيف كانت تلعب بمشاعر الشباب وكيف جاء شخص يلعب بكل احاسيسها وكانها
لعبه سهل تحريكها بالنسبه له ,,, حست بحنين غريب له ,,, حنت لايامها معاه ,,, كانت في
اقوى مراحل الحب ,,, كانت تتجنب التفكير فيه هالايام,, وتظن ان خيال طلال اختفى,,, بس
للاسف من بعد ما شي بسيط ذكرها بايامها معاه وهالشي مجرد اغنيه ,, حست بحنين يقتلها ,
, كان نفسها تشوفه ,,, نفسها يبرر لها الي سواه,, يمكن تلقى مخرج تسامحه فيه,, تتمنى يبرر
لها اي تبرير وهي راح تسامحه ,,, تخيلت نفسها معاه من جديد,, مع انها ماتقدر تشوفه بس
احساسها انه جنبه احياء الفرحه بقلبها,,,, وتذكرت انه مافكر حتى يكلمها يتطمن عليها,,
يالله ايش كثر هالانسان حقير وممثل بارع,,, حطت راسها ع الشباك ,,, وسبحت في بحر
افكارها ,,, ونزلت دمعه محبوسه من فتره ,,, والدمعه هذي جرت وراها الاف الدموع ,,
كانت تحلم ان طلال هو الي جنبها وماسك يدها ,,ويسمعها احلى كلام الحب
صحت ع صوت مشعل: ميشو نمتي؟؟؟
مشاعل رفعت راسها: لا مشعل معاك
مشعل: لي ساعه اكلمك ,, يله حبيبتي وصلنا المطعم
000000000000000000000000000000 0000000000000000000000000
بندر كان حالته مو اقل من حاله مشاعل ,, كان غرقان بالحب ,,, بس للاسف حب من طرف
واحد ع قولته ,,, كان يفكر بمشاعل ,, مشاعل الي من رجع وهو مايفكر الا فيها ,,, حتى انه
رفض يسافر مع اهله لانه يبي يتطمن عليها ويعرف ان العمليه نجحت ,,, كان خايف عليها
يبي يشوفها سعيده ,,, يمكن لما تنجح عمليتها تجيه الجراءه انه يخطبها ,,, قبل كان يخاف
من شي اسمه زواج ,,, كان يخاف من الطلاق لانه يحس انه اكيد راح يفشل,, بس لما شاف
مشاعل تكسرت كل القواعد الي بناها وكل افكاره تغيرت,,, مشاعل بالنسبه له الفرحه ,,,
نفسه يتجرء ويكلمها بس لو دق عليها اكيد ماراح تستقبله ولا تفكر تكلمه ,, يكفي انها ماقبلت
منه مساعدته لها اكيد هالبنت عندها كرامه مو طبيعيه ,,, كرامه تخليها ترفض مساعده
ممكن تسعدها,,, كل هذا علشان كرامتها ,,, اكيد مستحيل راح تقبل انه يكلمها,, حتى لو فكر
يخطبها اكيد راح ترفض,,, بس ليش مايحاول
000000000000000000000000000000 0000000000000000000000000
انفتح الباب وكان شرطي ,,, رمى عليها عبايه وطرحه
الشرطي: البسيها يله ,,, النقيب يبي يشوفك
لبست عبايتها بسرعه ع امل ان النقيب يكون احن شوي من هالوحوش
دخلت عليه وكان مشغول باوراق بيده,,, بعد ماخلص,, وبدون مايرفع عينه
النقيب: ايش اسمك؟؟
ساره: ريم
النقيب : نلعب احنا ,,, اسمك الرباعي
ساره توهقت: ريم فهد خالد الـ....((عطته اسم ماتدري فيه وحده بهالاسم او لا))
كتب الاسم وعطاه الضابط الي جنبه: خذه دخله بالجهاز وشوف الاسم وتاكد اذا ماعليها
قضايا
ساره انصدمت ,, قضايا ,, ليش صارت من المجرمين : اي قضايا شايفني مجرمه
النقيب طالعه بنظره حاقده: اسكتي ياحقيره ,,, لو فيك خير ماطلعتي مع شباب,,وياويلك لو
يطلع الاسم كذب لان صديقتك الي قبل عطتنا اسم وهمي ,,, والحين بكلم لها السجانه توديها
سجن النساء
ساره انجنت معقوله يسويها ويوديها سجن النساء" لا ساره لاتكوني غبيه هو يحاول يخوفني
علشان اعطيه اسمي الحقيقي"
ساره: انا عطيتك اسمي الحقيقي وماعندي غيره
انتظرت يجي الضابط الثاني الي راح يتاكد من اسمها,, وبعد دقايق رجع
الضابط: طال عمرك مافيه اسم ع الكمبيوتر
النقيب طالع ساره بنظره تخوف كلها حقد: يعني ماتتوبين انتي وخويتك طيب دواك عندي
ساره خافت ايش راح يسوي
اخذ التلفون يكلم: الو,,, هلا ام غازي ,,, عسى ماصحيناك من النوم,,, هههههههههه
مايخالف هذا شغلك ,, اقول ابو غازي عندك؟؟,,,, حلو طيب تعالي معاه عندي بنتين
ابيك تسلميهم سجن النساء, هههههههههههههههه ,, ايش نسوي مالنا الا انتي ههههههههه
يله ننتظرك
ساره: لالالا الله يخليك والله بعلمك كل شي بس لاتسجنوني
النقيب: خلاص انا عطيتك فرصه
ساره: الله يخليك ,, خلاص والله لاقول كل شي بصدق واذا كذبت اسجني وقولها تجي,, الله
يخليك قول لها لاتجي ,, الله يخليك
000000000000000000000000000000 0000000000000000000000000
منال كانت تحاول تدق ع صاحبتها سحر ,, بس خافت يدخل عليها احد وياخذ موبايلها
منال بهمس: الو
سحر: هاي منوله
منال : الحقيني سحر انا في الشرطه,, مسكوني مع ماجد ووليد
سحر خافت: يا الله معقوله ,, وينك الحين
منال: حابسيني بغرفه,,, المهم بليز دقي ع خالد انتي تعرفي انه ولد ناس واكيد يقدر يطلعني
تكفين سحر سوي شي
سحر: اوكي خلني الحين اروح اكلمه
وقفلت ع امل ان سحر تجيب لها واسطه وتطلعها من هنا بدون ماتدري امها
000000000000000000000000000000 0000000000000000000000000
مشعل و مشاعل انتهوا من العشاء واتجهوا للبيت
وفي الطريق
مشعل: هاه ميشو كيف نفسيتك مع قرب العمليه؟؟؟
مشاعل: الله يكتب الي فيه الخير,, مشعل انا خايفه ماتنجح
مشعل:لاانشالله تفائلي بالخير ,, انشالله يرجع نظرك احسن من اول
مشاعل: لامابي احسن من اول يكفيني اني اشوف حتى لو بدون الوان
مشعل: ههههههههههههههه ,, قديمه انتي اسود وابيض
مشاعل: ههههههههههههههههههههههههههههه
مشعل: ميشو وين موبايلك انا دقيت عليه امس ,, ولقيته ملغي
مشاعل: ايه نسيت اقول لك ,,, ضاع مني قبل فتره والغيت الشريحه
مشعل: اذا الموضوع كذا انا راح اطلع لك رقم ,,, من اي شركه تبي؟؟؟؟
مشاعل: لا يامشعل ماله داعي جد ,,, انا مااحتاجه ,,, وين اطلع
مشعل: لا بس احنا نحتاج انه يكون معاك موبايل ,, خاصه اذا طلعتي
مشاعل: تسلم مشعل بس جد ماودي اتعبك
000000000000000000000000000000 0000000000000000000000000
التلفون كان يدق ,, رد عليه الشرطي: سم ,, لحظه ,,, ((يكلم النقيب))طال عمرك فيه واحد
يبيك
اخذ التلفون النقيب : الو,, سم,,,, ايه ,,,, بنتين,,,, اها
ساره حست ان الموضوع يتعلق فيها وفي منال لانه كان يطالعها
النقيب يكلم: اسف مقدر اخدمك بهالموضوع,,,, انا ماعندي مانع اطلعهم بس يجون اهلهم
يستلمونهم,,, اسف مقدر اطلعهم ع مسئوليتي ,,, انشالله اخدمك بشي ثاني,, تامر شي ,, مع
السلامه
ساره حست انها راح تموت اكيد الي اتصل يحاول يطلعهم ,,, بس هالنقيب عنيد وراسه يابس
طالعت ساعتها ,, كانت 2 الليل ,, اكيد امها ماتت خوف وبندر انجن
انهارت وبكت وتعبت من التفكير ,, وقررت انها تعترف باسمها وتعطيهم رقم اخوها
ولما عطتهم المعلومات وتاكدوا انها صادقه,, دخلوها غرفه بعيده لما يجي اخوها يستلمها
000000000000000000000000000000 0000000000000000000000000
مشاعل كانت تستعد للنوم وشغلت سورة الرحمن بصوت الشيخ ناصر القطامي
فجأه سمعت احد يطق عليها الباب,, وقفلت المسجل
مشاعل : مين؟؟؟
سعود: انا سعود,,,, نايمه؟؟؟
مشاعل: لا تعالي سعاد ادخلي
سعود دخل: سعاد مين ؟؟؟؟
مشاعل: انت يعني مين
سعود: والله البطاقه مكتوب فيها سعود والجنس ذكر
مشاعل ضحكت: هههههههههههههههه ادري بس انا ادلعك
سعود: ههههههههههه تدلعيني سعاد لايسمعك احد يشك فيني
مشاعل:ههههههههههههه, ايش عندك جاي هالوقت ماتدري ان الليل للنوم والصباح للسوالف
سعود: يعني اطلع
مشاعل: لا ,, بس لك 10 دقايق بعدين راح تنطرد
سعود: انشالله
000000000000000000000000000000 0000000000000000000000000
بندر كان في الطريق لبيت منال صاحبه ساره ,, طبعا طلع مع السواق لانه هو الي يدل
بندر تعب من الاتصال ع ساره الي ماترد ع موبايلها ,,, وخاصه انها مواعده السواق 12
وصارت 2 وماجت,, خاف لايكون صار لها شي,,, طبعا امه نايمه لانها واثقه بساره
دق موبايل بندر :الو
النقيب: السلام عليكم
بندر :عليكم السلام
النقيب: معي بندر الـ...
بندر استغرب : ايه اخوي بغيت شي؟؟؟
النقيب: معك النقيب حزام الــ..
