عدنان + لينا!! قصة فلللله!!

عدنان + لينا!! قصة فلللله!!

السلام عليكم ورحمه الله وبركآآتــــه..

صبـــاح الخيــر.. أو مساء الخير..

اليوم جبت لكم قصة عدنان ولينــا بس بشكل غييير طبعا... وعليها بعض التأثيرات و (الصور)..


ماوودي اطول عليكم سيداتي انساتي.. وعلى بركة الله انطلقت الجياد..

القصه كالتالي:

البدااااااااااااية

(عدنان) : شفيك يالينا معصبه؟

(لينا) : مدري ياخوك احس اني بنخطف زي كل مره!!

(عدنان) : يهبووون سميرة وعلام وكل جنود القلعه..

(لينا) : مانيب مرتاحه احس اني خايفه وشكلهم بيخطفوني

(عدنان) : اللي يقرب منك بتوطاه هنيا وادوووس على خشته

(لينا) : يابعد قلبي ياعدنان... انا اشهد انك ذيب..

(عدنان) : كح كح تسلمين ..المهم وين عبسي؟؟؟

(لينا) : مدري يمكن يصيد ضفادع عشان الغداء!!

(عدنان) : وع الله يقرفه ذا الشين المشكله انه خويي ولازم اتحمل بلاويه....

(لينا) : يمه يمه .. اسمع صوووت طيارة سميرة يااااويلي!!

(عدنان) : لاتخافين وقفي وراااي واللي يقول عن نفسه رجال يقرب منك

سميره مع الجنود نزلو من الطياره

سميره تتكلم بالمايك من بعيد***

(سميره) : سلم نفسك ياعدنان ولاترز وجهك

(عدنان) : اقول تلايطي وانطمي .. بس ولايكثر وارجعي من محل ماجيتي

(سميره) : انزح وراك... وخلنا نخطف لينا براحتنا...

(عدنان) : يخطفك جني يالساااااحره.. اللي يرشها بالميه ارشه بالدم

(سميره) : اقول لاتتميلح وتسوي نفسك مصري اوكي!

(عدنان) : لينا ماتبيكم ولا تبي عيشتكم.. لينا خطيبتي وانا متكفل بكل مصاريفها..

(سميره) : الله واكبر على المصاريف؟ كلها فستان واحد وطق لونه من كثر الغسيل

(عدنان) <<<< طاح وجهه

(لينا) : انتي عاوزه ايه؟ انا موش هينا انا خرجت بره >>

(سميره) : اقول انطمي انتي الثانيه لاتسوين نفسك مصريه وتلعبين علي... ترى حركاتكم هذي معروفه

(عدنان) : ماعاش اللي يقول حق لينا انطمي... شكلي بشوتك باند من الجزيره

صارت معركة قوية بين عدنان والجنودفي البداية عدنان صفقهم وبعد شوي طاح في الارض وتوطو في بطنه الجنود وخطفو لينا في الطياره وانطلقو الى القلعة^^^^

(عبسي) : عدنان لماذا انت نايم؟ شفيك ؟؟؟

(عدنان) : اي.. اح.. ضلوعي متكسرة والركب تتصافق اي ..اي..

(عبسي) : لماذا؟ ماذا حدث؟

(عدنان) : اقول انطم بس... سميرة والجنود كانو هنا..دبغوني .. ومردغوني وخذو لينا للقلعه

(عبسي) : افا ياذا العلم؟ لماذا لم تناديني عشان اسوي فزعه؟

(عدنان) : وانا وش عرفني في اي جحر انت؟ طوول يومك تحووس ورى هالضبان والضفادع اقرفتنا في عيشتنا

ياشيخ

(عبسي) : طيب ماذا سنفعل الحين؟

(عدنان) : ابيك تراقب الميناء اذا شفت سفينة القبطان نامق علمني عشان نطمر فيها!!

(عبسي) : حسنا ياسيدي <<<< ماسكه معه الفصحى

بعد ساعتين مرت السفينه....

(عبسي) : عدناااان وصلت السفينه هيااا بنا

(عدنان) : اسمع خلنا نتوزى في المخزن حق السفينة واذا وصلنا للقلعه ننطلق ورى لينا..

