مواقف مضحكه أثناء صلاة الفجر ...

مواقف مضحكه أثناء صلاة الفجر

هذي بعض المواقف يرويها لنا ناس صارت عليهم عند صلاة الفجر

يقول أحدهم :
مرة كنت انا قايم من النوم تعبان ...توضيت ولبست ثوبي وشماغي وطلعت وشغلت السيارة ..
وطبعا تعرفون لازم نخليها تحما...قلت الين ما تحما السيارة آخذ غفوة داخل السيارة..
أخذت غفوة وقمت قلت خلاص..ألحين السيارة حمت اكيد ..واشوف النور طلع والناس صلت وراحت بيوتهم وانا في مكاني قاعد
=============================

قال احدهم :
مرة كنت ماشي للمسجد وقد اقيمت الصلاة وكانت هناك قطه صغيرة تطاردني من البيت، إلى أن دخلت المسجد مسرعا
عشان ماتفوتني االركعة ودفعت الباب بقوة فتأخر في الانغلاق..
المهم
إن القطة دخلت المسجد ... تدرون وش سوت القطه ....خليها على ربك...بهذلت المصلين وصارت تطامر عليهم
وخاصة باكستاني بيني وبينه واحد في الصف في أثناء السجود
وكلكم تعرفون كيف اللبس اوالزي الباكستاني
القطة شافت المغارة فلم تنتظر فدخلت فيها ..الباكستاني ماحس الا في الجلسة بين السجدتين فرفع الطرف الامامي من ثوبه بشكل مضحك
وأخرجها وهو ممسك بها... الأمام كبر للسجود
الباكستاني :
مسكها ورماها ورا..
===================

يقول اخونا الثاني
مرة في الصلاة كنت نعسااااااان ، وفي التشهد الأخير طول الإمام ، وطول ، وطول ، وطووووووووول فتأكدت أنه نايم...
بعد فترة حسيت الموضوع فيه ( إن ) !!

رفعت شماغي من جهة اليمين فما وجدت أحد ...رفعته من اليسار فما وجدت إلا كم شخص من بعيد
فاكتشفت أني أنا اللي كنت نايم في التشهد

================

هذي قصه لواحد من الشباب يرويها بنفسه يقولك كنت في بداية حفظي للقران والحمدلله
وقد بدأت أحفظ من قصار السور مبتدءاً بسورة ق
المهم والحمد لله أنا من المواظبين على صلاة الفجر وفي روضة المسجد خلف الإمام
مباشرة ... وفي تلك الأيام الخوالي قدّر الله أن الإمام تأخر عن صلاة الفجر .. والتفت
المؤذن إلي وقال تقدم .. تقدمت وكلي ثقة ولكن بيني وبينكم هذا في الظاهر..

أما داخليا
فكان في نفسي رهبة شديده كبرت وبعد قرآة الفاتحه قلت في نفسي هذه فرصه لقرآءة
سورة ق تعوذت بالله وبسملت وقرأت مبتدءاً الآيه ق.... وأرتجيت وضاع الحفظ ..
وسكت .. قال المؤذن والقرآن المجيد ..قلت والقرآن المجيد وقفلت . قال بل عجبوا
قلت بل عجبوا .. قال أن جاءهم ... قلت أن جاءهم واستمر يلقنني آيتين أو ثلاث وأنا
أردد خلفه وضاعت طاستي ..وكبرت وركعت وأنا خلاص منتهي وش هذا الموقف..
وتداركت نفسي أثناء السجود والجلسه .. وإذا سورة ق تنساب في مخي آية آية ...
رفعت للركعه الثانيه وقرأت الفاتحه وقلت في نفسي لازم أوري الجماعه إني حافظ السوره ولست أي كلام ....ويشاء الله أن أبدأ ق..
وأول مانطقتها قفلت وضاع الحفظ
قال المؤذن خلفي بصوت حنق والقرآن المجيد.. ..قلت والقرآن المجيد
وقفلت . قال بل عجبوا ..... بل عجبوا وهكذا مثل الركعة الأولى .... وأنا أنتفض من
الخجل والفشيله............... المهم ركعت .......... وكملت الصلاة ..... وسلمت
وإلتفت على الجماعه ورأسي على صدري ........ والمشكله المؤذن حمق علي .. وبدون مقدمات وأمام الجماعه ...... قال ..

ماتقولي هالحين نطلعك من ق وترجع لها ليش ..
.... ولم أرد عليه وبقيت في المحراب حتى خرج كل من في المسجد .....

====================

يقول أخر وهو إمام للمسجد:
مرة وأنا كنت كالعادة أقوم لصلاة الفجر مسرعآ ، لأن المؤذن اقام للصلاة..
المهم أني في هالمرة قمت توضيت ولبست ثوبي وأخذت شماغي وبسرعه كالعادة ماأسكر أزارير الثوب إلا وأنا داخل للمسجد وكان هو يقيم والعالم كلها فيها النوم ( ماأحد يشوف ) فجأة وأنا متقدم والمؤذن يقيم .....أحاول أني أسكر أزارير ثوبي ماقدرت ...
حاولت ولا نفع .. اكتشفت أخيراً أني لابس الثوب مقلوب ...وتعال دورني ....قعدت أغطي صدري بشماغي بعد الصلاة ولا أحد انتبه لي

==========================
وأخوكم يروي حكايته:
مره كنت داخل المسجد ... طبعآ لصلاة الفجر ... وكنا في السجود الاول .... وقتها مدري ويني فيه من شدة النوم ... في البيت .. في المسجد
في السياره .... في سابع نومه
وبعد ماصحيت ... الامام كبر للتشهد الاخير .... أستغربت ... وقلت في نفسي الامام هذا مو صاحي
متى صارت صلاة الفجر ركعه واحد ..اييييييييييه..
الله العالم أنه انا اللي مو صاحي .... وبعد التسليمه من الصلاة دريت أني أخذت لي غطه في الصلاه
وسئلت اللي جنبي ... ليش ما صحيتني .. قال حسيتك تعبان وتركتك


====================================
وفيه ثاني يحكي ويقول:
مره كنت في المسجد .... لصلاة الفجر ..... طبعآ هالمره أنا مانمت .... بس نام اللي قدامي ....
الرجال الله عطاه صحه وعافيه ... ماشاء الله عليه ... كان مليان عليه جسم وسمين..

المهم

في الركعه الاولى .... الرجال من قوة النوم اللي فيه
طاح .... وطيحه له أربعه من جنبه لكن...

الله ستر بدون أصابات
***********