بندر زاد استغرابه ايش يبي منه: امر اخوي فيه شي
النقيب : ايه ,,, اختك ساره عندنا,, المشكله بسيطه بس ياليت تمرنا ,,, توقع لما كم ورقه
وتاخذ اختك
بندر مصعوووووووووووق ومصدوم اخته عند صاحبتها شلون راحت للقسم: ايش صار
قول لي اختي ايش فيها ,, ايش سوت
النقيب: تعرف الموضوع لما تجي تستلمها
وقفل
كان بندر مايدري هو بحلم والا بعلم,, معقوله اخته ساره بالشرطه,, وايش سوت؟؟؟؟
كان متجه للقسم,, وهو مثل المخدر ,, يمشي بدون عقله ,,, مو مصدق
000000000000000000000000000000000000000000000000000000000

سعود: هذا كل الموضوع
مشاعل: تستاهل ليش تطالع البنت ,,, لو انا مكانها كان اخذت العصير وكبيته عليك
سعود: ميشو وربي مو قصدي ,, بس هي كانت تطالعني وطاحت عيني عليها بالصدفه
وبصراحه ماقدرت انزل عيني عنها كانت مره حلوه
مشاعل : سعود ,,, انت تحب هنوف؟؟؟
سعود: اموت فيها
مشاعل: لو انت تحبها بجد كان مافكرت تطالع غيرها ,,, راح تملا عينك
سعود: ميشو والله اني اموت فيها,, ميشو تكفين ساعديني
مشاعل: اوكي راح اكلمها لك, بس توعدني انك تبطل حركاتك البايخه
سعود: ابشري بس انتي كلميها الحين
مشاعل: لا انسى اني اكلمها الحين ,, اول شي هي معصبه ,,, خلها تهدا,,, وبعدين من اصبح
افلح
سعود: ميشو مقدر انام وهي زعلانه علي
مشاعل تبي تقهره : عادي خذ بندول نايت ههههههههههههههههههه
000000000000000000000000000000 0000000000000000000000000
مو مصدق الكلام الي قاله النقيب,, ساره تطلع مع شباب ومتنكره بصوره ولد,,, ماصدق
كلامه لحد ماشاف ساره قدامه ,,, وكانت متغطيه وعليها عبايه ,, بس كان الثوب طويل
عليها وكان طالع من تحت العبايه
وقعت تعهد انها ماتطلع مع شباب ,,, وبندر وقع ع اوراق تثبت انه استلمها
وكان يمشي وهي وراه وركب السياره,,, ساره استحت تركب جنبه ,, خافت منه ,, وركبت
وراء
ساره في نفسها" يالله ياويلي عليه ,, اكيد راح يقتلني ,, ياليتني ماطلعت ,, ياليتني سامعه
كلام ميشو وتاركه منال ,, هذي عقوبتي في طلال ,,, كنت راح ادخله السجن وانا الي دخلته
,,يالله اكيد امي صار لها شي,,, ايش راح اسوي"
كان بندر هادي طول الطريق حتى لما وصلوا البيت كان هادي ودخل غرفته,, حتى ماقال لها
تعطيه موبايلها ,, ولا ضربها مثل ماتوقعت
دخلت غرفتها وقفلت ع نفسها" اكيد الحين راح يجيب المسدس علشان يقتلني,, او اكيد يبي
يقتلني بعد ماتطلع امي من البيت,, لان امي شكلها مادرت عن شي,, يمه متى راح يقتلني"
كانت تبي تدق ع مشاعل بس عارفه ان مشاعل ماعندها موبايل,, كانت طول الليل جالسه
ع اعصابها وتطالع الباب تنتظر بندر يدخل يقتلها
000000000000000000000000000000 0000000000000000000000000
صحت مشاعل ع صوت مشعل وصراخه بالبيت,, طلعت تشوف ايش فيه
مشعل: ياخي مابي اسوي تنظيف مابي شايفني حرمه
سعود: ميشو تعالي شوفي اخوك المتخلف,, اقول له يسوي تنظيف لبشرته ع شان هالحبوب
تخف ,,, زواجه بعد اسبوع , لازم يهتم بنفسه ,, يقول الاهتمام بس للحريم
مشاعل ماتت ضحك ع مشعل ,,, وعلى سعود المتحمس,, وكانه حرمه تلاحق زوجها هههههه
مشاعل: مشعل ايش الفرق عندك لو شفت نجود بملابس حلوه وريحتها عطور تجنن ,,
وشكلها حلو ,, والا انها تجلس عندك شكلها معفن وريحتها شينه ؟؟؟
مشعل: مشاعل لاتقارني,,, نجود حرمه ,, وبعدين انا مو شكلي محيوس او ريحتي شينه
مشاعل: بس يامشعل مثل ما انت تبي تشوف زوجتك باحلى شكل وتحب تشوفها تهتم بنفسها
ع شانك,, هي نفس الشي تبي تشوفك مهتم بنفسك ع شانها ,, مشعل الاهتمام بالنفس مو عيب
ولا حرام
مشعل: تبيني اروح لدكتور واقول له شوف بشرتي فيها حبوب علشان يقول ايش هالخكري
سعود: هههههههههه اي خكري ,, اذا الدكتور بيقول عنك خكري لهالسبب ,, فهو خكري
اكثر منك,, لانه دارس هالتخصص
مشاعل:ههههههههههههه, والله انك صادق ياسعود
واخيرا اقتنع انه يروح لدكتور
000000000000000000000000000000 0000000000000000000000000
ساره كانت بغرفتها تبكي من الخوف ومن الندم ع الي صار ,, وكانت مقفله موبايلها,,
خافت وحست جسمها مايشيلها من الرعب لما سمعت صوت الباب
ساره: مين
بندر: انا
ماااااااااااااتت من الرعب ,, اكيد راح يقتلها بعد الي صار امس ,,, احسن شي ماتفتح له
بندر: ساره افتحي ابيك بموضوع
ساره قررت تفتح وترتاح من هالرعب الي عايشته ,, واذا راح يقتلها خليه يقتلها وترتاح من
هالخوف والعذاب
ساره فتحت الباب ,, وانصدمت لما شافت ملامح بندر هاديه
بندر: ساره فاضيه ابي اكلمك بموضوع
ساره كانت ساكته مالها وجه تتكلم
بندر: اذا مالك خلق نتكلم الحين ,, ممكن ناجل الموضوع
ساره وبدون ماترفع عيونها في بندر: تفضل
دخل وسكر الباب ,, هنا ساره حست برعب ,, ايش ناوي عليه؟؟؟
مسك يدها وسحبها للسرير وجلسها وجلس جنبها,,, كانت تطالع الارض
مسك دقنها ورفع وجهها : ساره عينك عمرها لاتطالع الارض مهما سويتي انتي اختي
ومابي عينك تنزل بالارض
ساره كانت منصدمه من اسلوب بندر معاها ,, بعد كل الي سوته جالس يكلمها بكل احترام
بندر: شوفي ياساره ,, انا مو مستغرب ليش سويتي كذا,, اكيد عندك اسبابك ,,, يمكن علشان
الحريه الي عطتك ماما ,,او يمكن فقدتي الحنان من ماما لانها دايما مشغوله عنك,,ورحتي
تدوريه برا , و حتى ما لقيتي بابا الي ممكن يكون صديق بالنسبه لك,,, وحتى انا انشغلت
عنك بالدراسه,,, انا ما الومك ,, ياساره انا كل امس كنت افكر بالموضوع ومانمت ولا دقيقه
,, ساره انا اعرف ان الانسان مو كامل ولازم يغلط,, حتى انا غلطت كثير بحياتي بس
الانسان الشاطر الي يتعلم من اخطائه,, سارونه بسالك سؤال وجاوبيني بصراحه,, صاحبتك
الي معاك فكرت فيك او اتصلت عليك
ساره: لا
بندر: على فكره ترى طلعت هي قبلك جت امها اخذتها بدري ,, بس مافكرت حتى تسال عنك
تتوقعي هذي هي الصداقه,, تتوقعي هذا هو الطريق الصح؟؟؟
ساره وهي تبكي: لا يابندر وانا اسفه ,, مدري ليش سويت كذا
بندر: سارونه مو بس انتي الي سويتي كلنا كنا مشتركين باللي سويته كل واحد منا كان لاهي
بمشاغله عنك,, بس من اليوم ياسارونه ,,, راح اكون اخوك وامك وابوك,, راح اخليك ما
تحتاجي تسوي هالاشياء ,, ولاتفكري اني راح اضربك او امنعك من الطلعه او اخذ موبايلك
, لا سارونه انا مستحيل استخدم هالاسلوب الهمجي,, انتي حياتك ماراح تتغير ,,, انتي الي
راح تتغيري لاني اتوقع انك تعلمتي درس يخليك مستحيل تفكري ترجعي للخرابيط هذي
,, اما بالنسبه لي ماراح يمر يوم الا اطلعك وامشيك
اره اول مره تعجب باخوها ,, وتحس ان عندها اخو ماكانت تعرف قيمته
000000000000000000000000000000 0000000000000000000000000
بعد اسبوع من الحادثه ,, تغيرت اشياء كثير
كانت ساره ماتروح الا لمشاعل ويوصلها بندر,, وابتعدت عن منال,, وصارت ماتكلم شباب
,,, لانها اعجبت باسلوب اخوها ,, لو كان ضربها وشتمها كانت كرد فعل طبيعي راح
تنحرف اكثر من اول,, بس اسلوب اخوها الراقي خلاها تعرف غلطتها واعجبت بثقه اخوها
فيها وماحبت تخيب امله فيها وثقته فيها,,, 20 سنه وهي عايشه مع اخوها عمرها مااعجبت
به كثر هاليومين كان حنون معاها ,, وكان حريص ع رضاها,, كان يطلعها كل يوم ,, مره
عشاء ومره غداء ومره يصحيها الصباح علشان يروحوا يفطروا ,, ومره وداها للبر تطلع
مهاراتها الفاشله بالسواقه هههههههه
اكثر من مره كانت بتصدم ,,, بس باللحظه الاخيره يتدخل بندر وينقذها
حكت لمشاعل عن كل شي سواه بندر ,, واعجبت مشاعل بشخصيه بندر,, وماتوقعت ان فيه
شاب شرقي ممكن يتصرف كذا بعد ماعرف كل هالاشياء عن اخته,, حتى اخوها مشعل لما
اكتشف انها تعرف واحد اسمه طلال ,, مجرد مكالمه زعل عليها اسبوع كامل
كل يوم يكبر بندر بنظر مشاعل ,, وكانت تنحرج لما توصل لها ساره سلام بندر
000000000000000000000000000000 0000000000000000000000000
كان اليوم يوم مشعل ونجود,,, كان الزواج بالخزامى ,,, وكان زواج مرتب ,, صح انه ماكان
فخم مره ,, بس كان حلو والف بنت تحلم تكون مكان نجود,, لان مشعل معروف بسمعته
الحلوه
كانت مشاعل بالاوتيل وعندها روز المزينه,, كانت مشغوله مع ام مشعل ,, وام مشعل
منحرجه لانها ماحطت ميك اب بحياتها حتى لما تزوجت ابو مشعل ماكانت تعرف شي اسمه
ميك اب
اما ساره ومشاعل ينتظروا دورهم
ساره: ميشو تسريحه شعرك مره تجنن
مشاعل: ههههههههه لازم تمديحها مو انتي الي مختارتها
دق موبايل ساره
ساره : هلا بندر
بندر: هاي سارونه,, هاه كيف الميك اب اكيد شكلك يجنن
ساره استحت: شكرا بندر,, بس اتوقع انا حلوه بدون ميك اب
بندر: اكيد ,,, انا متاكد انك بتغطي ع كل الموجودين,,الا ناس اتحدى تغطي عليهم
ساره: ومين هالناس؟؟؟
بندر: القمر ميشو
ساره: ههههههههه بعد تدلعها ميشو هاه
مشاعل انحرجت ,, انقهرت من ساره المفروض ماتبين قدامها
بندر: اقول ميشو عندك؟؟
ساره: ايه ,, ليش تسال تبيني اوصف لك شكلها؟؟
بندر: لا ابي اكلمها ابارك لها ع زواج مشعل
ساره: اوكي
ساره كانت متاكده لو قالت لمشاعل ان بندر يبي يكلمها ,,, راح ترفض وتقوم,, قالت احسن
شي ارمي الموبايل عليها وانحاش
ساره مسكت يد مشاعل وحطت الموبايل بيدها وقفلت يدها بالقوه: ميشو هذا موبايلي ,, اخوي
بندر يبي يبارك لك ع زواج مشعل,,, وقبل لاترفضي انا قايمه الحين ,, وترى عيب ماتكلميه
ترى كل السالفه يبارك لك بس ,, عيب ميشو كلميه
وقامت بسرعه قبل ماتتكلم مشاعل
مشاعل تحسست الموبايل
مشاعل في نفسها" مجنونه هالبنت كيف راح اكلمه ,, الله ياخذها وهقتني"
جمعت قوتها وحطت الموبايل ع اذنها
مشاعل: الو
بندر حس قلبه بيوقف: اهلين مشاعل ,, كيفك؟؟؟؟
مشاعل انحرجت: الحمدلله ,, كيفك انت؟؟؟
بندر: بخير الله يسلمك,, مشاعل الف مبروك زواج مشعل الله يوفقه
مشاعل : تسلم
بندر: عقبالك
مشاعل انحرجت: تسلم
بندر يضحك: وانتي مو حافظه الى تسلم ,, مافيه غيرها مثلا شكرا
مشاعل ابتسمت: شكرا
بندر: ههههههههههه,, كويس تسمعي الكلام مااثرت عليك اختي الجنيه
مشاعل: حرام عليك سارونه مو جنيه
بندر: ايه صح نسيت اني اكلم المحاميه الرسميه لساره
مشاعل:هههههههههههه
مشاعل سمعت ام مشعل تطلع ,, وتبي تروح بسرعه قبل لاتسبقها ساره لروز
مشاعل: اوكي بندر انا راح اقفل الحين,, مشغوله شوي
بندر: اوكي الله معك شكلي طولت عليك
مشاعل: لا بس انشغلت شوي
بندر: اوكي باي
مشاعل: باي
000000000000000000000000000000 0000000000000000000000000
كان الزواج مرتب ,,, وحضروا ناس كثير ,, وام مشعل ماتدري تستقبل والا تهتم بشؤون
الزواج ,,, كانت معتمده ع الله ثم مشاعل قبل لايصير لها الي صار في,, بس الحين لقت
نفسها وحيده,,, وكانت بين وقت والثاني تروح تصلح الكحل الي كل شوي يخرب من الصياح
كل ماتذكرت ان مشعل راح يطلع من عندها ويسكن لوحده,, بس ايش تسوي هذي حال الدنيا
دخلت نجود,, والي كان شكلها مره حلو ع قوله صاحبات مشاعل ,,, وبعدها دخل مشعل
ومعاه ابوه وابو نجود,,, وبعد التصوير ,, طلع مشعل مع نجود,, واتجهوا ع المطار ,, لان
رحلتهم الساعه 3 الفجر ,, والي كانت متجهه لاسبانيا
000000000000000000000000000000 0000000000000000000000000
ام مشعل ماسكتت من الصياح بالسياره,, وتعبت مشاعل وسعود وابو مشعل يسكتوها مو