بعد شوي ..وصلت السفينة الى القلعة

(عدنان) : انا بروح ادور لينا.. وانت وش بتسوي؟

(عبسي) : انا بفتح اللاب توب واشيك على ايملاتي لين ترجعون <<<< وش حقه جاي

(عدنان) : انتبه لاحد يشوفك وتوهقنا!! ترى كلها ساعه نسحب لينا ونعود ديرتنا

(عبسي) : لاتخاف اذا حد شافني بقولهم انا برب في المنتدى >>الشفرة خخخ

عدنان وصل الى غرفة لينا ويكلمها من ورى الشباك !!!

(عدنان) : حياتي ليونه وحشتيني <<<

(لينا) : هلا والله... ولكمووووووووو .. شخبارك؟ شخبار الوالده؟

(عدنان) : يسلمووووووووو... كلنا بخير ومشتاقين لك

(لينا) : تشتاق لكم العافية

(عدنان) : وانتي شلونك؟ وش علومك؟

(لينا) : يووووه انا طفشانه مررره وكل شوي يطقوني

(عدنان) : ولايهمك اوريهم... على فكره ترى عبسي جاء معي ويسلم عليك

(لينا) : وينه الشين شخباره؟ عساه طيب؟

(عدنان) : ابشرك بخير ونعمة... والرجال يحترينا عند السفينه

(لينا) : طيب يالله انقذني بسرعه وراك تحب السواليف؟

(عدنان) : ابعدي شوي تراني بضرب القزازه براسي واكسرها

* تم انقاذ لينا وانطلقو الى السفينه

(عدنان) : عبسي يالله سرينااااااا

(عبسي) :ولكموووووووو .. هلا وغلا

(لينا) : ياشباب ترى سميره تركض ورانا بالمشعاب .. بسرعه نبغا نهرب في السفينه

(عبسي) : المصيبة ان القبطان نامق نايم هو ووجهه

(عدنان) : دق عليه جوااال وخله يصحى ماعاد فيه وقت

*اتصــــــال*

(نامق) : الووو.. مين معي؟

(عبسي) : نامق تكفى ...ترى تكفى تهز رجال

(نامق) : ابشر والله... امر وش بغيت؟

(عبسي) : قم شغل السفينه وخذنا معك نبغا نهرب من سميره

(نامق) : ياويل حظي لاتقول سميره ترى اخق من اسمع طاريها

(عبسي) : اقول بلا هذره اخلص علينا نبغا نفرك من هنا

(نامق) : اوكي تعال السفينة وماعليك انا بتصرف

ركبو السفينة ونامق نزل عشان يتكلم مع سميره

(سميره) : وينهم؟ وين خبيتهم اعترف؟

(نامق) : ياويل حالي.. عليك عيون ماهيب صاحيه

(سميره) : اقول تلايط بس واسكت .. وين لينا؟؟؟

(نامق) : سميره مستعد اعطيك لينا لكن عطيني قلبك تراني حبيتك واللي كان كان..

(سميره) : هاهاهاها ضحكتني ... قلبي وش تبي فيه؟

(نامق) : اويلااااه على قلبك .. ابيك تكونين حبيبتي وتاخذين رقمي ونسولف تالي الليل مثل هالمراهقين

(سميره) : ياولد استح على وجهك ترى جوالي سوا <<<< يعني افهمها واشحنه

(نامق) : كل بطاقات السوا تفداااااك بس خليني اسكن قلبك لو ليله وحده كح

(سميره) <<<< تناظر في جزمتها ينقالها مستحيه

(نامق) : وش فيك تناظرين جزمتك؟ ناويه تضربيني صح؟>>>

(سميره) : لا شدعوه... بس كنت افكر في جوال N70 يقولون فيه بلوتوث وحركات

(نامق) : شركة نوكيا بكبرها ماتغلى عليك ياقلبي

(سميره) : يؤيؤ لهدرجه تحبني

عدنان طل براسه من السفينه

(عدنان) : ماخلصتو انتو ياخي ..اتفقوا وفكونا ... نبي نمشي

(سميره) : تمشي في عينك.. انا بروح معكم لووول

(نامق) : تفضلي ياقلبي ادخلي برجلك اليمين

(لينا) : يمه يمه.. سميره بتروح معنا انا خايفه تضربني

(عدنان) : لا تخافين... نامق روضها خلاص

(عبسي) : كفوو نامق.. الحين نقدر نعيش مرتاحين

وتوتا توتا خلصت الحتوتا..
هااااااااا شرايكم بالقصه والتأثيرات ان شاء الله عجبتكم

هذه القصة مرة مرة حلوة ومضحكة
تسلمي

ههههههههههههههههههههه
القصه مره حلوه