قادرين,,, وصلوا البيت ,, وطلعت ام مشعل غرفتها تكمل صياح ,, كانت ليله ام سلطان
بس ابو مشعل استغنى عن ام سلطان وكمل سهرته مع ام مشعل يحاول يهديها ,,, والي كان
مشعل عندها حبيب القلب ,, صح انها تحب سعود خاصه انه الصغير ,, بس مشعل كان له
معزه خااااااصه
سعود: هاه ميشو كيف الهنوف اكيد حلوه
مشاعل تضايقت خاصه انها ماتقدر توصف شكل الهنوف لسعود الي كان متحمس: انشالله
بعد اسبوع راح اوصف لك شكل الهنوف كويس
سعود ندم ع الي قاله ,, انقهر لانه للحين ماقدر يتأقلم مع وضع مشاعل الجديد, استغرب
القوه الي مشاعل فيها ,, كيف قدرت تتقبل وضعها الجديد: انشالله ميشو بعد اسبوع ترجعي
تشوفي احسن من اول بعد العمليه
مشاعل : امين
طلعت غرفتها وهي مبسووووووطه شويه عليها ,, اخيرا قرب موعد سفرها ,,, اول يوم من
بعد ماصارت عمياء تنام على طول وهي مرتاحه
000000000000000000000000000000 0000000000000000000000000
ساره : يوووووووووووووه بندر ازعجتني ,, قلت لك ايش لابسه ميشو وايش قالت وايش
ماقالت
بندر: سارونه تتوقعي لو اتقدم لها راح توافق؟؟؟
ساره فرحانه : من جدك بندر ,, ياليت ميشو تجي عندنا
بندر: انا بكره راح اكلم ابوي يخطبها لي مقدر اتحمل اكثر من كذا ,, احسها ملكت كل
حياتي وقلبي,, سارونه من اول مره شفتها فيه وانا عارف ان ميشو راح تكون كل حياتي
ساره: ياعيني ع الحب
000000000000000000000000000000 0000000000000000000000000
صحت مشاعل بدري يمكن الفرحه خلتها ماتقدر تطول بالنوم ,,, وكانها تنتظر الدقايق
والثواني وتحسها سنوات
مشاعل في نفسها" يالله متى راح اسافر متى"
نزلت بالصاله ونادت الخدامه ع شان تصلح لها فطور
سمعت صوت التلفون ,, كان اتصال خارجي,,,, قامت ترد
مشاعل: الو
: السلام عليكم
مشاعل: عليكم السلام
: لو سمحتي الاخ سعود موجود؟؟؟
مشاعل ماعجبها صوت الي متصل واسلوبه: نايم ,, دق ع موبايله
: مايرد ,, اختي ابيه ضروري ممكن تصحيه
مشاعل خافت من نبره صوته:انا اخته ممكن اعرف ايش فيه لانه نايم ومقدر اصحيه
مشاعل طاح منها التلفون واغمى عليها بعد ماسمعت الي قال لها المتصل

ايش ممكن يكون سر هالاتصال؟؟؟؟؟؟
وايش الكلمه الي قالها لمشاعل والي كانت نتيجتها انه اغمى على مشاعل مع انها بنت قويه
وماتنهز بسهووووووله؟؟؟ كل شي راح يتوضح بالجزء الجديد والي فيه تغيرات كثيره
على حياه مشاعل يمكن تكون للاسواء وممكن للافضل

الجزء الثامن عشر



صحت مشاعل بدري يمكن الفرحه خلتها ماتقدر تطول بالنوم ,,, وكانها تنتظر الدقايق والثواني وتحسها سنوات
مشاعل في نفسها" يالله متى راح اسافر متى"
نزلت بالصاله ونادت الخدامه ع شان تصلح لها فطور
سمعت صوت التلفون ,, كان اتصال خارجي,,,, قامت ترد
مشاعل: الو
: السلام عليكم
مشاعل: عليكم السلام
: لو سمحتي الاخ سعود موجود؟؟؟
مشاعل ماعجبها صوت الي متصل واسلوبه: نايم ,, دق ع موبايله
: مايرد ,, اختي ابيه ضروري ممكن تصحيه
مشاعل خافت من نبره صوته:انا اخته ممكن اعرف ايش فيه لانه نايم ومقدر اصحيه
مشاعل طاح منها التلفون واغمى عليها بعد ماسمعت الي قال لها المتصل
000000000000000000000000000000 0000000000000000000000000
فهده وعبدالمجيد كانوا في السياره راجعين من السفر,, وكان عادل اخو عبدالمجيد هو الي اخذتهم من المطار
عادل : هاه كيف ماليزيا انشالله حلوه
عبدالمجيد: والله مره حلوه ولو ان الجو حر فيها
عادل: اشوفكم طولتوا قلت اكيد الولد صار ماليزي وغير جنسيته هههههههههههههه
عبدالمجيد: ههههههههههه ايه عاد الماليزيين نفس الوجه ,,, كان ما افرق بين وجهي وجه فهده ,, اصحى الصبح
اطالع فهده احسبها انا واقف قدام المرايه ههههههههههه
فهده وعادل: ههههههههههههههههههه
عبدالمجيد: اقول كيف امي وابوي
عادل: الحمدلله امي راح تجن تبي تجي معاي على المطار
عبدالمجيد: الله يطول بعمرها
كانوا متجهين لبيت اهل عبدالمجيد لانهم راح يسكوا عندهم
بعد ماسلموا على اهل عبدالمجيد نزلوا شناطهم
فهده: اقول عبدالمجيد ابي اسلم على امي
عبدالمجيد: انشالله الحين خلينا ننام ونرتاح وانشالله اوديك
000000000000000000000000000000 0000000000000000000000000
تذكرت مشاعل المكالمه الي ردت عليها اليوم الصباح كانت من شركه ابوها وكان الموظف متصل يبلغهم ان ابوها بالمستشفى,,, وتذكرت لما اغمى عليها ,,, ولما صحت على صوت الخدامه الي تحاول تفوقها من الاغماء ,,, وتذكرت صياح ام مشعل بالسياره وهم في طريقهم للمستشفى
كانت في حاله ذهول ,, مو مصدقه ان ابوها بالمستشفى ,,, كان مثل الكابوس بالنسبه لها وتنتظر الي يصحيها منه
صحت من افكارها لما سمعت اخوها سعود يكلم الدكتور ,, عرفت ان اكيد الدكتور انتهى من العمليه
كانت تتجه لمكان الصوت
الدكتور: والله يا اخ سعود مدري ايش اقول لك ولكن انت ايمانك بالله قوي ,,, وهذا حال الدنيا ,, وكلنا ماشين بنفس الطريق
سعود بخوف: دكتور ايش تبي تقول بالضبط؟؟؟
الدكتور: سعود حاولنا بكل جهدنا اننا ننقذه ولكن اراده الله اقوى ,,, اطلب لابوك الرحمه
مشاعل : لااااااااااااااااااااااااااااا اااااااااااااااااااااااااااااا ااااااااااااااااااااا
صحت ماتدري كم صار لها مغمى عليها,, حاولت تتكلم لكن حست بتعب قوي بكل جسمها ,,, بكت بصوت مسموع تبي احد يجي يقول لها انك تحلمي ,, وان ابوك موجود,,, بس للاسف الكل كان حزين ويبكي ,,, وكل شخص يتمنى انه يحلم وان هذا كابوس مزعج راح ينتهي
سمعت صوت جنبها
ساره: حبيبتي هدي نفسك ,,, كل شي مكتوب لنا قبل نطلع للدنيا
مشاعل بكت من قلب: ساره الحقيني بابا راح وخلاني ,,, قولي له يرجع حرام عليه يخليني لوحدي ,,, ساره بليز قول لي اني احلم ,,, صح كل الي صار كذب؟؟؟ صح ان بابا عايش؟؟؟
ساره بكت على حال مشاعل: مشاعل حبيبتي انتي مو وحدك انا معاك واهلك ماراح يخلوك,, مشاعل ادعي له بالرحمه ,, صدقيني لا البكاء راح ينفعه ,, ولا الحزن ,, ماراح ينفعه الا الدعاء
مشاعل تصارخ : لااااااااااااااا,,, انتي كذابه بابا ما مات مستحيل يموت ويخليني لوحدي,, عارف ان امي تركتني ومستحيل هو يتركني بعد ,,, اطلعي برا انتي كذابه كذااااااااابه
ساره تبكي: هدي نفسك يامشاعل,, الله يخليك لاتسوي بنفسك كذا
مشاعل تصارخ : ادري انكم تكذبوا وين وديتوا بابا وينه ,,,ادري انكم تبوني اصير وحيده ,, بابااااااااااااا ,, باباااااااااااااا
دخلت الممرضه تعطيها ابره مهدئه ,, وناااااااااامت
000000000000000000000000000000 0000000000000000000000000
اما مشعل الي انفجع بهالخبر تعب يدور حجز مالقى الا اليوم الثاني الساعه 6 الليل
000000000000000000000000000000 0000000000000000000000000
سعود بحزن : راح نصلي عليه بكره الضهر انشالله
ابو تركي ((عم مشاعل)) : عظم الله اجرك
سعود: اجرنا واجرك
ابو تركي: ,,, الله يرحمه ويغفر له ,, شد حيلك ياولدي
((سعود حاول يكون قوي عند عمه بس ماقدر بكى غصب عنه))
000000000000000000000000000000 0000000000000000000000000
ام مشعل كانت في حاله حزن مستحيل نتخيلها ,,, حبيب عمرها وزوجها مات ,, تذكرت امس لما كان يحاول يهديها بعد مارجعت من زواج مشعل ,, وشلون كان حنون معاها
اما ام سلطان كانت حزينه بس مو كثر حزن ام مشعل ,,, كانت شايله هم عيالها الي راح يتيتمو
000000000000000000000000000000 0000000000000000000000000
الهنوف تعبت تتصل على سعود والي مارد عليها من الصباح كانت خايفه عليه ماتدري ايش صار,,, واخيرا رد عليها
الهنوف : هلا حبيبي وينك قلقت عليك
سعود كان يبكي
الهنوف ماتت من الخوف: سعود حبيبي الله يخليك طيحت قلبي ليش تبكي ,, ايش صاير؟؟؟
سعود ماجاوب عليها وظل يبكي
الهنوف انهارت وبكت معاه: سعود تكفى والله راح انجن ,, ايش صاير فيك شي؟؟ سعود تكلم
سعود يحاول يتكلم: هنوف.......... بابا ((ورجع يبكي))
الهنوف: ايش فيه تعبان؟؟؟؟ سعود تكلم ايش صار لابوك؟؟؟؟
سعود: مااااااااااااااااات
الهنوف سكتت يمكن ثلاث دقايق بس تسمع صوت بكى سعود,, وكانت مصدومه امس كان بالزواج مافيه شي ,, ايش صار ,, ماكانت تعرف شلون تعزي سعود
الهنوف: عظم الله اجرك
سعود رجع يبكي
الهنوف: سعود وينك راح اجيك؟؟
سعود: لا انا في المستشفى, اختي مشاعل تعبت بعد ماعرفت وماما حالتها صعبه ,, وعماني كلهم بالمستشفى
000000000000000000000000000000 0000000000000000000000000

في بيت ام فهده
فهده: ماما مره وحشتيني
ام فهده: ايه مره ,, لو انتس مشتاقه لي كان زرتيني قبل خالتس
فهده: يمه ايش اسوي اول شي احنا ساكنين عندهم,, وبعدين صعبه اقول لعبد المجيد ودني لاهلي وهو توه ماشاف اهله
ام فهده : يالخبله ,,, صيطري على رجلتس قبل مايصيطر عليتس
فهده : يمه الله يهديك ايش يصيطر علي واصيطر عليه احنا في حرب؟؟؟
ام فهده: خليتس يالخبله وراه ,, همن تقولين امي ماقالت ,, وتالي يطلقتس وتجين عندي واحلمي احدن يخطبتس مرتن ثانيه والله ان تمشطينها شيبه
فهده: يمه المفروض تعينيني على طاعه زوجي ,, مو تحرضيني عليه
ام فهده: اقول بس ايش جبتي لي هديه من ذا الديره الي رحتي لها ,, والا انشالله جايتني ويدتس فاضيه
فهده ابتسمت لامها: وانا اقدر ,, جبت لك ياماما نفس الي جبت لخالتي ,,, مو انتي تقولي اي شي تشتريه لخالتك اشرتي لك مثله
ام فهده: ايه بالله قلته , والله لايحللتس ان شريتي لها شي ولا شريتي لي
فهده: اوكي ماما انا جبت لك بكيني يجنن
ام فهده: وش كبينه ذا ؟؟؟
فهده: ههههههههههههه ماما بكيني مو كبينه ,,, ((وقربت من اذن امها تشرح لها البكيني الي جابته لها ))
ام فهده قبصت فهده قبصه خلتها تعلم ع يدها: وجعن يمحاتس محي يالبازعه ,, انا تجيبين لي هالخلاقين ,,, هاتيه بحطها خرقه نمسح بها المطبخ
فهده ماتت ضحك ع امها: ههههههههههههههههههه لا ماما امزح معاك
وفتحت الكيس وطلعت منها عقد ذهب متواضع ع قد حاله عبدالمجيد الماديه البسيطه
ام فهده: وووووووووووع الله يغربلتس ,, ماجبتي لي الا هالصغير ,, اكيد خالتس جايبين لها هالعقد الزين
فهده : والله يمه ان عقدك وعقد خالتي بنفس السعر((فهده في نفسها : من متى يمه يعجبك شي))
000000000000000000000000000000 0000000000000000000000000
مشاعل صحت لما حست بيد تمسح على شعرها
مشاعل في نفسها" اكيد هذي ساره,,, انا غلطت عليها ,, بس ماني قادره اصدق ان ابوي مات مستحيل"
ورجعت تبكي ,, وسكتت لما حست بالشخص الي كانت تتوقعه ساره,, قرب منها وحست بانفاسه قريبه منها وانصدمت لما باسها على جبينها وطلع
حست انها كانت تتوهم من اثر الابره المهدئه الي عطتها الممرضه,, وحاولت ما تشغل بالها بالتفكير
000000000000000000000000000000 00000000000000000000000000
كان اليوم الثاني لموت ابو مشاعل وصلوا عليه الضهر ,,, ودفنوه ,,, وصار العزاء في بيت ام مشعل لانها الكبيره ,, وكل الناس جو يعزو ,,, كان ابو مشاعل محبوب,,, حتى خالاتها الي ساكنين بجده والي ماتشوفهم الا نادر جو يعزوا
اما ساره صاحبتها ماخلتها من اول مات ابوها فيه
000000000000000000000000000000 000000000000000000000000
وبعد اسبوع على موت ابو مشاعل
مشاعل كانت تعبانه من الكلمات الي تسمعها عظم الله اجرك واحسن الله عزاكم و.. و..
كانت تبي تجلس لوحدها تبي تبكي وتبكي وتبكي لحد ماتشفى جروحها الي صارت اكبر من انها تتحملها ,,, مشكله بعد مشكله
اما ساره اثبتت لها انها صديقه وفيه ومخلصه ,, حتى بندر الي ماترك اخوانها من اول يوم مات فيه ابوها وكان في 3 ايام العزاء
يحظر كل يوم وكان يحاول يخفف على اخوانها باي طريقه,, وكان يرسل لهم الغداء والعشاء كل يوم ,,,
مشاعل اعجبت بشهامه هالولد ,, الي وقف معاهم وقفه رجال ,,, حتى ام ساره كانت تجي كل يوم من العصر وماتطلع الا 10 بالليل
اما فهده فكانت تجي وتزيد هموم مشاعل بدون ماتقصد والى ماعندها الى هالكلمه الي تعبت مشاعل من كثر ماتسمعها من فهده
فهده وهي تبكي: ياعيني عليك يامشاعل صرتي يتيمه لا ام ولا اب ,,, ايش هالمشاكل الي تجيك وراء بعض ((وترجع تبكي))
مشاعل تدري انها تقول هالكلام ببراءه وماتدري بهالكلام شلون يأثر على مشاعل
000000000000000000000000000000 0000000000000000000000000
مشاعل كانت في غرفتها تستعد للنوم,, لما دق موبايلها,,, وبما ان مشاعل ماتقدر تشوف الارقام
ابتكرت لها ساره طريقه سهله تقدر من خلالها مشاعل تعرف الرقم الي يدق عليها
وكانت طريقه ساره هي انها تخزن كل رقم عند مشاعل بنغمه مسجله بصوت مشاعل يعني لما تدق مها تكون النغمه بصوت مشاعل والي تقول فيها مها
وبهالطريقه يسهل ع مشاعل انها تعرف مين الي يتصل,,, وحتى يسهل عليها تدق ع الي تبي مجرد انها تذكر الاسم والموبايل اتوماتيكي يدق
استغربت مشاعل مين الي يدق عليها لان الرقم اكيد غريب لان موبايلها كان يدق عادي
مشاعل: الو
بندر: السلام عليكم
مشاعل: عليكم السلام,, مين معاي؟؟؟؟
بندر: معك بندر ,, مشغوله يامشاعل؟؟؟
مشاعل استغربت اتصال بندر و خافت ع ساره : لا انا مو مسغوله ,, بس فيه شي ؟؟؟ ساره فيها شي؟؟؟
بندر: لا ساره بخير ,,, انا اسف اذا ازعجتك ,, بس حبيت اتطمن عليك
مشاعل انحرجت : تسلم
بندر: مشاعل الضروف ماكانت تسمح اني اعزيك ,,, جد مدري ايش اقول لك ,, بس الكلمات ماتعبر لك عن حزني على الي صار
مشاعل حاولت تكتم عبرتها الي خنقتها : تسلم
بندر حاول يرطب الجو: للحين تسلم ماغيرتي؟؟؟
مشاعل ماقدرت تمسك نفسها وبكت تذكرت ابوها ,, الي مانسته ولا دقيقه
بندر: خلاص مشاعل انا اسف ,, الله يخليك لاتبكي علشان خاطري
حاولت تسكت ماقدرت
بندر: طيب علشان خاطر ساره ,, مشاعل الله يخليك انا داق اخفف عليك مو اضايقك
مشاعل حاولت تمسك نفسها ,, حست انه عيب تبكي وهو معاها ع الخط ,,, لان مابينهم شي
مشاعل بصوت مخنوق: شكرا يابندر ع كل شي سويته لي ولاخواني ,, شكرا ع وقفتك معانا انت وساره وخالتي
بندر: لاتشكريني ,, هذا واجبي,, واذا ماوقفت معاكم مين راح يوقف معاكم
مشاعل: تسلم
وضحكت غصب عنها لما قالت تسلم
بندر يبتسم: تصدقين صرت احب كلمه تسلم لانها خلتك تضحكي
مشاعل: جد بندر اشكرك من كل قلبي
بندر: لاتشكرني انا ماسويت شي
مشاعل سكتت تنتظره يقفل,, وشكل بندر فهمها
بندر: اوكي مشاعل اخليك الحين ترتاحي ,,, بس توعديني انك ماتبكي
مشاعل: انشالله
مشاعل ارتاحت شوي من بعد مكالمه بندر ,, فيه الخير واقف معاهم ,,, وحتى مانام قبل يتطمن عليها
000000000000000000000000000000 0000000000000000000000000
وبعد شهر من موت ابو مشاعل
في بيت مشاعل
ساره: ميشو حبيبتي الدراسه باقي عليها اقل من شهر ايش رايك تحذفي الترم هذا لما ربك يحلها
مشاعل: وليش احذف الترم وانا ماراح ادرس خلاص
ساره : ليش انشالله ماراح تدرسي اذا قصدك على شان نظرك ,, انتي انشالله راح تسوي العمليه , وراح تنجح انشالله
مشاعل : ساره انتي عارفه ان ابوي الله يرحمه كان حاجز لي عند الدكتور علشان العمليه بس بعد مامات كيف راح اسويها ,, صدقيني الحين مايهمني ,,, اغلى انسان مات ,, ليش اسويها؟؟؟
ساره: الله يرحم ابوك يامشاعل ماقلت شي ,, بس هو لو انه عايش مارضى انك تتركي نفسك كذا
مشاعل: سارونه فيه حاجه ماقلت لك عليها تخص ابوي وتخصنا
ساره :ايش هي؟؟
مشاعل: انتي عارفه ان ابوي توفى بسبب نوبه قلبيه
ساره: ايه الله يرحمه
مشاعل: كان سببها الفلوس
ساره مستغربه: الفلوس؟؟؟؟
مشاعل: ايه ,, بابا كان حاط كل فلوسنا بالاسهم,, ولما نزلت الاسهم مثل مانتي عارفه خسر اكثر من 90 بالميه من فلوسه,,, وبابا ماقدر يتحمل ,,, خاصه ان الشركه كان عليها ديون كبيره وكان معتمد على الله ثم على الفلوس الي راح يكسبها من الاسهم ,,, والحين بعد ماتوفى بابا اخواني مشعل وسعود,, يحاولوا انهم يغطوا الديون والخساير ,,, حتى الفلوس الي نملكها ماتكفي تسدد الديون كلها ,, تبيني اجي واقول لاخواني اني ابي اسوي عمليه
ساره: الله يعينكم ,, طيب ميشو تذكري الدكتور الي يعرفه بندر ,, خليني اساله يمكن يكون هنا,, خليه على الاقل يشوفك
مشاعل: لو سمحتي انا مابي اتعب بندر معاي ولا ابي اتعب اي شخص ثاني معاي ,, انا راضيه باللي ربي كتب لي
ساره: ميشو لاتصيري عنيده
مشاعل: لو سمحتي ساره قفلي ع الموضوع,, اما بالنسبه للجامعه انا ماراح احذف الترم هذا لاني ببساطه راح اترك الجامعه
ساره تعبت من مشاعل ونزلوا تحت عند ام مشعل ولي من بعد ما مات ابو مشعل وهي حزينه
ام مشعل: حبيبتي مشاعل خلي الخدامه تسوي لك شي تاكليه انتي وساره
((من بعد ماكان عندهم خدامات ,, اكتفوا بخدامه وحده علشان يوفروا شوي ,, ويقدروا يسددوا الديون))
مشاعل: اوكي ياخالتي انا مستعده اكل بس بشرط
ام مشعل: ايش هو؟؟؟
مشاعل: انك تاكلي معانا
ام مشعل: والله ياحبيبتي مااشتهي,, كلوا انتم بالعافيه
مشاعل :اوكي خالتي انا ميته جوع بس ماراح اكل لما تاكلي
ساره :يله خالتي حتى انا ميته جوع,,,, لاتحرمينا من الاكل ,, كلي معانا
مشاعل: ايه انا ماتنفتح نفسي ع الاكل الي وانتي تاكلي معاي
ساره: وانا يعني مافتح نفسك؟؟؟
مشاعل: لا انتي المقبلات ,, بس خالتي الوجبه الرئيسيه
ساره وام مشعل: ههههههههههههههههه
كانت ام مشعل نادر ماتضحك ,, مو قادره تنسى الي صار
اما ساره فهي سوت معجزه لانها ماسافرت هالصيف علشان توقف مع صاحبتها مشاعل
000000000000000000000000000000 0000000000000000000000000
ام عبدالمجيد: اقول فهده ايش في وجهك اصفر ,,, حالتك مو عاجبتني هاليومين
فهده: والله ياخالتي مدري ايش فيني لي اسبوع حاسه اني تعبانه ,,, واحس معدتي ثقيله كاني ماكله خروف
ام عبدالمجيد: هههههههههه خروف عاد,, اقول فهده رحتي للدكتور؟؟؟
فهده: لا ياخالتي ,, انشالله خير,,, شويه تعب وانشالله راح اطيب
ام عبدالمجيد: اليوم انشالله راح اوديك انا وعبدالمجيد
دخل عبدالمجيد
عبدالمجيد: لايمه انا ماراح اوديها لاي مكان خليها تنطق بالبيت
ام عبدالمجيد استغربت هجوم ولدها ع فهده: سلم اول,, وبعدين عيب عليك ذي حرمتك
فهده لما دخل عبدالمجيد كشرت((مدت بوزها)) وطلعت فوق
عبدالمجيد: شفتي يمه ايش تسوي من اول ماتشوفني تطلع فوق ,, ومستحيل تجلس جنبي,, حتى النوم يمه تنام لوحدها ,, تقول مابي انام جنبك
ام عبدالمجيد استغربت: ليش ياوليدي انت مزعلها , مالكم الا شهرين معقوله لحقتوا تزعلوا
عبدالمجيد ببراءه: والله يمه مازعلتها بس هي تقول اني كرهتك وماعاد اطيقك,, وريحتك تقرفني ,,, يمه بذمتك عمرك شميتي فيني ريحه شينه
ام عبدالمجيد ماتت ضحك: ايه ياوليدي احيانا تجي ريحتك عرق هههههههههههه
عبدالمجيد : حرام عليك يمه توني شاري دهن عود ب3000 كله علشانها ,, وللحين تقول ريحتك شينه
ام عبدالمجيد فرحت: يالخبل هذا الوحم
عبدالمجيد: الوحم؟؟؟
ام عبدالمجيد: اكيد ان فهده حامل , علشان كذا هي كارهتك,, لان بعض الحريم وحمها يكون كايد ,,, وبعضهم تكره رجلها
عبدالمجيد فرح: الله يبشرك بالخير يمه ,, ترى جتني حساسيه من كثر مافرك جسمي بالليفه,,, صرت امشي واشم ,, الي يشوفني يقول هذا يشم هروين
ام عبدالمجيد: خلنا اليوم نوديها نتاكد
عبدالمجيد: والله يمه لو طلع كلامك صدق وان ولي العهد بيشرف ,, والله لاشتري لك حلاوه
ام عبدالمجيد: حلاوه بعينك ,, المفروض تقول هذي امي اشتري لها ذهب مو حلاوه
عبدالمجيد: يمه انا اقصد حلاوه الي تسموها شمع علشان تدلعي عند ابوي وتلبسي قصير
ام عبدالمجيد صار وجهها احمر وحطت يدها ع فمها تحفي ابتسامتها: ياوليدي كبرت ع هالحركات
عبدالمجيد: الا انتي كل الحركات ياحركه انتي
000000000000000000000000000000 0000000000000000000000

كانت الساعه 10 بالليل
وكان مشعل وزوجته نجود وام مشعل ومشاعل جالسين بالصاله
مشعل: هاه نجود نمشي ؟؟؟
نجود: بكيفك
ام مشعل: لاخلكم عندنا شوي,, تونا 10
مشاعل: ايه مشعل خلك مامليت من سوالف نجود
نجود: انشالله كل يوم عندكم والا مليتوا منا؟؟؟
ام مشعل: لا والله ماملينا ,, ياليتكم تسكنوا عندنا منها تملون علينا البيت من بعد الغالي
سكتوا ,, وكانت لحظه صمت الكل كان يتذكر فيها ابو مشعل وحسه بالبيت
حاول مشعل يقطع الصمت: مشاعل مشالله على بندر اخو صديقتك ماقصر معانا جد عيال ناس ,, ماطلعوا الا بوقت الشده
مشاعل: ايه يامشعل تصدق ساره كنسلت سفرتها لايطاليا علشاني
ام مشاعل: ايه والله انهم عيال ناس ومتربين,,, حتى بندر ماشالله عليه ماتركنا بايام العزاء ابد,,, عيال عمكم جو يوم وقطعوا ,, والغريب هو الي واقف معانا
000000000000000000000000000000 0000000000000000000000000
بندر : سارونه حبيبتي لسى راجعه من ميشو؟؟؟
ساره: ايه الحين وصلت
بندر: طمنيني عليها كيفها؟؟؟
ساره: اسكت البنت هذي رافعه ضغطي
بندر: ليش؟؟؟
ساره: تقهر مو راضيه تسوي العمليه,, اقول الدكتور الي قلت لي عليه موجود هنا ؟؟؟
بندر: لا بس اقدر اشوف متى يقدر يشوفها,, ليش اخيرا وافقت؟؟؟
ساره: لا بس راح اغصبها مو ع كيفها
بندر: طيب خلي الموضوع علي وانشالله اقدر اقنعها
ساره تطالع بندر بتفحص: ليش انت تكلمها
بندر ارتبك : لا والله,, بس راح اكلمها علشان اقنعها
ساره : وانت من وين جبت رقمها؟؟؟
بندر: نسيتي انتي عطيتيني رقمها لما دقيت اعزيها بابوها
ساره تتذكر: ايه صح نسيت,, بس ماقلت لي كيف راح تقنعها؟؟؟
بندر: راح اكلمها واقنعها تسافر تتعالج عنده
ساره : بس بندر ميشو ماتقدر تسافر
بندر بان عليه الاهتمام: ليش ايش فيها؟؟؟
ساره حكت لبندر عن احوالهم الماديه ,, وكيف تدهورت ,,, وخوفهم من المستقبل ,, هل راح يقدروا يغطوا الخساره والديون والا حيخسروا الي وراهم والي قدامهم ومع كذا ماراح يقدروا يسددوا كل الديون
بندر يفكر : طيب سارونه اتركي الموضوع علي
بندر ترك ساره ودخل غرفته
000000000000000000000000000000 0000000000000000000000000
مشعل وزوجته كانوا راجعين بيتهم
نجود : حبيبي ودي اقول لك شي بس خايفه تزعل او تفهمني غلط
مشعل : قولي ياقلبي,, وماراح ازعل عليك,, اصلا مااقدر
نجود : مشعل انت عارف الاوضاع الماليه الحين لاهلك ,,, وماظن بيضرنا لو ساعدناهم شوي
مشعل: بس يانجود من وين اجيب ,, انا كل فلوسي سددت بها جزء كبير من الديون,, حتى سعود الفلوس الي كان بيتزوج بها اشترك معاي فيها في تسديد ديون الشركه
نجود: ادري ياقلبي اننا مانملك الا الشي البسيط الي نقدر نعيش به,, بس عندنا شي نقدر نوفر به فلوس لنا ,, ونقدر نساعد به اهلك
مشعل مستغرب من نجود: وايش هالشي؟؟؟
نجود: بيتنا,, مشعل قبل تقول اي شي ,, احنا لسى متزوجين وبيتنا كبير علينا ,, وبيت اهلك ماشالله كبير,, ليش مانسكن عندهم ,, وبسعر البيت نحاول نساعد اهلك ,, يامشعل هذولا اهلك ,, ولازم نوقف معاهم ,, وبعدين ماعندي مشكله اعيش باي مكان اذا انت معاي
مشعل كان معجب بعقل نجود وبحكمتها ,, بس اليوم كبرت بعينه كثير وحس انه اول مره يشوفها
مشعل: نجود انا مادري ايش الشي الحلو الي سويته بحياتي علشان ربي يرزقني زوجه مثلك,,, انتي ملاك
نجود استحت: يعني موافق
مشعل: بس يانجود هذا بيتك ومــ..
قاطعته نجود : البيت الي اكون انا معاك فيه هو بيتي ,, وبعدين لي الشرف اني اسكن مع خالتي ,, وع الاقل اونسها شوي
000000000000000000000000000000 0000000000000000000000000
مشاعل كانت جالسه مع ام مشعل بالصاله بعد ماطلع من عندهم مشعل وزوجته
ام مشعل: ياحبي لها نجود طيبه والله اني حبيتها من اول ماشفتها
مشاعل: ايه يمه انا الي خاطبتها لمشعل اكيد راح تعجبك
ام مشعل: لا والله لانه مره سنعه مو لانك خاطبتها
مشاعل تبي تغير جو النكد الي ام مشعل عايشه فيه من بعد موت زوجها: يعني تنكرون فضلي
ام مشعل: الفضل لله مو لك ههههههههههههه
مشاعل: طيب ياخالتي
دخلت عليهم ام سلطان مثل البركان
ام سلطان: وين عيالك ابي عيالك
ام مشعل خافت وقامت: بسم الله ايش صاير؟؟؟
مشاعل خافت من صوت ام سلطان الي مايبشر بالخير: خالتي ايش فيك؟؟؟
ام سلطان: انا ابي عيالك وين مشعلوه ,, وين سعودوه
مشاعل: احترمي نفسك اخواني مو اسمائهم سعودوه ومشعلوه,, تكلمي زين والا اطلعي برا
ام سلطان دخلت البيت وبدت تصارخ: سعووووووووووووود ,, اطلع انا عارفه ان هنا
ام مشعل: انتي جايه تتهجمي علي ببيتي
ام سلطان: تحسبوني غبيه وراح تلعبو علي,, انا الحين ابي حق عيالي
ام مشعل ومشاعل انصدموا
مشاعل:اي حق الي تتكلمي عنه؟؟؟
ام سلطان: الورث,,, قالوا ايش عيالك الشركه خسرانه,, انا مايمشي علي هالكلام,, لما كان ابومشعل عايش ماكانت الشركه خسرانه
والحين خسرت بعد موته,, اسمعوا الحركات هذي مو علي,, ابي حقي وحق عيالي
مشاعل انقهرت من وقاحتها ابوها ماصار له شهر ميت وهذي جايه تبي فلوس: اطلعي برا واذا تبي فلوسك روحي طالبي بها بالمحاكم ,, اما اخواني انشالله ماراح نقصر معاهم
ام سلطان: والله مااخليكم والله لاسحبكم بالمحاكم
مشاعل: الي ماتطوليه بيدك وصليه برجلك ,, برااااااااااااا
طلعت ام سلطان معصبه
ام مشعل انهارت من القهر لان زوجها ماله شهر ميت وهي جايه تطالب بفلوسه
000000000000000000000000000000 000000000000000000000000
ساره طالعت موبايلها ,,, لقت رقم حسين يدق عليها للمره الالف,, ذبحها من كثر الاتصالات ,و خافت ترد تخيب ظن اخوها فيها,, يكفي انه وثق فيها ,,, لو واحد مكانه اقل شي كان حبسها ,,, لكن طلع متفهم ورجع يثق فيها ومستحيل تخيب ظنه
اما منال ووليد وماجد ولا واحد رجع يدق عليها,, طبعا اكيد كل واحد لاهي بمشكلته,, ولاحتى فكروا فيها
دقت ساره ع مشاعل
ساره: ميشو ودي اقول لك شي بس مستحيه
مشاعل: قولي ياقلبي؟؟؟
ساره: بصراحه حسين صار له اكثر من شهر يدق كل يوم ,,, وبصراحه انا خايفه بندر يشوف الرقم ويشك فيني
مشاعل: طيب تعالي عندي بكره ودقي لي عليه وانا راح اكلمه واقول له مايزعجك
ساره: بس اخاف احرجك يامشاعل
مشاعل: لا عادي انا ودي ادق عليه الحين بس تعرفي ماقدر اخزن الرقم ولا اكتبه ,, هو اكيد يدق يدورني
ساره: ايه تعبت من كثر ماارد عليه ,, ودايما يسال عنك
اتفقوا ع ان ساره تجي عند مشاعل بكره وتدق ع حسين ,, سمعت مشاعل صوت خط جاها ,, ماكانت تدري مين ,,, ولما قفلت من ساره ,,, سمعت الموبايل رجع يدق ,, دليل ع ان الرقم غريب يعني مو اي وحده من صاحباتها لانه لو كان وحده من صاحباتها كان سمعت الاسم
ردت ع الرقم
مشاعل: الو
بندر: هلا ميشو ((انحرج لانه قال ميشو ))<-- متعود عند ساره يسميها ميشو
مشاعل على طول عرفت صوت بندر و مره استحت لان قال لها ميشو
مشاعل: اهلين
بندر: كيفك
مشاعل: الحمدلله كويسه
بندر: غريبه
مشاعل : ايش الي غريب
بندر: ماقلتي تسلم
مشاعل: هههههههههههههه
بندر: عموما انا بخير
مشاعل: ماقلتلك كيفك
بندر: يعني قلت ماتبعك لو كنتي راح تسالي
مشاعل: ههههههههههه طيب كيفك؟؟؟
بندر: ههههههههه,, اوه يعني لازم اجاوب مره ثانيه ,, توني جاوبت
مشاعل رجعت للرسميه: هلا بندر كيف الوالده والوالد
بندر: كلهم تمام الحمدلله , ,بس غريبه ماسالتي عن ساره؟؟؟
مشاعل:ببساطه لاني توني مقفله منها ههههههههههههه
بندر : اها ,,, ياليتني ساره
مشاعل استغربت وقاحته خير مايعرفها يقول هالكلام: ......................
بندر: مشاعل انا اسفه ,, اظن اني تماديت شوي
مشاعل: ...............
بندر: مشاعل ودي اكلمك في موضوع
مشاعل: تفضل
بندر: يعني احتمال الموضوع يطول شوي ,, فاضيه؟؟؟؟
مشاعل: ايه
بندر: اسمعي ارجوك لاتقاطعيني, خليني اكمل للنهايه بعدين عطيني رايك
مشاعل :انشالله
بندر: مشاعل انا كلمت واحد بالمستشفى على موضوعك
مشاعل: بندر لو سمحت الموضوع هذا انتهى
بندر: مشاعل انتي وعدتيني انك ماتقطاعيني,, بعدين انتي ايش راح يضرك اسمعيني للنهايه واذا ماعجبك كلامي قفلي ,, اتفقنا
مشاعل :اوكي
بندر : مشاعل انا سمحت لنفسي اني اخذ نتيجه تحاليك من المستشفى الي كنتي فيه قبل,, والاشعه ,, وتقرير الدكتور عن حالتك وعرضتها ع الدكتور الي قالت لك ساره عنه,, واستغرب الدكتور مره انك للحين ماسويتي العمليه ,, وخاصه انها سهله وانشالله نتيجتها مضمونه ,, واستغرب ان الدكتور الي بالمستشفى ماسواها لك ,, لانه ع كلامه ماتحتاج دكتور خبير
المهم يامشاعل انا حددت معاه موعد علشان يكشف عليك
مشاعل: يابندر انا جد مااقــ
قاطعها بندر: ادري ايش راح تقولي ان اوضاعكم صعبه هاليومين ,, بس لاتخافي علاجك كله وسفرتك والمرافق الي راح يكون معاك كلها ع حساب المستشفى
مشاعل مستغربه: اي مستشفى
بندر: لاتخافي ماراح ادفع شي من جيبي,, انا كلمت واحد مسئول كبير بالمستشفى ,,, وجبت امر ملكي انك تتعالجي ع حساب المستشفى ,, ولاتخافي ماراح تحرجي اهلك باي شي لان سفرتك كلها ع حساب المستشفى من تذاكر وسكن واكل وشرب وعمليه ولو تبي استجمام بعد
مشاعل تفاجاءت من كلام بندر ,,, معقوله فيه امل لها ,, خافت تفرح يصير شي يخرب فرحتها
مشاعل: مدري ايش اقول لك
بندر: انا مابيك تقولي شي كل الي ابيه ,, انك تقفلي الحين وتفكري كويس,, وبعدها ابيك تستخيري ,, وبكره راح اتصل فيك واسمع انشالله موافقتك
مشاعل: والله مدري شلون اشكرك ع الي تسويه يابندر جد احرجتني
بندر: انا ماسويت هالشي ع شان تنحرجي او تشكريني ,,,, وعموما اذا تبي تشكريني تقدري بطريقه وحده بس
مشاعل: ايش هي؟؟
بندر: انك توافقي تسوي العمليه,, وعموما لاتشيلي هم يامشاعل الاوراق انا راح اجهزها وراح اروح معاكم واجهز كل شي انتي مالك الا توافقي , اتفقنا
مشاعل كل يوم يكبر بندر بعينها اكثر ,, استغربت حرصه الزايد عليها ,, معقوله كل هذي شفقه,,,مستحيل,,, اكيد هالشي اكبر
بندر: مشااااااااااااعل وينك؟؟؟
مشاعل: معاك
بندر: معاي متاكده,, عيني بعينك
مشاعل استحت
بندر: عموما بكره راح اتصل فيك وانشالله اسمع اخبار حلوه
مشاعل: انشالله
بندر: اوكي مشاعل تصبحي ع خير
مشاعل: وانت من اهله ,, باي
بندر: باي
مشاعل كانت تفكر ببندر ,, وطرى ع بالها طلال تذكرت مكالماتها له ,, وكيف كانت تحس لما تكلم طلال,, بعكس الاحاسيس الي تحسها مع بندر,, صح انها منجذبه له وصح انه فيه كل شي تتمناه البنت,, بس ماكانت تدري ليه معاه ماتحس بالمشاعر الحلوه الي تحسها مع طلال مع ان طلال ماقدم لها الاالعذاب والحسره,, اما بندر قدم كلها كل شي حلو
مشاعل في نفسها"ايش الي يخليه يسوي لي كل هالاشياء علشاني؟؟؟ ,, معقوله بس علشان ساره ,, لاني صاحبتها؟؟؟ لا حسيت من صوت بندر ان فيه شي ثاني,,, الله يستر لايكون الي في بالي صدق,,, معقوله ,, لالا ,, انا اتوهم,, معقوله بندر يحبني"
خات من هالفكره
مشاعل"بندر مايتستاهلني,, انا مقدر احبه,,,انا حبيت مره ومقدر احب مره ثانيه,, قلبي سلمته لطلال والي ماعرف شلون يقدره,, مستحيل اسلم قلبي لاحد,, ياليتني اقدر ابدا مع بندر بدايه حلوه ,, بس ليش مقدر,, ليش خيال طلال مو راضي يبعد عني,, ليش لم اسمع صوت بندر احن لطلال اكثر"
تعبت من التفكير,, كان بندر موصيها تفكر بالعمليه ,, بس لقت نفسها لاشعوريا تفكر بطلال وتحن له
بكت مشاعل" اااااااااااه ياطلال والله احبك,, لو تعرف ايش كثر مشتاقه لك ,,, طلال ياليتك تحبني مثل مااحبك"
000000000000000000000000000000 0000000000000000000000000
الهنوف:حبيبي صدقني والله ماهمني لا مهر ولا شهر عسل ولا همني شي ,,,سعود انت كم معاك الحين؟؟؟
سعود: الهنوف انتي عارفه وضعنا المادي الحين ,, هنوف اسف لازم ناجل موضوع الخطبه,, وبعدين ايش تبيني اقول لامي ,, تعال اخطبي لي وابوي ماله شهر متوفي؟؟
الهنوف: ياقلبي والله انا مقدره بس اهلي مو راضين يحسون فيني ,, طيب اسمع انا عندي مبلغ حلو بالبنك,, راح احوله ع حسابك,, وقدمه لي مهر,, وانشالله اذا تحسنت ضروفك راح تعوضني
سعود عصب: تبيني اخذ مهرك منك ,, جد يالهنوف طحتي من عيني ,, على بالك انا مو رجال
وقفل الخط بوجهها من الزعل
طفش من الظروف الي يعيشو فيها ,, احوال ماديه زفت,,, وديون من كل مكان,, وهنوف الي مو راضيه تستنى,, ومشاعل التعبانه والي تتمنى تسوي عمليه
كان وده يقفل عيونه ويفتحها وتنحل كل مشاكلهم
000000000000000000000000000000 0000000000000000000000000
فهده وعبدالمجيد كانوا في الطريق للعياده
طبعا فهده راكبه ورى ماتبي تشم ريحه زوجها
عبدالمجيد وهم بالاشاره رجع يده لورا عند فهده: شمي ريحتي شمي
فهده: وووووووع ,, عبدالمجيد والله برجع ياشين حركاتك
عبدالمجيد: تدري يافهده سببتي لي عقده,, والله صرت اشك بنفسي,, تدري لو ماتطلعي حامل بطلقك بالعشر
فهده: احسن فكه منك
عبدالمجيد: العيال بالدوام يقولون ايش فيها فتحات خشمك كبرت ,, قلت لهم والله من كثر الشم ههههههههههههههه
فهده : ياسخفك,, اسكت ترى ماحب اسمع صوتك
وصلوا العياده ,, وبعد التحاليل
الدكتوره : الف مبروك يامدام انتي حامل
فهده مو قادره تصدق من الفرحه : الله يبارك فيك
عبدالمجيد ضم زوجته قدام الممرضه والدكتوره ماقدر يستحمل
فهده: وووووووع بعد عني ريحتك مقرفه
عبدالمجيد: اقول دكتوره زوجتي حامل بطفل والا عطر؟؟؟
الدكتوره: هههههههههههه ,, طبعا ولد ,,, بس ايه السؤال الغريب ده؟؟؟
عبدالمجيد: لانها من تشوفني تقول تعطر ريحتك خايسه
الدكتوره: ده الوحم شي طبيعي ,, ,معليش استحملها شويه,, وهي حتبأ ام عيالك
عبدالمجيد: طيب دكتوره لو اجلس 3 ايام ماتحمم تتوقعين تروح العقده الي عند زوجتي من الريحه,, لما تشم ريحه الخياس جد
الدكتوره: هههههههههههههههه ,, لا حرام عليك انتا عاوز تأتل العيل
000000000000000000000000000000 0000000000000000000000000
كانت مشاعل عند ساره ودقت لها ع حسين
مشاعل: هلا حسين
حسين : هلا والله وغلا بميشو,, اكرهك يادبا وينك وحشتيني
مشاعل: معليش حسين كنت تعبانه شوي, عموما انت كيفك؟؟؟؟
حسين: انا الحمدلله ,, انتي الي كيفك
مشاعل: انا تمام,, حسين بغيت اقول لك شي ,, لاتدق ع ساره لان ظروفها بالبيت صعبه
حسين : ميشو انا كنت ادق عليها علشان ودي اكلمك واتطمن عليك
مشاعل: شكرا ياحسين والله فيك الخير
حسين: وربي ياميشو من اخر مره كلمتني ساره وقالت لي ع الي صار لك وانا ما اذوق طعم النوم زين
مشاعل: احسن لاتذوقه اصلا هو الايام هذي صاير بدون ملح هههههههههههه
حسين: ههههههههههههه ميشو للحين ثقيله دم؟؟
مشاعل: لا خففته شوي
حسين: وكيفك بعد هالحقير طلالوه ,, الله لايوفقه ع الي سواه فيك
مشاعل: حسين لو سمحت لاتفتح لي مواضيع انتيهنا منها وسكرناها
حسين: انا انتقمت لك منه الحقير
مشاعل خافت :ايش سويت ياحسين؟؟؟
حسين: صدمته بسيارتي
مشاعل صرخت: مجنوووووووووون,, وايش صار له ,, حسين ايش سويت له ؟؟ تكلم؟؟؟
حسين انصدم من رده فعالها: ميشو هذا جزاي المفروض تقولي انت ايش صار لك,, مو تخافي ع هالحقير,, عموما لاتخافي هو قطوه له 7 ارواح وانا بس لعبت مع روح من ارواحه
مشاعل ارتاحت: يعني ماصار له شي؟؟؟
حسين بزعل: لا
مشاعل:حسين لاتزعل ,, بس هو ماله ذنب بالي صار لي,, هو ماحبني بيوم ,, كل الي سواه انه مثل علي وانا المغفله الي صدقته,, بس مو معنى هذا اني اتمنى له الموت
حست بشوق يقتلها لطلال,, نفسها تسال حسين عنه ,, بس استحت
حسين: عموما انا حبيت اسلم عليك,, ميشو هذا موبايلك؟؟؟
مشاعل: ايه
حسين: ترى بدق عليك اذا اشتقت لك اوكي
مشاعل: حسين انا مادوي ارجع مثل قبل اكلم ,, حسين انا كلمتك لاني اعتبرك اكثر من اخ ,, مو هاين علي اتركك كذا بدون ماودعك
بس حسين لازم ننهي الي بينا
حسين: مشاعل مستحيل انساك او اتركك,, انتي مثل اختي الكبيره ومااستغنى عن نصايحك لي , والا تبيني انحرف؟؟؟
مشاعل: ههههههههههههه تنحرف عاد,, طيب حسين اذا فيها انحراف اوكي ,, بس بليز حسين لاتكلمني في مواضيع الشباب او الطلعات لاني عاهدت نفسي اني اترك هالاشياء
حسين:احسن لاني اغار عليك
مشاعل: ههههههههههههه تغار علي ياغبي ,, انا لو متزوجه كان عندي ولد كبرك ههههههههههه
حسين: ايش عندها العجوز ام 100 سنه
مشاعل: ههههههههههههههههههه
000000000000000000000000000000 0000000000000000000000000
طلعت ساره من عندها وكانت تستنى بندر تبي تقول له ع ردها بخصوص موضوع العمليه
دق موبايلها وكان رقم بندر لانها قالت لساره تخزن رقم بندر بصوتها بس باسم بدريه لووووووووول
علشان لو كان احد جنبها مايسمع الموبايل يقول بندر
دق موبايلها وكان صوت مشاعل يقول بدريه ,,معنى هالكلام ان بندر هو الي يدق
حست بسعاده نوعا ما , ع الاقل ترتاح لما تكلم بندر,, فرحت لهالاحساس يمكن بندر يقدر ينسيها طلال
بندر: هلا والله وغلا بتسلم
مشاعل : هههههههههههه تسلم
بندر: كيفك ؟؟؟
مشاعل بمرح : تمام,, انت كيفك؟؟؟؟
بندر: تسلمي انا بخير ههههههههههههه
مشاعل: خلاص بندر كرهتني بهالكلمه
بندر: وراح اكرهك فيها لحد ماتردي علي ايش صار بموضوعي؟؟؟
مشاعل: اتذكر انه موضوعي والا؟؟؟
بندر بحنيه: اظن ان موضوعك هو موضوعي,, وكل شي يهمك يهمني
وسكت يبي يشوف رده فعلها
استغربت مشاعل من الي حست فيه ,, ,كانت تحس بفرحه لكلامه,, كانت محتاجه لحنان مو من صاحبه ولا اخو ولا اخت,, تبي شخص يحكي معاها ويهتم لها
مشاعل :........................
بندر بحماس: هاه ميشو ايش سويتي ,, قررتي والا نتصل بصديق؟؟؟
مشاعل تضحك: لا قررت
بندر بدا مهتم : بشريني
مشاعل: بندر انا موافقه
بندر كان راح ينجن من الفرحه
مشاعل: بس بندر انا منحرجه اقول لاخواني,, اخاف يقولو عني انانيه وافكر بنفسي
بندر: ولا يهمك اتركي موضوع اخوانك علي
مشاعل: شلون؟؟
بندر: انتي اهم شي سوي نفسك ماتدري عن شي ,, واخوانك هم الي راح يقترحوا عليك اتفقنا
مشاعل اعجبها طريقه بندر في حل كل مشاكلها ,, حست انه له قدره ع اسعادها
لما دق عليها كانت الساعه 1 بالليل ,, وماقفلوا الا 5 الفجر ,, كان 4 ساعات حلوه تكلموا فيها عن كل شي ,,, حست انها مبسوطه معاه,, وكلها فرح,, كان يتكلم عن نفسه ,, وعن مشاريعه ,, وكان يتكلم بصيغه الجمع وكانها راح تشاركه بحياته
حست مشاعل انها تعني الكثير بالنسبه لبندر ,,, واعجبها هالاحساس مع انها في البدايه كانت تنفر منه,, حست ان بندر ينتظر نتيجه العمليه ع شان يخطبها,, حست هالشي بكلامه,, وبسكوته
كان سكوته معبر ,,, وكلامه بلسم ع جروح مشاعل
ومع كل هالاحاسيس الحلوه حست انها قربت كثير من نسيان طلال,, حتى انها نادر ماتفكر فيه,, وحتى لو فكرت كان بندر ينتصر ع طلال في النهايه
مر اسبوع ع موضوع بندر ,, وكان كل يوم يكلمها ,, وكانت سعيده بمكالمته
وجاء اليوم الي ع قولت بندر راح يكلم اخوانها بموضوع العمليه
كانت خايفه من رده فعل اخوانها وهل بيوافقوا او يرفضوا

الجزء التاسع عشر




في بيت مشعل كان مشعل ونجود جالسين
مشعل دق موبايله
مشعل: هلا والله بندر
بندر: هلا بالقاطع
مشعل: اهلين ومرحبتين واحد كاش وواحد دين,, واحد على الراس وواحد على العين
بندر: هههههههههه مشالله صاير شاعر
مشعل: هذا من تاثير الاشرطه الي نسمعها هههههههههههه
بندر: ههههههههههه,, اقول مشعل بغيتك بسالفه اذا فاضي اليوم ودي امرك
مشعل: حياك
بندر: امرك ببيت الوالد الله يرحمه والا ببيتك؟؟؟
مشعل: الي يريحك
بندر: اجل خلني امرك ببيت الوالد لان ودي سعود يكون موجود
مشعل استغرب ايش السالفه : حياك ننتظرك بعد صلاه المغرب
بندر: انشالله على خير
مشعل: فمان الله
بندر: فمان الكريم
مشعل بعد ماقفل:غريبه يانجود هذا بندر ,,, داق يبيني بموضوع الله يستر
نجود:طيب عادي يمكن يبي يسلم
مشعل:ماظن قال ابيك بسالفه وابي سعود يكون موجود
نجود:عادي حبيبي يمكن زياره عاديه
مشعل:لا ماظن يانجود
نجود:انشالله مافيه الا الخير انت لاتفكر بس
مشعل:راح ادق على سعود لايرتبط باحد
مشعل دق على سعود
مشعل: سعود ايش عندك اليوم؟؟
سعود: ولا شي,,, من شوي كلمني بندر يقول بيجي بعد المغرب
مشعل:ايه دق علي انا بعد ,, الله يستر ماقال لك ايش يبي
سعود: ياشيخ الرجال مايجي منه الا كل خير,,,, وعلى قوله المثل ياخبر الضهر بفلوس المغرب يبأأ ببلاش ,,, ويقول المثل الميه تكذب الغطاس ,,, ويقول بعد الي مايشتري يتفرج,,, ويقول المثل بعد خذ حبه واحصل على ثلاث مجانا ويقول بعــ..
قاطعه مشعل: بس بس وقف ازعجتني انت وامثالك المعفنه ,, اقول ماتدري عن ميشو اذا عندها خبر بالموضوع
سعود: ودي اعرف ليش مشغل نفسك؟؟تلقاه جاي يسلم ,, المهم ترى ابو سليمان ازعجني يبي فلوسه
مشعل:تبيني اسرق يعني؟؟؟
سعود:لا ماقلت نسرق بس ع الاقل خلنا نكلم عمي يمكن يسلفنا
مشعل:عمي عارف بوضعنا المادي الحين ,, ولو عنده نيه يساعدنا كان ساعدنا ,,, مانبي ياسعود نذل نفسنا لاحد
سعود: اذا انشالله صارت اخرتي انا وياك بالسجن خل كرامتك تنفعك
مشعل: فالك ماقبلناه,, انشالله ماتوصل لهدرجه ,,, المهم لاتطلع ترى الرجال راح يجي
وقفل مشعل من سعود
نجود: حبيبي ايش صار بموضوع بيتنا؟؟
مشعل: والله مدري ايش اقول لك يانجود
نجود: قول انك موافق نبيعه
مشعل: اذا كان هالشي يسعدك انا موافق
نجود: اوكي اجل بكره راح اجهز اغراضنا علشان نروح بيت خالتي
مشعل: بهالسرعه؟؟؟
نجود: ايه خلنا نطلع بسرعه علشان تلحق تلقى مشتري للبيت
000000000000000000000000000000 000000000000000000000000
ام فهده: هاه صويلح ماتبي تعرس اخطب لك؟؟
صالح: لايمه ,, ايش ابي بالعرس ,, اجيب حرمه تغثني؟؟؟
ام فهده: ياحبيبي هذي سنه الحياه ,, وبعدين منهي هالحرمه الي راح تغثك وانا موجوده والله لعلمها السنع
صالح: ايه يمه اذا انتي راح تربيها ,, انا مستعد اتزوج
ام فهده: ولا يهمك ياوليدي ,,, انت اعرس وانا اربيها لك اخليها تمشي ع العجين ماتلخبطه
صالح: اجل يمه اخطبي لي ذيك المزيونه صديقت فهده
ام فهده: من قصدك مشاعل؟؟؟
صالح: مدري ايش اسمها يمه
ام فهده: لا ايش نبي بها ,, ماتشوف عمياء ياوليدي ,, ابي لك وحدتن تشوف
صالح انصدم: عمياء؟؟؟؟بس انا شايفها تمشي وتشوف طريقها , ,لما رحتي انتي وفهده لبيت صديقتها
ام فهده تتذكر: ايه قصدك ساره
صالح: يمه مدري ايش اسمها
ام فهده : ايه ياوليدي هذي بنيه زوينه,, اجل بدق ع فهده تعطيني رقم امها ,, واخطبها لك
صالح: ايه يمه تكفين ترى البنت حلوه مره,, بس يمه ابيك تربيها زين لان شكلها ماتربت
ام فهده: ايه لسانها طويل يبي له قص,, بس انت اصبر لما توافق ,, واتركها لي
صالح: كفو
000000000000000000000000000000 0000000000000000000000000
في مجلس بيت ابو مشعل
مشعل: حيا الله بندر
بندر: الله يحييك,,, وانا اعتذر منكم ان كنت عطلتكم عن اشغالكم
مشعل: لا وش دعوى البيت بيتك
بندر: الله يطول بعمرك ,,, بصراحه الموضوع الي جاي اكلمكم فيه يخص مشاعل
سعود مستغرب: مشاعل
بندر: ايه,,, طبعا انا عرفت بالصدفه من اختي ان مشاعل ماتشوف من اثر حادث وان الدكتور قال لكم ان عمليتها نسبه نجاحها جدا ضئيله
مشعل: صح
بندر: وانا بصراحه اعتذر منكم اني تجرات واخذت تقرير الدكتور وعرضته على دكتور خبير بالمانيا ,,, والحمدلله طمني ان العمليه باذن الله سهله ,,, وبصراحه انا عز علي بنت بهالسن لها امل بعمليه وماتسويها وحبيت اساعد اذا هالشي مايضايقكم
سعود ومشعل انصدموا باهتمام بندر بمشاعل
بندر خاف انهم يرفضوا علشان الاوضاع الماليه وحب يفهمهم ان العلاج راح يكون مجانا
بندر: عموما الرجال ينتظر مني اتصال ,,, لان علاج مشاعل راح يكون ع المستشفى ,, وراح يتكفلوا بكل شي من دخولها للمستشفى لما تطلع
مشعل: بصراحه مدري ايش اقول لك انت فاجئتنا
سعود: يابندر والله انك من اصل طيب,,, انت ماتركتنا من وفاه ابوي ,,, والحين جاي تساعد مشاعل,,, بصراحه احترنا كيف نشكرك
بندر: اذا تبو تشكروني ,, وافقوا انتم وبعدين اقنعوا مشاعل تقبل((كان يبي يوهمهم ان مشاعل ماتدري علشان مايشكوا ان بينهم شي))
مشعل: والله احنا منيتنا ان مشاعل ترجع تشوف ,, بس انا خايف اننا اول شي نتعبك ونكلف عليك,,, واخاف مع هذا مشاعل تسوي العمليه وماتنجح وبعدين تتعب نفسيتها
بندر: من ناحيتي انا لاتخافوا علي ,, انا ماراح ادفع شي من جيبي ,, وانتم كمان ماراح تدفعوا شي ,,, يعني ليش مانخاطر,, اما مشاعل انشالله راح تنجح العمليه ,, وحتى لو مانجحت لاسمح الله مع ان هالشي مو وارد,, بس ع الاقل نكون حاولنا ,, والا انتم يرضيكم حالها ووضعها كذا؟؟
مشعل: لا اكيد مايرضينا,, بس انت فاجئتنا يابندر
بندر: ادري والله بس انا ماقدرت انتظر خاصه ان الفرصه جتني ,, قلت اقول لكم,,وعموما انتم فكروا وبلغوني اذا مشاعل وافقت من بعد اذنك طبعا
000000000000000000000000000000 00000000000000000000000000
مشاعل كانت في غرفتها ميته خوف ,, خافت اخوانها يشكوا فيها
دق موبايلها وكانت نغمه بندر
مشاعل: الو
بندر: هلا ميشو
مشاعل: طلعت؟؟؟
بندر: ايه الحين طلعت ,, بس اسمعي مثل ماوصيتك ,, كانك ماتعرفي شي اوكي
مشاعل: اوكي بس بندر انا مره خايفه ,, اخاف يشكوا فيني واخاف مايوافقوا
بندر: مستحيل مايوافقوا لاني حسيت انهم فرحوا بهالخبر
مشاعل : انشالله
سكتت لما سمعت صوت ع الباب
مشاعل بهمس: بندر بعدين اكلمك اخواني عندي
وقفلت
مشاعل: ادخل
مشعل وسعود: السلام عليكم
مشاعل: عليكم السلام
سعود: ممكن ياقمر ننشب لك شوي؟؟
مشاعل: ههههههه تنشبوا لي
سعود: ايه نبي نسولف معاك شوي
مشاعل: اكيد بدون ماتستاذنوا
مشعل: ميشو ايش رايك بسفره حلوه لالمانيا؟؟؟
مشاعل كانت ودها تنفجر من الضحك ع اخوانها الي يحسبوها ماتدري عن شي
مشاعل: لا مابي
وطبعا كان سعود ومشعل يحاولوا يقنعوها تسافر ,, وبعد ساعه من الاقناع اقتنعت مشاعل,,, وقرروا انهم يبلغوا بندر عن رايهم,,, وقرروا بعد ان سعود هو الي راح يروح مع مشاعل,, لان مشعل اول شي صعبه يروح ويترك زوجته ,, وثانيا الشركه ومشاكلها سعود مايقدر يتحملها
000000000000000000000000000000 0000000000000000000000000
فهده تكلم امها: هلا ماما كيفك وكيف صالح؟؟؟
ام فهده: بخير جعلتس بخير,,, وصالح يسلم عليتس سلام كثير
فهده استغربت حنيه صالح : الله يسلمه
ام فهده: ماتقولين اجي ازور امي ,, ولا اسير عليها
فهده: لا يمه انا كنت راح اجيكم انشالله اليوم ,, خاصه وان عندي خبر حلو
ام فهده: وش هالخبر الزين رجلتس شرى لتس بيت,, والى كتب لتس شين باسمتس؟؟؟
فهده: لا يمه شي احلى واكبر
ام فهده شهقت: شرى لتس قصر؟؟؟؟؟
فهده: يمه اكبر معنويا مو ماديا
ام فهده: وش تقولين انتي ,,, انتي من يوم خذتي هالرجل وانا ماعرف حتسيتس
فهده: يمه خليها مفاجاءه لما اجيكم اليوم انشالله
ام فهده بطفش: ايه طيب بس لاتبطين ,, تراني ابيتس بموضوع
فهده خافت: يمه ايش فيه؟؟؟
ام فهده: ابد يابنيتي ,,, اخوتس يبي يخطب
فهده فرحت: من جد ماما الف مبروك
ام فهده: انا قلت بيخطب ماقلت تزوج
فهده بنفسها الله يعين الي بتاخذه: طيب ماما انشالله ماراح اطول
000000000000000000000000000000 0000000000000000000000000
ام مشعل : انشالله ترجعي من السفر بالسلامه , وانشالله ترجعي تشوفي احسن من اول
مشاعل فرحانه: انشالله ماما
الكل انصدم مشعل وسعود وام مشعل حتى مشاعل نفسها انصدمت ,,اول مره تتجرء وتقول لاحد ماما بعد ما امها ماتت
يمكن الفرحه لخبطتها,, انحرجت وطلعت غرفتها,, وهي بنص الدرج سمعت ام مشعل تبكي,, ونزلت لها مره ثانيه
مشاعل: خالتي ايش فيك تبكي؟؟
ام مشعل تبكي: اول مره اسمع منك هالكلمه ,,, جعلك سعيده بالدنيا والاخره يابنيتي,, كنت اتمنى هالكلمه من زمان تطلع منك,, وانا استحيت اطلبك تقوليها ,,, لاني حسيت ان مافيه احد يحل مكان امك,, مع اني والله احبك ,, ولو عندي بنت ماحبيتها كثر ماحبك
مشاعل بكت من كلام ام مشعل: يشرفني ياخالتي انك تكوني ماما
سعود كان فرحان بتطور الامور ,, حس ع الاقل ان الامور بدت تتحسن
اما مشعل كانت دمعه من عينه تاخذ طريقها لخده ,, تاثر بالموقف ,,, وتاثر بالحب الي بين امه ومشاعل,, اول مره يشوفهم متاثرين لهدرجه
ام مشعل: الله عوضني بفقده ابو مشعل ,, بهالكلمه يامشاعل, لاتحرميني منها الله لايحرمك الجنه
مشاعل بكت من قلبها,, ماكانت تتوقع اثر هالكلمه كبير لهدرجه
مشاعل: صدقيني محد يهون علي موت بابا ويخفف علي احزاني الى انتي يا .. ماما
ام مشعل ضمت مشاعل بقوه وبكو الثنتين
هنا دخلت ام سلطان
ام سلطان: ياحرميه ,,, رجعوا لي فلوس عيالي
مشعل: اي فلوس ؟؟؟ايش تتكلمي عنه
مشاعل: مشعل لا تكلم هالاشكال,, وبعدين انا قلت لك روحي للمحاكم لان مالك شي عندنا
سعود: اي محاكم واي فلوس ايش القصه
ام سلطان: ماتدري ايش فيه ,,, سارقين فلوسي وتقولوا ايش صاير,,, ابي ورثي وورث عيالي الحين
مشعل عصب منها: ام سلطان تدلي الباب والى ادلعك,, وياليت اخواني يجوا عندنا لاننا راح نقدر ناكلهم ونشربهم,, اما انتي اطلعي برا وتدبري شؤنك برا بيتنا
ام مشعل: مشعل عيب عليك
مشعل: ماتسمعي ايش تقول؟؟؟؟
ام مشعل: عيب عليك ياام سلطان انتي حرمه كبيره والمفروض تكبري عقلك ,,, انتي عارفه ان ابو مشعل خسر كل فلوسه من وين نجيب لك الورث,, وبعدين المحامي راح يبين لكل واحد الي له والي عليه,, ومو معقوله احنا بس المسؤلين عن دفع ديون الشركه ,,, المفروض انتي بعد تدفعي معانا
ام سلطان : طيب انا اوريكم
وطلعت معصبه ودخلت بيتها وسكرت الباب
سلطان: ماما ايش فيك معصبه؟؟؟؟
ام سلطان: انقلع عن وجهي
فهد: ماما ابي اروح صاله التزلج مع اصحابي
ام سلطان: روح وانا ايش دخلني
فهد: ماما ابي فلوس ما معاي
ام سلطان: روح قول لاخوانك يعطوك انا ماعندي شي
قفلت ع نفسها غرفتها وطالعت نفسها بالمرايه
ام سلطان: ااااااااه يالقهر ,,, هالشايب مالقى يموت الا الحين,, كنت ناويه اسافر اسوي لي كم عمليه تجميل,, لازم اسوي شد لوجهي احسه بدا يترهل,, ولازم اسوي شفط دهون لبطني ,, من بعد ماجبت هالفيصلوه كبر بطني
يا الله قهر ,, ليته صبر شهر,, انا لازم ارفع عليهم قضيه,, بس من وين اجيب حق المحامي,, واهلي مافيه امل يعطوني ولا ريال حتى
000000000000000000000000000000 0000000000000000000000000
ام ساره : حبيبتي ساره
ساره: هلا ماما
ام ساره: اتصلت علي ام مازن تعرفيها ؟؟؟ جارت خالتك هيا
ساره: ايه ماما اتذكر شفتها ببيت خالتي
ام ساره: ايه حبيبتي متصله تخطبك لولد اختها
ساره: الله يمه,,, ولد اختها يابوي حك ظهري
ام ساره: ههههههههههههه ,,, ولد اختها ايش الي يابوي حك ضهري
ساره: طيب ماما ايش قلتي لهم
ام ساره: قلت لهم بسال البنت وبسال ابوها وارد لكم
ساره: ايه ماما خلي بابا وبندر يسالوا عنه ترى انا مابي لحط
ام ساره: وايش لحط هذي؟؟؟
ساره: يعني قراوى ,,, انا ابي ناس اول شي كاش واهلهم لبيسين ,, مابيهم يفشلوني عند الي اعرفهم اذا قالوا هذولا اهل زوجك
ام ساره: اما انك غريبه ايش دخلك باهله ,, اهم شي الولد
ساره: اووووووه يمه ,, انا ماراح تزوج ع كيفكم انا راح اتزوج الي انا ابيه
ام ساره: يعني ايش اقول لهم يجوا او لا
ساره: يجوا وين
ام ساره: امه واخته يبوا يجوا يشوفوك ,, تدرين ماعمرهم شافوك ,, يسمعون بك من خالتهم ,, وودهم يجوا يشوفوك
ساره تفكر: تدرين ماما خليهم يجوا ,, خليني اشوفهم بعيني واذا اهله قراوى ومايعرفو يلبسوا وحسيت ان حالتهم الماديه مو ذاك الزود ,,, اطردهم قبل لايخطبني
ام ساره: ايش هالثقه ,, يمكن هم الي مايبوك
ساره: بدري عليهم,, المهم ماما اتصلي عليهم وقولي لهم
ام ساره: مو قبل مانسال ابوك
000000000000000000000000000000 0000000000000000000000000
بندر: هاه ميشو كيف الاوضاع ببيتكم ,,, كل شي تمام ,, اخوانك وافقوا
مشاعل : الحين اي سؤال تبيني اجاوب عليه؟؟؟
بندر: كلهم ههههههههههههههههههههه
مشاعل وهي تضحك : انشالله السؤال الاول الاوضاع ببيتنا تمام ,,, واذا على اخواني تخيل جلسوا ساعه يترجوا فيني اوافق اسافر
بندر وكانه يترجاها : ههههههههههههههههه,, بليز وافقي ميشو
مشاعل تسوي نفسها تتغلي : اممممم لا ههههههههههههههههه
بندر : ميشو ترى خلاص موعد سفرتك انشالله بعد اسبوعين ,,, اتفقنا حبيبتي
حبيبتي؟؟؟؟؟؟؟؟؟؟ تفاجات مشاعل من هالكلمه الي قالها بندر ,, صح انها هالايام تكلمه بشكل يومي ,, وصح اهتمامه فيها باين ,, بس اول مره تسمعه يقول حبيبتي
وفي الطرف الثاني بندر ماكان اقل صدمه من مشاعل ,, والي حاول يمسك هالكلمه اكثر من مره ,, بس اظن شفايفه خانته وماقدر يكتم مشاعره,, حبه لمشاعل كل يوم يكبر ,, وكان حريص مايبين لها كبر حبها بقلبه ,, خاف ترفضه وهو مايقدر يستحمل فراقها او زعلها عليه,,, بس اظاهر مشاعره اكبر من انه يكتمها بقلبه الي صار هاجس مشاعل مايفارقه ,,,كان يحلم فيها ,,, واحلامه ماكانت بالنوم بس,, بندر صار مهووس بمشاعل,, حتى وهو صاحي يحلم فيها
بندر انحرج: مشاعل اكلمك بعدين
مشاعل: اوكي باي
بندر: باي
مشاعل حست بالاحراج الي حس فيه بندر,,, كانت تخاف من هالكلمه من بعد طلال,, لكن مع بندر ع الاقل تحس بامان ,, كان صادق معاها وكان حبه واضح حتى وهو يخفيه,, معاه ماتخاف لامن مشاعرها ولا من المستقبل,,, استسلمت لمشاعرها ,,, وقررت انها تعطي نفسها فرصه تفرح,, تعيش تجربه ثانيه مع بندر,, الي انشالله تكون افضل من تجربتها مع طلال
اعجبت بقدره بندر الكبيره على سيطرته على افكارها ,, حتى ان طلال نست موضوعه ,, ونست ان مر عليها واحد اسمه طلال
000000000000000000000000000000 00000000000000000000000000

بندر من بعد ماقفل من مشاعل راح ع طول لغرفه ساره
بندر: سارونه نايمه؟؟؟
ساره:لا تعال جالسه اقراء
بندر: حركات يالمثقفه ايش تقرين؟؟؟
ساره: اقرا كتاب كيف تقول لا
بندر: لا الله يخليك الا هالكتاب
ساره: ليش؟؟
بندر: لاني ودي اقول لك شي واخاف تكونين استفدتي من هالكتاب وتقولي لي لا
ساره:هههههههههههه,, لا مكتوب بالكتاب اني اطبق كل شي اقراه الا على بندر
بندر: هههههههههههههههه,, طيب يادبا ابيك بكلمه راس
ساره تلتفت تدور احد
ساره: من متى انت تحظر جن؟؟؟؟
بندر: جن؟؟؟
ساره: ايه لاني ماشوف الا انا وانت كيف تقول كلمه راس,, الا كانك تشوف ناس انا ماشوفهم
بندر: هههههههههه ,, ايه الحين قدامي شايب منجن عليك
ساره خافت: لاااااا بندر ترى ماحب هالكلام لاتخوفني
بندر: طيب المهم ابيك بوضوع جدي
ساره: امر
بندر: شرايك فيني؟؟؟
ساره تضحك: بسم الله عليك انت ابد مو طبيعي اليوم
بندر: اسمعي انا عارف انك تحبي مشاعل مره وادري انها اغلى صاحبه عندك,,, وانا ياسارونه ودي .....
ساره تضحك: ودي بايش؟؟؟ تخطبها مثلا
بندر يبتسم: ايه اذا هالشي مايضايقك طال عمرك
ساره : والله احلى يوم بحياتي الي اشوفك مع ميشو ,, والله انكم لايقين ع بعض,, الا تعال ماقلت لها؟؟؟
بندر ارتبك: وانا متى كلمتها علشان اقول لها
ساره تغمز له: علينا ,, المهم ماعليك انا بكره اكلمها
بندر: بس سارونه ابيك ماتضغطي عليها,, ابيها تاخذ راحتها بالتفكير ,, وحتى لو كان جوابها الرفض ابيها تتاكد ان مافيه شي راح يتغير لا بينكم ,, ولا بيني وبين اخوانها ,, وموضوع العمليه منفصل تماما عن موضوع الخطبه
ساره: طيب ياتماما انت,,,طيب ليش ماتاجل الموضوع لحد ماترجع انشالله من العمليه
بندر: مااقدر لسببين
ساره: ايش هم؟؟؟
بندر: ماودي تظن اني مافكرت اخطبها الا بعد ما يرجع نظرها انا ياسارونه ابيها بكل عيوبها وحسناتها,,, والسبب الثاني مابي اتركها لوحدها هناك ولاابي اكون معاها بصفتي اخو صاحبتها , ابي اكون خطيبها
ساره : ااااااااااااه يابندر
بندر: ايش فيك؟؟؟؟
ساره حطت يدها ع خدها وطالعت بندر وابتسمت: ياحلو الحب
بندر ظربها بالمخده وطلع
000000000000000000000000000000 0000000000000000000000000
مشاعل كانت تنتظر بندر يدق ,, ,استغربت انه اول مره من بعد ماتوفى ابوها يخليها يوم بدون ماتسمع صوته,,, حست بشوق له ,,, كانت ترتاح معاه,, وترتاح لصوته وكلامه الحنون,, وخوفه عليها ,,, في بعض الاوقات كان يذكرها بطلال وبحنيه طلال المزيفه لها ,,, كان طلال طول الوقت يخدعها , اما بندر كان صادق
حاولت تستجمع كل ذكرياتها وكل حاظرها وترتب حياتها لمستقبل جديد غامض
فكرت بعرض بندر الزواج منها ,, بدايه خافت من الفكره وحست انه شعور طبيعي لكل بنت قبل الزواج
سالت نفسها سؤال ايش معنى انها تكون خطيبه بندر, معنى هذا انها في المستقبل راح يكون زوجها وهذا معناه انها راح تشاركه حياتها بكل تفاصيلها ,, حست برعب يقتلها,, اكيد هي ترتاح لبندر وتحس بصدقه وحبه لها ,, لكن مستحيل تقدر تشاركه حياتها ,,, حست بحنين يقتلها وحست بالم في قلبها لما تذكرت طلال ,, كانت دايما تحلم انه يكون زوجها ,, ماتخيلت نفسها تكون لواحد غيره ,,, مستحيل تشارك حياتها مع غير طلال
حست انها انخلقت له وهو انخلق لها ,,, بس بالمقابل ايش قدم لها طلال ,,, ماقدم لها الا ذكريات او ان جاز التعبير ذكريات مؤلمه,, كل ماتملك يذكرها بطلال هو عماها ,, وقلبها المجروح,, وخوفها من المستقبل,,
خافت ماتقدر تستمر مع بندر لان هاجس طلال يقتلها ,, وخافت يضيع منها بندر وتكتشف بعدين انه هو الشخص المناسب لها
ايش تنتظر من طلال ,, يقتلها علشان ترتاح ,,, طلال تركها ولافكر يسال عنها,,وهو كان عارف الحب الي تحمله بقلبها له ,, مع كذا تركها بدون مايودعها,,, لكن بندر طول الوقت كان معاها ,, ويقدم لها دعمه باي وقت,,, يسمع هموما وشكواها ,, قريب منها ,,, يخاف عليها
تذكرت خوف طلال المزيف لها ,, الفرق كبير وواضح بين صدق بندر وكذب طلال ,,, كل شي واضح قدامها ومايبي له خبير ,, اما انها تعيش ع ذكرى طلال والا تعيش مع بندر الي متاكده انها يحبها
حست بقهر لانها للحين مانست طلال ,, والي من فتره قريبه كانت متاكده انه صار هامش بحياتها ,, بس بمجرد ماانفتح معاها موضوع الزواج ,, رجعت تحن له
تعبت من التفكير وقررت انها تستخير الله ,, والي الله كاتبه لها راح يصير
000000000000000000000000000000 0000000000000000000000000
في اليوم الثاني,,, فهده كانت عند امها
ام فهده : وع مالت عليك حامل ,, كان يالخبله صبرتي ,, يمكن يطلقتس وتجرجرين وراتس هالعيال
فهده: يمه ايش هذا فال الله ولافالك,, حرام عليك المفروض تفرحين لي
ام فهده : ايه بس المهم ابي رقم ام ساره صديقتس
فهده مستغربه: ليش ياماما
ام فهده: ودي اخطبها لصالح
فهده انصعقت: يمه صاير لعقولكم شي,, ايش جاب ساره لولدك
ام فهده :تف عليها حامضه وهي تطول ولدي
فهده: لا ماتطوله, ترى يمه ساره مخطوبه
ام فهده: هوو,, ومتى انخطبت
فهده تكذب ع امها ع شان تصرف نظر عن هالموضوع: من شهر
ام فهده: مالت عليها, هي الخسرانه
فهده تجاري امها: صادقه هي الخسرانه
ام فهده: اجل نبيك تدوري لنا بنت زوينه نخطبها لاخوتس
فهده: انا مالي شغل فيكم ,, اخطبي له انتي
ام فهده: وهو مو اخوتس ياوسيعه الوجه
000000000000000000000000000000 000000000000000000000000
ساره كانت عند مشاعل
مشاعل: اخلصي قولي ايش عندك جيتك وراها شي
ساره: امممممممم,, ميشو اوكي بتكلم,, بس شوفي الموضوع الي راح اقول لك عنه ,, ماله شغل بعلاقتنا انا وانتي,, يعني سواء رفضتي او وافقتي صداقتنا برا الموضوع
مشاعل: سويره تكلمي طيحتي قلبي
ساره: الا قلبك ترى يزعل علي بندر
مشاعل صار وجهها احمر : اقول بلا بياخه تكلمي
ساره: اوكي باختصار وبدون لف ودوران ,, اخوي بندر يبي يخطبك
مشاعل استحت مره ,, مع انها تمون ع ساره مره ,, وبس اول مره تحسها غريبه عنها ,, وتستحي منها ,, يمكن ع شان الموضوع يتعلق باخوها
مشاعل: ساره انتي عارفه وضعي الحين وبعديـــ..
قاطعتها ساره: ميشو لاتصيري مريضه ,, ايش فيه وضعك ,, قصدك انك ماتشوفي هذا مو عيب ولا حرام ,, يعني الي ماتشوف ماتحس وماعندها قلب؟؟؟
مشاعل: لا سارونه مو قصدي بس انا مقدر اقدم لاخوك اي شي ,,,, بعدين ايش الي جذبه فيني وانا بوضعي هذا
ساره: ميشو الحب مايعرف شكل ولا لون او حتى مرض,, بندر يحبك وانا متاكده من هالشي
مشاعل: بصراحه مدري ايش اقول لك ياساره بصراحه فاجئتيني
ساره: المهم لك مهله تفكري ,,, بس اسبوع قبل تسافروا وصدقيني اي قرار راح تاخذيه ماراح ياثر ع علاقتنا انا وياك او علاقه بندر باخوانك ,,, احنا اكثر من عائله ومافيه شي راح ياثر علينا,, ميشو خذي قرارك بدون خوف من الي راح يصير ,,, وفكري كويس هذا زواج,, وفكري ببندر كزوج مو كاخو صديقتك وانك تستحي ترفضيه علشاني او علشان بندر والي سواه معاك ,, تدري ميشو ان بندر لما قال لي كلميها تردد مليون مره
مشاعل: تردد؟؟؟
ساره: ايه يقول اخاف تقبل تتزوجني علشان ترد لي الجميل,, وهذا اكثر شي راح ياذي بندر,,, بندر يبيك ,, واذا ماحصل نصيب صدقيني قرارك بندر راح يحترمه
مشاعل : بس الموضوع هذا يبي له تفكير
ساره: خذي وقتك ,,, بس بندر وده تردي له قبل تسافروا
مشاعل: ليش؟؟؟
ساره: لانه يبي يسافر معك بصفه رسميه عند اخوانك ع الاقل يكون خطيبك رسميا
مشاعل ابتسمت : يعني هو مصمم انه يروح معانا
ساره انصدمت: مجنونه يخليك تروحي لوحدك كان ينجن علينا
مشاعل استحت: سويره بلا سخافه
ساره: تلاحظي انك اخذتي وجه ترى مو اسمي سويره
مشاعل: طيب يا مدام ساره
ساره: لا انا انسه
مشاعل :هههههههه طيب ياانسه
ساره: بس شكلي قريب بصير مدام
مشاعل: ياحقيره انخطبتي وماقلتي لي
ساره: اعصابك تو الناس داقين ع امي امس,, بس شكلي راح ارفضهم
مشاعل: ليش؟؟؟
ساره: مدري احسهم فقراء وقراوى
مشاعل: وشلون حسيتي
ساره : لان خالتهم فقيره, وهي الي خاطبتني
مشاعل: هههههههههههه,, طيب يمكن اختها متزوجه تاجر
ساره: ماتوقع عموما انا قلت لامي خلهم يجون نضحك عليهم شوي
مشاعل: هههههههههههههههههه,, اقول ايش اسم الولد
ساره : مدري
مشاعل انصدمت : ماتعرفي اسم الولد؟؟؟؟
ساره: لا ايش عرفني اعرف عايلته
مشاعل: تدرين جيبي لي اسمه واسم ابوه واجيب لك تاريخ اجداده ههههههه
ساره تحمست: جد ميشو كيف؟؟؟
مشاعل: نسيتي خالتي ام مشعل ,, مشالله عليها ماخلت احد الا تعرفت عليه
ساره: والله اجل تعالي نسالها
مشاعل: وكيف نسالها وانتي ماتعرفي الولد؟؟؟
ساره: تدري راح ادق ع ماما واسالها
ساره من الحماس ماقدرت تستحمل ودقت ع امها
ساره: هاي ماما
ام ساهر: هلا حبيبتي
ساره: ماما ايش اسم الولد الي امس خطبني؟؟؟
ام ساره: هشام
ساره: ماما ابي اسمه كامل وابوه وين يشتغل وكل شي؟؟؟
ام ساره: ليش ايش تبي فيه؟؟؟
ساره: يوه ماما بعدين اقول لك
ام ساره: طيب طيب,, اسمه هشام عبدالعزيز عبدالله الــ.. وهو يشتغل في مكاتب ابوه
ساره: وابوه
ام ساره: ابوه لواء
ساره: طيب ماما باي
نزلت مشاعل وساره عند ام مشعل
مشاعل: اقول ماما
ساره انصدمت من مشاعل اول مره تسمعها تنادي ام مشعل ماما,, بس كانت مو رايقه تحقق تبي الحين تعرف معلومات عن زوج المستقبل
ام مشعل: سمي ياحبيبتي
مشاعل: ماما تعرفي عايله الـــ
ام مشعل: ايه اعرف اخت مره اخوي ماخذه منهم
مشاعل: اها يعني ماتعرفيهم كويس
ام مشعل: لا ,, بس ايش تبو منهم
مشعل: خاطبين سارونه ودنا نسال عنهم
ام مشعل: ولا يهمك سارونه تستاهل الحين ادق ع اخت مره اخوي واسالها ,, هم اهل رجلها اكيد تعرفهم
ساره: شكرا ياخالتي
ام مشعل دقت على اخت مره اخوه
ام مشعل: هلا والله بام محمد
ام محمد :هو,,, ام مشعل هلا والله وغلا ايش اخبارك
ام مشعل: تمام الحمدلله,, انتي شلونك وشلون العيال
ام محمد: والله الحمدلله
ام مشعل: اقول ام محمد,, ودي اسالك
ام محمد: سمي
ام مشعل: ماتعرفين احد من اهل رجلك ابوهم لواء
ام محمد تتذكر: والله ماعرف ايش شغلت الرجال ,, بس قولي لي ,, ايش اسم الابو يمكن اعرفه
ام مشعل: اسمه عبدالعزيز عبدالله
ام محمد: هو ,, ايه ذكرت الي ابوهم ضابط كبير
ام مشعل: ايه ,, هم عندهم ولد توه ماتزوج؟؟؟؟
ام محمد: ايه عندها هشام ولدها الوحيد
هنا تاكدت ام مشعل انها عرفتهم
ام مشعل: ايه هذا هو,, الا عساهم طيبين,, ,وكيف ولدهم رجال؟؟؟؟
ام محمد: خاطبين مشاعل؟؟
ام مشعل: لا والله خاطبين صديقتها ,, وقلت بسالك اكيد انك تعرفينهم
ام محمد: والله ياام مشعل انهم حقن وماعليهم انسه,,, وماينبغون
ام مشعل: هو ياكافي وراه
ام محمد: فيهم غرور ,,, وكبر ,, وامه كريهه ومغروره
طبعا ام مشعل كانت حاطه التلفون ع السبيكر,, وساره تسمع كل شي
وبعد ماسمعت هالكلام ,,صارت تاشر لام مشعل بيدها وكانت تحك اصبعها الابهام بالسبابه <- قصدها الفلوس
ام مشعل استغربت من ساره الي بعد هالكلام تبيها تسالها هم اغنياء او لا
ام مشعل: طيب يام محمد كنت بسالك كيف حالتهم الماديه
لولوه : عندهم فلوس لو يصرفوها من اليوم لمليون سنه ماخلصت,,, ابوه اشهر واحد بعايله زوجي,, مليونير
ساره انجنت من الفرحه ,, مليونير ,, هذا امنيتها
قفلت ام مشعل ,, وحاولت ساره تبين عند ام مشعل انها مو مهتمه ,,, بس مشاعل كانت حاسه فيها انها فرحانه لانها عارفه صاحبتها تموت بالفلوس
تعشت ساره عن مشاعل وهي طالعه
ساره: اقول ميشو ترى بكره راح اتصل عليك ولازم تقولي لي ع ردك
مشاعل :انشالله بفكر اليوم وراح استخير ,, وارد لك
000000000000000000000000000000 0000000000000000000000000